1 Samoɛl 26:8 - mzwDBL

⁸ Abisae den ŋɔ Devid be ŋɔ, “Korowii kpɔ he dɔm do he nɔn ta fini. Gel n kpɔ o ɡbaɡba lampea nɔ yaɡɔ marɛ harɛ kera beŋkpoŋ ɡbo, kera anɛ kwaraa laa.”

1 Samoɛl 26:8 ပူးပေါင်းရင်းမြစ်များ

2 Samoɛl 16:9

Belaa Abisae baa dɛ yerɛ o nya Seruya la ŋɔ kooro be ŋɔ, “N naa, ɛrɛɛ he ɡel nɛn waa wola toole wobɛlbwa bini kɛ nyoate lale ɡe ɛɛ taahne ken? Gel n la ka teŋe o nyu le bela!”

Yela 31:8

He ta ɡelɛ n dɔma dɔɔ mɛ, he kpɔ n naa cheɡ bodɛɛɡe.

Jeremia 40:15

Belaa Karea bibaa Johanan sɔh ka ŋɔ Gedalia be Mispa ŋɔ, “Tɛ mɛ ŋwɛnɛ n sɔh ka kpo Nɛtanea bibaa Ismael, nomɛlbwa aa wola na. Ɛrɛɛ chɛ kɛ o kpoe asɛ Juu tena baa ja he nɛɛ bonɔ nɔ lɔ peɡre dɛ kpɔ sibeɡra ba ta nɛra baa kaa dɛ ta so bela nɛɛ nɔɔ?”

Neehum 1:9

Korowii vɔrɔwa bɛlbwa dɔma aa vɔrɔwa la, wɛɛ chɔɡ a bwaa, wekpeɡa bɛlbwa aa berɛ ba nɛɛtena kpa.

Tɔn Pɔɔl Aa Chwerɛ Rom Tena 11:32

Nɛwɛnyina bwa taŋ deŋne Korowii be, asɛ o koh a waa dɛ pa nɛra bwa bolchɔɡe. Ŋwɛnɛ bɛlbwa toole yá che o ta dɛ́ le a ɡɛ bolchɔɡe nɔ ta. A ɛ ɡɛ ásɛ Korowii na ya bwa sum.

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?

Josua 21:44

Korowii ɡelɔ ba dɔ deŋnesɔɔhna ɡɛ waa baɡɛ ba naawa nyoa la. Ba dɔma bɛlbwa ta wone che ba sie, dɛkalkɛŋɔ Korowii cha ba ba won dɛɛ pɔ ba dɔma bwa nɛ.

Sitɔɔla 1:4

Korowii cha ba asɛ ba pɔ Keenan ne Pɛrɛs tena nɛ, asɛ dɛ kpoo baala kaɡboŋa fi bwɛjen Bɛsɛk.

1 Samoɛl 23:14

Devid kaa sɔh Sif pua hɛŋle ɡbo harɛ ne o deŋɡarere ta. Tɔpere bɛlbwaa Kooro Sɔɔl ɛɛ ɡaaɡe o bɔr, kɛ Korowii ta ɡelɛ o dɔ Devid lawɛ.

1 Samoɛl 24:4

Asɛ Devid nɛra la ŋɔ o be ŋɔ, “Fini tɔpere nɔ, Korowii dɛ bol he be ŋɔ, ‘Mɛɛ kpɔ he dɔmee do he nɔn ta he ɛo ɡɛ bɛlbwa haa dɛ nyin.’ ” Ate, Devid huuh dɛ sɔh ka mɔn Kooro Sɔɔl batakaare nyoa, dɛ waa jemɛ.

1 Samoɛl 24:5

A habɔɔ la, Devid liire chɔɡɔ kɛ waa kaa mɔn Kooro Sɔɔl batakaare nyoa la.

1 Samoɛl 26:23

Nɛra baa dɛ di kasinteŋ Korowii waa ta ba waa toɡre la, Korowii dɛ bɔ ba kem. O kpɔe do n nɔn ta fini, kɛ waa lee cheɡ kora ta nomanta, n ta hen kpoe.

1 Samoɛl 26:7

Anomanta, Devid ne Abisae la Kooro Sɔɔl ne o laa tena be jwaana, dɛ Kooro Sɔɔl chɔ dom bela baa soɡa la baah ta, asɛ lampea pa o nyu bɔr pera. Asɛ Abna ne laa tena la ɡe chɔ baro.

1 Samoɛl 26:9

Kɛ Devid ŋɔ, “Bɛ on kpo! Nomɛlbwa waa kpo nɛn Korowii aa fuɡe noo do o nyu ta dɛ cheɡo kora ta la ɛɛ di bolchɔɡee.”