1 Samoɛl 26:12 - mzwDBL

¹² Anomanta, Devid kpɔ lampea ne loŋ waa dɛ do nee o bini o che o nyu bɔr la, asɛ ba kaa. Nomɛlbwa ta nae, bɛlbwa ɡe ta harɛ. Ba bwa chɔɔ ka ɡarɛ dɛkalkɛ Korowiirii ɡela a ba ɡɛ.

1 Samoɛl 26:12 ပူးပေါင်းရင်းမြစ်များ

Mumpar 2:21

Anomanta, o ɡelɔ baa la chɔ dom ka ɡarɛ, o laa o kuɡlambi beŋkpoŋ kpɔ dɛ kpɔ ol tɔ bela.

Mumpar 15:12

Aa baa ka tama asɛ wee le harɛ la, Abram chɔ dom ka ɡarɛ. O dom chɔe bini la, bɔr biro kpirkpir ken ta o nɛ, asɛ ɔmee lawɔ kohona.

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Ɛsta 6:1

Awola tɔpere la jwaana, kooro ta wone chɔ dom. Anomanta, o ɡelɔ ba ba tɔne o kora dii waa aa lɔ a bini la ne bá kure tɛo.

1 Samoɛl 26:7

Anomanta, Devid ne Abisae la Kooro Sɔɔl ne o laa tena be jwaana, dɛ Kooro Sɔɔl chɔ dom bela baa soɡa la baah ta, asɛ lampea pa o nyu bɔr pera. Asɛ Abna ne laa tena la ɡe chɔ baro.

1 Samoɛl 24:4

Asɛ Devid nɛra la ŋɔ o be ŋɔ, “Fini tɔpere nɔ, Korowii dɛ bol he be ŋɔ, ‘Mɛɛ kpɔ he dɔmee do he nɔn ta he ɛo ɡɛ bɛlbwa haa dɛ nyin.’ ” Ate, Devid huuh dɛ sɔh ka mɔn Kooro Sɔɔl batakaare nyoa, dɛ waa jemɛ.

1 Samoɛl 26:13

Belaa Devid ɡale kaa fɛlembɔjen la baŋ bɛl dɛ ka chɔŋɛ deŋɡare la ta, o ne ba baah do jaŋne.