1 Samoɛl 3:17 - mzwDBL

¹⁷ Eli bɔɔro ŋɔ, “Bɔkwa waa Korowii bol he be nɔ? Bɛ wobɛlbwa kpɔ sɔɔh mɛ. Dɛ he kpɔ wobɛlbwa Korowii aa bol he be sɔɔh mɛ naa, ó tɛr he deŋne kohona.”

1 Samoɛl 3:17 ပူးပေါင်းရင်းမြစ်များ

2 Samoɛl 3:35

Nɛra la bwa soŋe Kooro Devid ŋɔ ó nyin komɛl do nyoa mɔɔ wee le harɛ. Kɛ o ta sɛɛh dɛ ŋwɛɛ ŋɔ, “Dɛ n kpɔ komɛlbwa do nyoa mɔɔ wee le harɛ naa, Kórowii tɛr n deŋne kohona.”

Rut Tɔn 1:17

Bela haa sewɛ laanee n ɡee ba sewa, ásɛ ba huɡ mɛ bela. Dɛ seo laa aa, n ŋwɛɛrɔ kɛŋɔ wobɛlbwa aa won pere ya baah.”

Matiu 26:63

Yeesu mwaa o ne, o ta wobɛlbwa chaŋɛ. Anee Sɔfonomoa la berɛ ŋɔ o be ja ŋɔ, “N ŋwɛɛ Korowii waa lole saŋ bɛlbwa nɔ kɛŋɔ, dɛ henee o Bie Kristo la waa baɡɛ yaa nyoa ŋɔ wɛɛ tomɔɔ ó ba lɛ yaa la aa, ɡel ya jemɛ fini.”

Maeka 2:7

Israel tena, a chɛ kɛ ya ŋɔ, “Korowii Doma baah di ya nɛɛ kɛɛ? Wɛɛ ɛ ɡɛ waa nɔɔ yaa?” Nomɛlbwa o wa aa toɡra la Korowii swee andɛɛɡa dɛɛ tɛo.

Daneɛl 4:19

Ate, Daneɛl baa bera dɛɛ yerɔ Bɛltesasa la bwara yɔr kohona, o wili waa waa dɛ lii ta. Anomanta, kooro la ŋɔ, “Bɛltesasa, bɛ ɡel deera la kɛɛ a mun baɡla dɔe ɔmee.” Ate, Bɛltesasa chaŋe ŋɔ, “N naa kooro, n dɛ nyin kɛ deera nɔ ne a mun fe bɛ he waa ɛ, dɛ fee ɛ he dɔma wa.

Yela 141:5

Gel nɛn o wa aa toɡra kah mɛ dɛ́ toɡ mɛ, nyina waa dɛ nyin mɛ wa. Maa duure bɛlbwa nyin wechɔɡ-ɛɛra be, dɛkalkɛ saŋ bɛlbwaa mɛɛ soŋe Korowii ŋɔ ó chɔɡ ba wobɛlbwa.

1 Koranar 22:16

Asɛ Kooro Ahab ŋɔ o be ŋɔ, “Keraŋwɛnɛɛ ń ɡel he ŋwɛɛ kɛŋɔ he bol kasinteŋ Korowii sɔn ta nɔ?”

2 Samoɛl 19:13

Kooro berɔ ŋɔ ba bɔɔ Amasa ŋɔ, “N lole laa hen ya bwa ɛ nɛmbeŋkpoŋ aa? Le fini dɛɛ kaa dɛ he laa dɛ́ ɛ nomoa dɛ́ chiɡ Joab naa ta, dɛ́ chɔ n laa tena nyoa aa, amɔ te Kórowii tɛr n deŋne kohona.”

1 Samoɛl 20:13

Dɛ n mɛɛ dɛ nyini dɛ́ kpoe naa, n ŋwɛɛrɔ kɛ dɛ n ta he be bolɛ dɛ ɡel he dɔ bɔr chwa aa, Kórowii tɛr n deŋne kohona. Korowiirii dɛ́ ja he nɛɛ ɡɛ waa ja he mɛɛ nɛɛ la.

1 Samoɛl 3:16

kɛ Eli yerɔ dɛ ŋɔ, “N bie Samoɛl.” Asɛ o chaŋo ŋɔ, “N dɔɔ, menee la.”

1 Samoɛl 25:22

Bɔr ne chaahna dɛ n ta baala nɔ bwa kpooraa, Korowii kpo mɛ!”

Jeremia 38:14

Ate, Kooro Sedekia tomɛ ŋɔ bá ka yerɛ men Jeremia ba doonyotooro te waa lɔ Korowii Dea bela la ta, asɛ dɛ ŋɔ n be ŋɔ, “N dɛ ba hen waane bɔɔra, kɛ na kɛŋɔ haa wobɛlbwaa kpɔ sɔɔh mɛ.”

Jeremia 42:4

Anee n chaŋe ŋɔ, “N noɔ, mɛɛ soŋe Korowii yaa dɛ tomɔ ɡɛ haa dɛ soŋe laanee, ásɛ wobɛlbwa waa bol n be la, ń bol he be. Maa wobɛlbwaa kpɔ sɔh heya.”

Nɛra Kura 23:17

Asɛ Balam berɛ la Kooro Balak be dɛ o ne Moab nomonome ta cheɡɛ saraha kwaa la jwɛh. Anee Kooro Balak bɔɔ Balam ŋɔ, “Bɔkwa waa Korowii bol ɔ?”

1 Samoɛl 14:44

Anee Kooro Sɔɔl ŋɔ, “Dɛ hen Jonatan ta sewaa, Korowii bɛ men ɡel.”

2 Samoɛl 3:9

N ŋwɛɛrɔ kɛŋɔ dɛ n ta waa Korowii aa baɡɛ Kooro Devid nyoa la ɛɛ tɛo waa, ó tɛr n deŋne kohona,

2 Samoɛl 14:18

Anee kooro chaŋe haah la ŋɔ, “N dɛ nyin n bɔɔre waane, ásɛ he ɡel ń jemɛ a kasinteŋ bwa.” Ate, o chaŋe ŋɔ, “N naa, wobɛlbwa haa dɔa la, bɔɔ mɛ.”

2 Koranar 6:31

A habɔɔ, kooro la ŋwɛɛ ŋɔ, “Dɛ n ta Safat bibaa Elaesa nyu teŋe fini naa, Korowii kpo mɛ!”