1 Samoɛl 22:16 - mzwDBL

¹⁶ Anee Kooro la ŋɔ Ahemɛlɛk be ŋɔ, “Kasinteŋ, he ne he mɛɛ dem tena bwa ɛɛ serewoo.”

1 Samoɛl 22:16 ပူးပေါင်းရင်းမြစ်များ

Sɛɡla 28:15

Nomonchɔɡe waa dɛ nyiŋi nɛŋɡwɛɡra la, o do kɛŋɔ nyujente kɛɛ sisire yon dɛɛ kɔɡre, dɛɛ nyin ola dɛ́ lawɛ la.

We-ɛɛla 12:19

Kooro Hɛrɔd aa baa no kɛŋɔ Pita nyoɡrɔ la, o ɡelɔ ba nyin o bɔr, kɛ ba ta on nae. Anomanta, o ɡelɔ ba bɔɔ soojare la waa kɛrɛdɛ, dɛ ŋɔ bá kpoo ba. A habɔɔ la, Kooro Hɛrɔd le Juda harɛ dɛ ka so Sisaaria tama.

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

Daneɛl 2:12

A ɡelɔ kooro la baah di kohona, asɛ o ŋɔ ba kpoo wejerema baa lɔ Babelɔn harɛ ta bwa.

Daneɛl 2:5

Anee Kooro Nebukadnesa ŋɔ wejerema baa jemɛ weweela waa la be ŋɔ, “Waa maa liira laanee kɛŋɔ, dɛ he ta wone na n deera nɔ dɛ baɡ mɛ a mun aa, mɛɛ ɡeloo bá chɛwɛ he ola, dɛ́ kuuɡi he deremi a berɛ dimɡbeeni.

Ɛsta 3:6

Waa naa kɛ Mɔdekae ɛ Juu te la, o ɛ o liire kɛ waa o ɡboo kpo, dɛ vɔrɔwe kɛŋɔ wɛɛ kpoo o ne Juu tena baa lɔ Kooro Sɛksɛs harɛ ta la bwaa.

1 Koranar 19:2

Anee o haah la tomɛ torome Elaeja be ŋɔ, “N ŋwɛɛrɔ kɛŋɔ kere saŋ nɔ dɛ n ta hen kpoe kɛŋɔ haa kpoo voɡ tena la aa, voɡare la kpo mɛ.”

1 Koranar 18:4

Dɛ Kooro Ahab haah Jɛsɛbɛl ɡelɔ ba kpoo Korowii keamere. Asɛ Obadia kpɔ Korowii keamere lafa ka sɔh bwebɔɔne anɛ bini, dɛɛ tɛɛ ba nee ne kondikwa. O bɔne ba bini, fifraanunue ba do bɔɔ beŋkpoŋ bɛlbwa bini.

1 Samoɛl 20:31

Haa jemɛ kɛŋɔ Devid taa soɡe le nɔ, haa won ɛ kooro ya harɛ nɔ ta naa? Kaa taraken dɛ́ ka kpɔɔ ba bonɔ, a chɛ kɛ ó sewɛ.”

1 Samoɛl 14:44

Anee Kooro Sɔɔl ŋɔ, “Dɛ hen Jonatan ta sewaa, Korowii bɛ men ɡel.”

Mmarare 24:16

He bɛ nomɛlbwa ba kpo o bie wechɔɡa waa ɛa wa. Gɛɛ he bɛ bie ɡe ba kpo o mɛɛ wechɔɡa wa. Bɛlbwa chɛ kɛŋɔ ó sewɛ o wechɔɡa waa ɛa wa.

1 Samoɛl 22:15

A ɡɛ tɔpere la ɡboo n bɔɔ waa le Korowii be tɛo waa? Akai, ɡɛ laa a do. N naa kooro, bɛ men maa ɛ he bonɔɔ nɔ ne n mɛɛ dem nɛra wechɔɡa bɛlbwa ɛ, he bonɔɔ aa waa nɔ wobɛlbwa jemɛ.”

1 Samoɛl 22:17

Belaa kooro la ŋɔ nɛra baa dɛ daahno dɛ che o baŋ bɛl la be ŋɔ, “Hé berɛ he te dɛ́ kpoo Korowii sɔfore nɔ, dɛkalkɛ ba ɡe teŋɛ Devid nɛ. Ba jemɔ kɛ o dɛ chwa, kɛ ba ta n be bolɛ.” Kɛ dɛ nɛra baa dɛ daah kooro la aa nyin kɛ bá kpoo ba.