1 Samoɛl 24:1 - mzwDBL

¹ Kooro Sɔɔl aa kaa ti Filisti tena dɛ berɛ ba la, ba ŋɔ o be ŋɔ, “Devid lɔ Ɛn Gedi pua hɛŋle ɡbo harɛ ta bela.”

1 Samoɛl 24:1 ပူးပေါင်းရင်းမြစ်များ

Hosia 7:3

Ba nyubinikpeɡ we-ɛɛla dɛ lɛ kooro sie, ba nomonome ɡe sie ɛɛ lɛ nyosone baa dɛ teŋe ta.

Ɛsekeɛl 22:9

Ba bini bane teŋe nyosone dɛ ɡel baa kpoo ba bala, bane ɡe ɛɛ di voɡa kwaa deŋɡarere ta, bane ɛɛ bɔ jwamane.

Sɛɡla 29:12

Kooro waa dɛ do deŋna nyosone waa ta la, o nomonome bwa dɛ ɛ wechɔɡa.

Sɛɡla 25:5

Nɛnchɔɡa le kooro jwɛh aa, o kora ɛɛ cheo, toɡra o wa aa toɡra la wa.

1 Samoɛl 23:19

Sif tena la Kooro Sɔɔl be Gebea dɛ ka ŋɔ, “Devid sɔh ya baah nɔ ta, Hɔrɛs deŋɡarere ta Hakila Bwejen waa lɔ Jasimɔn weekaŋle harɛbɔr doa.

Josua 15:62

ne Nibsan, ba dɛ yerɔ Yar Bwɛjen dɛ Ɛn Gedi. A bwa lɔ bwɛjena anumɛl, a ne a bwɛjeɡre.

Ɛsekeɛl 47:10

Nɛra baa dɛ ɛ pɛŋa toma ɛɛ ba che o nyoaa, dɛ́ le Ɛn Gedi dɛ́ nyenɛ ba asauri ba Ɛn Eɡlaim. Pɛŋa bwa soo siwii dɛɛ ba o ta doe kɛŋɔ Mɛdetereenea Mpo pɛŋa ken.