1 Samoɛl 3:12 - mzwDBL

¹² Awola tɔpere la, mɛɛ tɛr Eli ne o dem tena deŋnee ɡɛ aa chɛa, maa wola beŋkpoŋ kwaraa ta.

1 Samoɛl 3:12 ပူးပေါင်းရင်းမြစ်များ

Amanesoma Luk Aa Chwera Tɔn 21:33

Nyundua ne harɛ ɛɛ chɔɡoo. Kɛ n waa maa bola te bwa ɛɛ do lee saŋ te bɛlbwa.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Josua 23:15

Gɛ Korowii aa wona baɡɛ heyaa nyoa a bwa won ɛ nɔ, ɡɛɛ wɛɛ ba wona chɔɡ heya, ka tel kɛŋɔ waa kpoo heyaa le harɛdɛɛɡe nɔ waa kpɔa tɛ heyaa la ta.

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Ɛsekeɛl 21:5

Anee dɛ́ ɡel nɛra jemɛ kɛŋɔ men Korowii, n pamɛ n kere aa, maa berɛ kpɔ su o tɔɔ ta kpa.

Sitɔɔla 4:24

Israel tena berɔ ba dɔ kpeɡri kɛrɛdɛ Keenan tena Kooro Jabin nɛɛ ka tel kɛŋɔ baa kpoo.

1 Samoɛl 4:11

Filisti tena kpɔ Korowii Ne Nɛwɛnyina Fɔo Daka la, dɛ kpo sɔfo Eli bibaala Hofni ne Fenehas ɡe.

1 Samoɛl 4:17

Ate, baa la ŋɔ, “Laa la ta la, Israel tena chwao, asɛ Filisti tena kpoo ba kohona. He bibaala Hofni ne Fenehas ɡe, ba kpoo ba, dɛ kpɔ Korowii Ne Nɛwɛnyina Fɔo Daka la ɡe kaa.”

1 Samoɛl 4:21

O pa bie la sɔn Ikabod, dɛ baɡle kɛ Korowii jirima le Israel kaa, dɛkalkɛ ba kpɔ Korowii Ne Nɛwɛnyina Fɔo Daka la kaa, asɛ o helabaa ne o jaa bwa ɡe sewɛ.

1 Samoɛl 4:22

O ŋɔ, “Korowii jirima toole Israel tena nɛɛ kpa, Daka la Filisti tena aa kpɔa kaa la wa.”