1 Samoɛl 26:10 - mzwDBL

¹⁰ Dɛ berɛ ŋwɛɛ ŋɔ, “Korowii aa lole nɔ, dɛ o seo tɔpere ta tele o sewɛ, kɛɛ o sewɛ laa ta naa, Korowii ɡbabirii dɛ́ kpoo.

1 Samoɛl 26:10 ပူးပေါင်းရင်းမြစ်များ

Mmarare 31:14

Ate, Korowii ŋɔ Mosis be ŋɔ, “Tɔpere waa kaa he sewɛ la aa kanɛ kpa, anomanta, yerɛ Josua ba n Dea Cheremibɔr nɔ bini, ásɛ n kpɔ n waa bwa do o nɔn ta.” Anee Mosis ne Josua la Korowii Dea Cheremibɔr bela.

Mumpar 47:29

O seo tɔpere aa dɛ tel la, o yerɛ Josef dɛ ŋɔ o be ŋɔ, “Kpɔ nɔn do n hwie baah dɛ́ ŋwɛɛ kɛŋɔ nyina haa dɛ nyin mɛ ne kasinteŋ haa dɔa kohona tɛ mɛ nomanta, n sewaa, haa men Ijipt harɛ taa huɡe.

Tɔn Pɔɔl Aa Chwerɛ Rom Tena 12:19

Yabala, nɛra ɛ heyaa wechɔɡa aa, he bɛ ane ɛ dɛɛ bɔ kem. Hé kpɔ tɛ Korowii. O baah dɛ di ba nɛɛ taeh. On dɛ bɔ ba kem, dɛkalkɛŋɔ ba chwerɛ Korowii Tɔn bini ŋɔ, “Korowii bolɔ ŋɔ, ‘Mɛɛ tɔ a peɡee, mɛɛ bɔ ba a kemee.’ ”

Yela 37:13

Korowii dɛ mamɛ nyubinikpeɡ tena, o jemɔ kɛŋɔ ba chɔɡa tɔpere telo tonɛ.

1 Samoɛl 31:6

Gɛɛ a do Kooro Sɔɔl ne o bibaala batoro ne o bonɔɔ dɛ o laa tena bwa sewɛ awola tenten.

1 Samoɛl 25:38

Dɛ ɛ tɔpera fi habɔɔ la, Korowii ɡelɔ Nabal sewɛ.

1 Samoɛl 25:26

Taraken, Korowii aa lɛɛ le nɛra kpoora dɛ tɔ wel ta nɔ, n ŋwɛɛ Korowii waa lole saŋ bɛlbwa asɛ he ɡe so le nɔ, ó ɡel he dɔma baa dɛ nyini dɛ́ kpo la do kɛŋɔ Nabal ken.

Mmarare 32:35

Korowii ɛɛ tɔ a peɡee, wɛɛ bɔ ba a kemee. Saŋ bɛl dɛ ba ba chole, ba chɔɡa tɔpere dɛ tel.

Wepila 18:8

Anomanta, tɔpebeŋkpoŋii wahala ne weela ne tebinichɔɡ ne lɔr ɛɛ ba o kpoe, ásɛ nii fuuh, dɛkalkɛŋɔ N Naa Korowii waa dɛ ba o waa bola dɛ́ pa bole laanee dɔ kpeɡri bwa.”

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.

Amanesoma Luk Aa Chwera Tɔn 18:7

Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa?

Wejereme 3:2

Bie lola dɔ o tɔpere, seo ɡe dɔ o tɔpere, kwaa dui saŋ lole, a fuɡra ɡe dɔ a saŋ,

Yela 94:23

Wɛɛ bɔ ba kem ba wechɔɡa waa, dɛ́ chɔɡ ba ba nyubinikpeɡ wa. Korowii yaa dɛ tomɔ la ɛɛ chɔɡ baa.

Yela 37:10

Aa biɡri dɛ nyubinikpeɡ tena toole kpa, hɛ́ɛ baa nyin ba bɔree, kɛ háa ban na.

Job Tɔn 14:14

Nɛn sewaa, wɛɛ won ir dɛ́ dɔ mkpa ja aa? N fe ɛɛ ɛ tomaa dɛ kpa ka tel kɛŋɔ n wenaale bwa aa ba a jaɡa.

Job Tɔn 14:5

He tɔ sie jemɛ ɡɛ nɛn aa so ka tel, dɛ jemɛ korobie aa lɔ o soɡa la ta. He maɡa ɡɛ bil aa wola charɛ.

Job Tɔn 7:1

Job berɔ ŋɔ, “Nɛwɛnyini soɡa bini, tomkpeɡaa chɔ le dɛ tɛo, kɛŋɔ paate waa dɛ ɛ toma la.

1 Samoɛl 24:15

Korowiirii dɛ́ bol n ne he baah waa dɛ́ na naate waa di bolchɔɡe. Onee dɛ́ nyiŋi waa nɔ ta ásɛ dɛ cha mɛ, dɛ́ lɛɛ mɛ le he nɔn ta.”

Hibru 10:30

Naate waa ŋɔa ŋɔ, “Menee dɔ wechɔɡa kem bɔe, menee dɛ́ bɔ nɛra ba wechɔɡa kem” la, ya jemɛ o nɛnsoo. Dɛ berɛ ŋɔ, “N Naa Korowii ɛɛ bol o nɛra waa dɛ́ pa bole.”

1 Samoɛl 24:12

Korowiirii dɛ́ bol n ne he baah waa dɛ́ pa bole. Onee dɛ́ bɔe kem waa haa liira n nɛɛ la wa, kɛ n te maa hen waanee ɛ bwa.

1 Samoɛl 25:39

Devid baa no kɛ Nabal sewɔ, asɛ o ŋɔ, “Korowii jam kɛŋɔ waa bɔ Nabal kem n chɛɡa waa chɛɡ mɛ wa, asɛ o ta ɡelɛ men maa ɛ o bonɔɔ ɛ wechɔɡa bɛlbwa nɔ. Korowiirii tɛr o deŋne o wechɔɡa waa ɛa waa la.” Asɛ Devid tomɛ ba ka ŋɔ Abiɡel be ŋɔ o dɛ nyinu dɛ́ mo.

1 Samoɛl 31:4

Asɛ Kooro Sɔɔl ŋɔ o bonɔɔ waa dɛ che o dɔmkwaa la be ŋɔ, “Pamɛ he kere la, dɛ́ ba tɔɡ mɛ kpo, ásɛ nɛra baa wola Korowii tomɛ nɔ bɛ men ba kpo dɛ́ chɛɡ mɛ ja.” Kɛ dɛ bonɔɔ la dɛ ɔmɛ kɛ ó ɛ ɡɛ, anomanta, Kooro Sɔɔl pamɛ o ɡbaɡba kere dɛ chole o ta.