1 Samoɛl 28:4 - mzwDBL

⁴ Filisti laa tena chemo dɛ ba baŋre ba tɛnte deene bwɛɛ Sunem, asɛ Kooro Sɔɔl ɡe boa Israel laa tena bwa nyoa ba baŋre ba tɛnte deene Gelboa Bwejen ta.

1 Samoɛl 28:4 ပူးပေါင်းရင်းမြစ်များ

1 Samoɛl 31:1

A kaa ba kɛ Filisti tena ne Israel tena cheme Gelboa Bwejen ta dɛ yo laa. Ba kpoo Israel tena ɡalɡa bela, asɛ ba kar ne Kooro Sɔɔl ne o bibaala chwa.

Josua 19:18

Ba harɛ ta bwɛjenaa Jesreel ne Kɛsolɔt dɛ Sunem,

2 Koranar 4:8

Awola bɛl, Elaesa la bwɛɛ bɛl baa dɛ yerɔ Sunem ta, dɛ haah bɛl o nɔn bini aa wera lɔ bela. Haah la yerɛ Elaesa la o dem o ne o ka di kwa. Le awola tɔpere dɛɛ kaa la, Elaesa aa kpɔ bwɛɛ la ta baa kaa bwa, ɡɛɛ o la dem bela dɛ ka di kwa.

2 Samoɛl 21:12

o iro la ka pa Kooro Sɔɔl ne o bibaa Jonatan hoɡa le Jabes Gelead tena be. Dɛ ba ŋwɛa le Bɛt San, bela nɛra yon kaa soŋni bwɛjen la doonyoa. Belaa Filisti tena kpɔ ba saɡɛ ɡɛ saŋ baa kpo Kooro Sɔɔl Gelboa Bwejen ta la.

2 Samoɛl 1:21

Mɛn kɛɛ bwaala bɛ Gelboa deŋɡarere ta nɛ, o harɛre bɛ won dɛɛ ɛ kondikwaa ɡe kpa! Banyoola kwaa baa kpɔa tɔ ba te ɡbemɡbe dɛɛ yo chɔ bela, baa noo kpɔe dɛɛ fɔɡɛ Kooro Sɔɔl kon waa kpɔa dɛɛ tɔ o te ɡbemɡbe wɛɛ nyɛɡle kpa.

2 Samoɛl 1:6

Ate, o chaŋe ŋɔ, “Dɛ n lɔ Gelboa Bwejen doa dɛ na Kooro Sɔɔl kɛŋɔ waa kpoŋe o lampea dɛ kpɔ o te dawɛ o ta, asɛ nɛra baa soɡe kwaa aa do kɛŋɔ torɔɡo ba vɔwɛ pɛl jaɡre, ne nɛra baa soɡe jaɡre ta siwi beɡre dɛɛ bɛno dɛ́ lawɔ.

1 Samoɛl 28:5

Kooro Sɔɔl aa na Filisti laa tena la, o ɔmɔ kohona.

1 Koranar 1:3

Ate, ba ɡaaɡe Israel harɛ ta bwa dɛɛ nyin bechatolo waa wera tolo, asɛ dɛ ka dɔ bɛl bwɛɛ bɛl baa dɛ yerɔ Sunem ta baa yerɔ Abisaɡ, dɛ kpɔɔ ba tɛ Kooro Devid.

1 Samoɛl 31:8

Tɔ aa pera la, Filisti tena la laŋɔ dɛ ka pa laa tena baa kpoo ba la laala, asɛ dɛ na Kooro Sɔɔl ne o bibaala batoro la kɛ baa serewa chɔ Gelboa Bwejen ta.