1 Samoɛl 24:4 - mzwDBL

⁴ Asɛ Devid nɛra la ŋɔ o be ŋɔ, “Fini tɔpere nɔ, Korowii dɛ bol he be ŋɔ, ‘Mɛɛ kpɔ he dɔmee do he nɔn ta he ɛo ɡɛ bɛlbwa haa dɛ nyin.’ ” Ate, Devid huuh dɛ sɔh ka mɔn Kooro Sɔɔl batakaare nyoa, dɛ waa jemɛ.

1 Samoɛl 24:4 ပူးပေါင်းရင်းမြစ်များ

1 Samoɛl 26:23

Nɛra baa dɛ di kasinteŋ Korowii waa ta ba waa toɡre la, Korowii dɛ bɔ ba kem. O kpɔe do n nɔn ta fini, kɛ waa lee cheɡ kora ta nomanta, n ta hen kpoe.

1 Samoɛl 24:10

He ɡbabir nao fini ɡɛ Korowii aa kpɔe do n nɔn ta bwebɔɔ la bini. Bane ŋɔ ń kpoe, kɛ n ɡele dɛ ŋɔ maa nɛn n dɔɔ Korowii aa fuɡe noo do o nyu ta, dɛ cheɡo kora ta la wechɔɡa bɛlbwaa ɛ ŋwɛnɛ bɛlbwa ta.

1 Samoɛl 24:18

Kooro Sɔɔl ŋɔ, “Namee he baɡle wedɛɛɡa haa ɛɛ mɛ bwa, Korowii kpɔ mɛ do he nɔn ta, kɛ he ta men kpoe.

1 Samoɛl 23:17

O ŋɔ o be ŋɔ, “Dɛɛ berɛ ɔma, n mɛɛ aa hen wobɛlbwa ɛɛ ba. Henee dɛɛ ba Israel kora dii, ásɛ he toole naa, menee dɛ́ teŋɛ. Hale n mɛɛ Kooro Sɔɔl ɡbabir jemɔ.”

1 Samoɛl 23:7

Ba ŋɔ Kooro Sɔɔl be ŋɔ Devid kaa Keila asɛ o ŋɔ, “Korowiirii kpɔ Devid do n nɔn ta la. O ɡbabirii kaa tɔ o te dea, dɛ ka jo bwɛɛ baa ma danjwɛɛ baro, dɛ kpɔ bune kaɡre o doonyojena ta.”

Job Tɔn 31:31

dɛ n dem nɛra fe ta bolɛ ŋɔ, ‘Umee wola Job nɔn ta ola dɔe chwe kohona kaɔ?’

2 Samoɛl 4:8

Ba kpɔ Esbɔsɛt nyu ba tɛ Kooro Devid Hɛbrɔn dɛ ŋɔ, “N naa, Esbɔsɛt nyuu la, o mɛɛ fa ɛɛ dɔm dɛɛ nyini dɛ́ kpo la. Fini Korowii ɡelɔ kooro tɔ o wel Kooro Sɔɔl ne o naanar nɛ.”

Kaala 21:13

Kɛ dɛ o laa saahna, Korowii we-ɛɛlaa yaa, ó chwa kaa bela maa lea cheɡ heya, ásɛ o dɔ o nyu.

1 Samoɛl 22:1

Devid le bwɛjen Gat dɛ chwa ka sɔh bwɛjen Adulam bwebɔɔ bini. O dɔɔranar ne o mɛɛ dem tena aa no o waa la, ba la o be bela.

Yela 57:1

N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.

Yela 142:1

N do lɔŋɔ yerɛ Korowii, n soŋo ŋɔ ó na n sum.