1 Samoɛl 22:8 - mzwDBL

⁸ Amɔ a waa he bwa sɔh dɛɛ vɔrɔwe n vɔrɔwa nɔ naa? Nomɛlbwa ta n be bolɛ ŋɔ n bie ne Jese bie fɔwɛ fɔo. Bɛlbwa waane laa n wa kɛɛ dɛ bol n be ŋɔ n bie ɡelɔ n bonɔɔ Devid ɛɛ vɔrɔwe n vɔrɔwa dɛ́ kpo mɛ, ɡɛ waa ɛa fini nɔ.”

1 Samoɛl 22:8 ပူးပေါင်းရင်းမြစ်များ

2 Koranar 6:11

Siiria kooro baa na waa aa dɛ chiɡ, asɛ o baah di kohona o yerɛ o laa nomonome cheme dɛ bɔɔ ba ŋɔ, “He bini umee kpɔ ya waa kaa taa Israel kooro be nɔ?”

Job Tɔn 33:16

a taa Korowii bol waa dɛɛ do ba deŋna ta, dɛɛ kah ba ɔmee kohona ɛɛ laɡ ba,

1 Samoɛl 18:1

Devid ne Kooro Sɔɔl baa bol waa tonɛ, asɛ Jonatan sie lɛ Devid nɛ, asɛ o ne o kpɔ darame wɛɛ nyinu kɛ o ɡbaɡba ken.

1 Samoɛl 18:3

Jonatan ne Devid vɔwɛ darame fɔo, dɛkalkɛŋɔ dɛ o dɛ nyin o waa kɛ o ɡbaɡba.

1 Samoɛl 20:2

Jonatan chaŋo ŋɔ, “Akai, Korowii ɛɛ la ane bojaŋ kɛ he sewɛ! Dɛ n mɛɛ ɛɛ ɛ wejena kɛɛ wejeɡa bɛlbwa kwaraa yaa, o ɡelɔ mɛɛ jemɛ a bini. Waa kpɔ sɔɔh mɛ. A ta kasinteŋ ɛɛ.”

1 Samoɛl 20:42

Jonatan ŋɔ Devid be ŋɔ, “Kaa deŋnesɔɔhna ne, ya bwa ŋwɛɛrɔ Korowii sɔn ta ŋɔ, ‘Korowii ɛ ya danseɛ dɛ́ chɔ le tɛ n ne hen, he naanar ne n ɡe naanar baah saŋ bɛlbwa dɛɛ la.’ ” Belaa Devid kaa asɛ Jonatan ɡe berɛ kaa bwɛɛ la ta.

1 Samoɛl 20:8

He te sune men maa ɛ he bonɔɔ nɔ nɛ, ásɛ dɛ teŋɛ fɔo n ne haa fɔwa Korowii sie la ta. Dɛ n di bolchɔɡe aa, he ɡbabir den kpo mɛ. Ɛrɛɛ chɛ kɛŋɔ he kpɔ mɛ tɛ he mɛɛ ɔ?”

1 Samoɛl 22:13

Anee Kooro Sɔɔl ŋɔ o be ŋɔ, “Ɛrɛɛ he ne Jese bibaa sɔh dɛɛ vɔrɔwe n vɔrɔwa, he tɛo kondikwa ne kere dɛ berɛ bɔɔ le Korowii be tɛo nɔɔ? A ɡelɔ o ɛɛ mɛ deŋnekpeɡ dɛɛ nyin mɛ dɛ́ kpo fini tɔpere.”

1 Samoɛl 23:21

Kooro Sɔɔl chaŋ ba ŋɔ, “Kórowii swee heyaa andɛɛɡa kɛ haa dɛ dawɛ n waa nɔ.