1 Samoɛl 24:9 - mzwDBL

⁹ O ŋɔ Kooro Sɔɔl be ŋɔ, “Ɛrɛɛ he cheɡ deŋne dɛɛ no nɛra nyoa wobol kɛŋɔ n dɛ nyin hen waane ɛɛ nɔɔ?

1 Samoɛl 24:9 ပူးပေါင်းရင်းမြစ်များ

Sɛɡla 29:12

Kooro waa dɛ do deŋna nyosone waa ta la, o nomonome bwa dɛ ɛ wechɔɡa.

Jems 3:6

Nyondoŋe do kɛŋɔ nihɔl ken, dɛ won wechɔɡa ɛɛ taeh ya bini, dɛ won yaa chɔɡa ya soɡa bini bwa. Bɔnsam niinii dɛɛ choŋu.

Sɛɡla 26:28

Nyosonteŋni hah nɛra waa teŋe nyosone dɛɛ dawɛ ba nɛ, ɡɛɛ neɡra wobol ɛɛ ba wechɔɡa ɡbo ne.

Sɛɡla 25:23

Gɛ dɔŋ bwara waa bola aa dɛ ba bandia ne la, ɡɛɛ peu waa taa le bobɛl dɛɛ ba bwaala nee ne la do.

Sɛɡla 18:8

Nɛn ŋwala som, a do kɛŋɔ kondikonsoma aa dɛ jo tea.

Sɛɡla 17:4

Nɛnchɔɡee dɛɛ do deŋna wobochɔɡa ta, ɡɛɛ nyosonteŋni ɡe cheɡ deŋne dɛɛ no musuwa.

Sɛɡla 16:28

Nɛnchɔɡee kpɔ waa dɛɛ perɛ, onee dɛɛ ba waa ne, dɛɛ peɡri daamanar baah.

Yela 141:6

Baa ba che bwejena dor dɛ́ taɡɛ wechɔɡ-ɛɛra sitɔɔla ta harɛ la, anee dɛ́ ɡel ba jemɛ kɛŋɔ n waa la ɛ kasinteŋ.

Yela 101:5

Nomɛlbwa waa sɔah dɛɛ chɔɡ o dɔŋ la, mɛɛ doŋu le n be. N ne nomɛlbwa waa dɛ na o nyu aa won pɛ.

1 Samoɛl 26:19

N naa kooro, no men maa ɛ he bonɔɔ waa maa dɛ bol. Dɛ Korowiirii ɡela he fome siwi pa n nɛ aa, mɛɛ kpɔ saraha kwaa tɛo. Kɛ dɛ nɛwɛnyinii dɛɛ ɛ aa, Korowii nyotaahna laɡ ba. Dɛkalkɛ, ba doŋ mɛ le Korowii be o harɛ ta, n ka do harɛfale baa dɛ tomɛ voɡa ɡbo o ta.

Lewi Dea Tena 19:16

He bɛ he dɔŋa waa kpɔ ɡaaɡe dɛ́ teŋe nyosone dɛɛ dawɛ ba nɛ. Dɛ seo nyoa he dɔŋ che naa, bɛ on chɔɡ. Men Korowiirii bola.

1 Samoɛl 20:1

Anee Devid chwa le Nayɔt waa lɔ Rama dɛ la Jonatan be ka bɔɔro ŋɔ, “Bɔkwa waa n ɛɔ? N wechɔɡaa ame o? Bɔkwaa n ɛ he mɛɛ wɛɛ nyin mɛ dɛ́ kpo nɔɔ?”

1 Samoɛl 24:8

Belaa Devid ɡe le bwebɔɔ la bini dɛ yerɛ Kooro Sɔɔl ŋɔ, “N naa kooro.” Kooro Sɔɔl aa kea nyiŋu la, Devid ɡure nyu su, dɛ kpɔ sie pi harɛ.

1 Samoɛl 24:10

He ɡbabir nao fini ɡɛ Korowii aa kpɔe do n nɔn ta bwebɔɔ la bini. Bane ŋɔ ń kpoe, kɛ n ɡele dɛ ŋɔ maa nɛn n dɔɔ Korowii aa fuɡe noo do o nyu ta, dɛ cheɡo kora ta la wechɔɡa bɛlbwaa ɛ ŋwɛnɛ bɛlbwa ta.

1 Samoɛl 26:18

Dɛ berɛ ŋɔ, “N dɔɔ, ɛrɛɛ n ɛɛ hɛɛ ti men maa ɛ he bonɔɔ ken te nɔ? Bɔkwa waa n ɛɔ? N ɛ wechɔɡa ane kɛɛ?

Jeremia 37:18

Belaa n bɔɔ Kooro Sedekia ŋɔ, “Wechɔɡa besoo n ɛ he ne he nomonome ne nɛra nɔ, asɛ he laɡ mɛ do dea nɔɔ?

1 Samoɛl 20:41

Bie la aa kaala la, Devid iro le Esal bwetal o fa aa kaa sɔh o ta la ta, dɛ ba ɡuŋi Jonatan sie, dɛ kpɔ sie pi harɛ kera atoro. Asɛ ba ɡbaa dɔŋa pɛl ba te, dɛ bwa ɛɛ wi, kɛ Devid wii laanee ɡwaala.