1 Samoɛl 25:3 - mzwDBL

³ O sɔne Nabal asɛ o haah ɡe sɔne Abiɡel. Dɛ o haah la ɛ wejereme, dɛ do wer tolo. Kɛ o jaa waa le Kaleb lolanar bini la te, dɛ o nyu bini kpeɡri, o baah ɡe ɛɛ di warawara.

1 Samoɛl 25:3 ပူးပေါင်းရင်းမြစ်များ

Sɛɡla 14:1

Hanwejeremee dɛɛ vɔwɛ dea, kɛ hanɡɛnee yon dɛɛ paɡre dea.

Sɛɡla 31:10

Umee dɛ dɔ handɛɛɡe ɔ? O dɔe kpeɡri ɡwaa suuɡaswɛm nɔnloɡa ne baŋa kwa.

Yela 10:3

Nyubinikpeɡ tena dɛ maŋkura ba te ba pɛlchɔɡa ta, nɛra baa dɛ nyin kafo dɛ bol Korowii bwara wechɔɡa dɛɛ vɛoh.

Sɛɡla 31:26

O dɛ bol wejemwa, dɛɛ baɡle waa aa ɛ kasinteŋ.

1 Samoɛl 25:17

Kpɔ ɡɛ waa nɔ liire, dɛ́ na ɡɛ haa dɛ ba wona ɛ, dɛkalkɛŋɔ wenaale dɛ ba n nomoa Nabal ne o dem tena bwa nɛ. O bambile kpeɡri kɛŋɔ nɛn bol waa ó no a mun.”

1 Samoɛl 30:14

Ya kaa yo Nɛɡɛv pua hɛŋle ɡbo harɛ bela nɛra bane baa dɛ yer ba Kɛrɛt tena baa lɔ Juda harɛ ta, dɛ pa ba laala, ne Kaleb dea lolanar ba ɡe aa soɡe bela, dɛ fuh bwɛjen Siklaɡ ɡe.”

Josua 15:13

Jefune bibaa Kaleb waa le Juda dea tena bini la dɔ harɛ la pera, ɡɛ Korowii aa do Josua la. Bwɛjen Hɛbrɔn waa ɛ Aaba kon laanee ba kpɔ tɛ Kaleb. Anak tena nabaalee a ɡɛ Aaba nɔ.

1 Samoɛl 25:4

Devid taa lɔ pua hɛŋle ɡbo harɛ ta bela la, o noɔ kɛŋɔ Nabal dɛ fonɛ o peera pona bela.

Mumpar 12:11

Baa dɛ kaa a ka tama ba tel Ijipt la, o ŋɔ o haah Sarai be ŋɔ “Gɛ haa wera tolo nɔ,

1 Samoɛl 25:25

N dɔɔ, laa sie kpɔ nyubinikpeɡ te Nabal nɔ nɛ. O deno do kɛŋɔ o sɔn aa doa baa yerɔ ɡɛne nɔ. Kɛ men maa ɛ he tolo te, n ta bonɔɔna haa tom ba la nae.

Sɛɡla 19:14

Dem ne suuɡaa baa ne o haah sewɛ dɛɛ ɡel o bii, kɛ handɛɛɡe te, Korowiirii dɛɛ tɛ.

Sɛɡla 30:22

Anee kɛŋɔ, yom waa bera di kora, ne ɡɛne waa dɔ kondikwa kohona dɛ di.