1 Samoɛl 26:21 - mzwDBL

²¹ Anee Kooro Sɔɔl ŋɔ, “N bie Devid, n ɛ wechɔɡa, berɛ ba n be. Maa hen kpo kpa, dɛkalkɛ he dɔɔ mɛ he ta men kpoe jwaana nɔ ne. N ɛ ɡɛnewaa kohona ne waa aa wola were.”

1 Samoɛl 26:21 ပူးပေါင်းရင်းမြစ်များ

1 Samoɛl 24:17

O ŋɔ, “He waa toɡrɔ dɛ ɡwaa mɛ. He te nyiŋi n nɛɛ kɛrɛdɛ, kɛ menee wola hen nyiŋe.”

1 Samoɛl 15:24

Anee Kooro Sɔɔl ŋɔ Samoɛl be ŋɔ, “N ɛ wechɔɡa, n vɛh Korowii waa waa do mɛ a ta, ne waa haa ŋɔa n ɛ la. Ɔmaa n ɔmɛ nɛra la waa n teŋɛ waa baa dɛ nyin ta.

Kaala 9:27

Belaa Ijipt kooro yerɛ Mosis ne Arɔn dɛ ŋɔ, “Taraken n nao kɛŋɔ n ɛ wechɔɡa, Korowii waa toɡra. N ne n nɛra sɛh chɔɡre.

Matiu 27:4

“N ɛ wechɔɡa kɛ maa le nɛn waa wola wechɔɡa bɛlbwa ɛɛ tɛ heyaa ŋɔ hé ka kpoo nɔ.” Anee nɛra la ŋɔ, “Ya te waane laa, a bwa do kɛ hen.”

1 Samoɛl 15:30

Ate, Kooro Sɔɔl chaŋe ŋɔ, “N ɛ wechɔɡa te, kɛ ɡel ń dɔ duure Israel tena bwa ne ba nomonome sie. Gel n ne he kaa, ásɛ n kaa tomɛ Korowii haa dɛ tomɔ la.”

Yela 116:15

Korowii nɛra ba wa aa toɡra o be la waa hiaoh, ba seo ɡelɔ o loo ɛɛ ku.

Yela 49:8

Nɛwɛnyini mkpa yoɡ kpeɡri, komɛlbwa toole bá won kpɔ yawɔ,

1 Samoɛl 27:4

Baa bol Kooro Sɔɔl be kɛ Devid chwao ka so Gat la, o ta o bɔr ɡaaɡɛ kpa.

1 Samoɛl 26:24

Gɛ maa sune he nɛɛ n ta hen kpoe fini nɔ, Korowii cha mɛ ɡɛ tenten, dɛ́ lɛɛ mɛ le n wenaale bwa ta.”

1 Samoɛl 18:30

Filisti laa nomonome teŋɔ kpɔ ba laa tena dɛɛ la laa, kɛ saŋ bɛlbwa ba ne Devid aa yo la, o dɛ pɔ ba nɛ. Devid lɛ sɔn kohona, dɛkalkɛ Kooro Sɔɔl laa nomonome bwa bini la, dɛ onee yo laa dɛ kpoo nɛra kohona.

Nɛra Kura 22:34

Balam ŋɔ Korowii nyundua torome la be ŋɔ, “N ɛ wechɔɡa, n ta jemɛ kɛŋɔ he cheɡɛ ŋwɛnɛ ta dɛ tɔ mɛ ŋwɛnɛ. Dɛ he sie ta lɛɛ yaa, mɛɛ berɔɔ laa berɛ.”

1 Samoɛl 26:22

Asɛ Devid chaŋe ŋɔ, “N naa kooro, he lampea laanee la, ɡel he bonɔɔna nɔ bini bɛl ba, dɛ́ ba lɛ.

Yela 72:14

Wɛɛ lɛɛ ba le fiiɡa ne nɛnchɔɡa nɔn taa, dɛkalkɛŋɔ ba mkpa dɔe waa hiaoh.

1 Samoɛl 13:13

Samoɛl ŋɔ o be ŋɔ, “He ɛ ɡɛnewa. He ta Korowii haa dɛ tomɔ doe waa doe la kpɔe ɛ toma ɡɛ aa chɛa. He fe teŋɛ ɡɛ waa doe la ta naa, o fe ɛɛ ɡeloo he ne he naanar di kora Israel harɛ saŋ bɛlbwa dɛɛ la.

2 Koranar 1:13

Kooro Ahasia berɔ tomɛ laa sitɔɔ bɛl ɡe ne o laa tena fifraanue ɡe toorotena. Nomontooro te la teehnɔ la Elaeja be, dɛ ka ɡuŋi harɛ o sie dɛ soŋo ŋɔ, “Korowii keame, na n ne n laa tena fifraanue nɔ sum, dɛ́ ɡel ya dɔ ya nyuune.

2 Koranar 1:14

Nyiŋi na, ɡɛ nii aa le nyundua dɛ ba fuh laa sitɔɔla banɛ la ne ba laa tena bwa ɡɛ! N poori, na n sum dɛ bɛ ɡel a ba n nɛ.”