1 Samoɛl 22:2 - mzwDBL

² Banɔ la baa dɛ fiɡ ba ne nɛra baa di kema, dɛ banɔ la ba bambile aa chɔɡa bwa baa teŋɛ o nɛ. Nɛra dɛ ɛ lafraanaarɛɛ baa cheme o sie, o ɛ ba nomoa.

1 Samoɛl 22:2 ပူးပေါင်းရင်းမြစ်များ

Matiu 11:28

He banɔ la he soɡa bini waa aa kana ɡwaa he nɛɛ la bwa, hé kpɔa ba n be ásɛ n lɛ heyaa he onɛ.

1 Samoɛl 30:6

Devid bambile chɔɡɔ kɛrɛdɛ, dɛkalkɛ dɛ a dɛ we o laa tena la nɛɛ kɛŋɔ baa lawɛ ba bii kaa la, asɛ dɛɛ nyin ba foɡre Devid bwea kpo. Kɛ Korowii waa dɛ tomɔ la doo ɡbemba.

1 Samoɛl 25:13

Devid ŋɔ o nɛra la be ŋɔ, “Hé kpɔ he keri.” Asɛ ba kpɔ ba keri sɛɡle ba te, Devid ɡe kpɔ o kon. Laa tena dɛ ɛ lafraanaarɛɛ ja Devid nɛ o ne ba kaa, asɛ lafraanɛ te ka ba ne nɛra baa dɛ nyiŋi laala ta la be.

1 Samoɛl 23:13

Anomanta, Devid ne o laa tena dɛ ɛ nɛra lafraanumɛl le Keila warane dɛ kaa. Kooro Sɔɔl aa noa kɛŋɔ Devid chwao le Keila la, o ta bela laŋɛ kpa.

1 Samoɛl 9:16

“Kere saŋ nɔ bɔr, mɛɛ tomɛ baa bɛlee le Bɛnjamen dea harɛ taa he be. O balaa, fuɡe noo do o nyu ta, dɛ́ ɛo n nɛra Israel tena sitɔɔ. Onee dɛ́ ba lɛɛ baa le Filisti tena nɔn ta. N na wenaale baa lɔ a ta, ba wii ɡe tel n be.”

1 Samoɛl 1:10

Dɛ o bambile chɔɡɔ kɛrɛdɛ, o wi dɛɛ soŋe Korowii.

Sitɔɔla 11:3

Anomanta, o chwao le ba bini dɛ ka so Tob harɛ ta. Belaa nɛra bane baa wola waane dɔe dɛɛ ɛ la, ba ja o nɛɛ dɛɛ teŋɛ o nɛ.

Hibru 2:10

Korowiirii ta komɛlbwa, asɛ a che o kpeɡri ta komɛlbwa ɡe do le. Waa ɡela Yeesu na wahala la, maɡraa a maɡre kɛrɛdɛ. Waa dɛ nyin o lɛ nɛndamanta dɛ ɡel ba ɛ o bii, dɛ do o be dɛ dɔ jirima la waa o ɡel Yeesu waa ɛ ba Sitɔɔ la ɡbaɡba kpɔ a ɡɛ ŋwɛnɛ la ta, dɛ na wahala dɛ won ɛ ba Sitɔdɛɛɡe kaih ka tonɛ dɛ lɛɛ ba la.

Matiu 11:12

Dɛ le saŋ la Jɔn aa lea dɛɛ bol Korowii Kora nɔ waa la, nɛra sie beɡrɔ ba kpɔ sibeɡra dɛɛ nyin dɛ́ ja o Kora la ta.

Sɛɡla 31:6

Nɛn waa soɡe seo nyoa, kɛɛ nɛn waa dɛ di suna laanee chɛ kɛ o nyɔ seŋkpeɡa.

2 Koranar 20:5

ó berɛ dɛ́ ka ŋɔ Kooro Hɛsɛkea waa dɛ tɔ o nɛra sie be ŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ chaeh, asɛ tɔpetooro wee la he ir, dɛ́ la men Korowii Dea.

2 Samoɛl 17:8

He ɡbabir jemɛ ɡɛ he mɛɛ ne o laa tena aa kpeɡa dɛ won yoi. Ba kpeɡri dɛ do ɔma kɛŋɔ sisire hansɔɔh baa pa o bii kaa ken. He mɛɛ jemɛ yoi waa kɛrɛdɛ, waa sɛh so o ne o laa tena so jwaana beŋkpoŋ ɡba.

2 Samoɛl 5:2

Kooro Sɔɔl fa aa ɛ ya kooro la, dɛ henee tɔ ya Israel tena sie dɛɛ la ya ne laa. Asɛ Korowii ŋɔ he be ŋɔ, ‘Henee dɛ́ nyiŋi n nɛra Israel tena nɛɛ kɛŋɔ peteɡre ken, dɛ́ ɛ ba kooro.’ ”

Sitɔɔla 18:25

Asɛ Dan dea tena la ŋɔ, “Bɛ yaa tɔŋle, ya bini bane baah aa biɡri dii. Ba baah diu waa, baa yo heyaa dɛ́ kpoo he ne he dem tena bwa.”

1 Samoɛl 22:3

Devid le bela dɛ la Mispa waa lɔ Moab harɛ ta, dɛ ka ŋɔ bela kooro be ŋɔ, “Hɛɛ sɛoh dɛ́ ɡel n mɛɛ ne n nya ba so he be bonɔ ka tel saŋ maa na waa Korowii aa ɛ tɛ mɛ naa?”

2 Koranar 4:1

Awola bɛl, luhaah bɛl o jaa fa aa ɛ Korowii keamere bane baa pɛa dɛɛ valɛ bini bɛl la Elaesa be, dɛ ka wi noo ŋɔ, “Nomoa, n jaa sewɔ. He ɡbabir jemɛ ɡɛ waa tomɛ, ne ɡɛ waa dɛ ɔmɛ Korowii ɡe. Taraken, o di nomɛl kem wɛɛ ba dɛ ba lawɛ n bibaala banɛ yoma bɔ kem.”