1 Samoɛl 21:7 - mzwDBL

⁷ Dɛ Doeɡ waa le Edom, dɛ ɛ Kooro Sɔɔl peteɡre nomoa lɔ bela awola tɔpere la dɛɛ tomɛ Korowii.

1 Samoɛl 21:7 ပူးပေါင်းရင်းမြစ်များ

1 Samoɛl 22:9

Ate, Edom te Doeɡ o ne Kooro Sɔɔl laa nomonome la aa cheɡa la ŋɔ, “N na Jese bibaa la o ba Nɔb, Ahitub bibaa sɔfo Ahemɛlɛk be.

1 Webena 27:29

Sitrai waa le Sarɔn, ɡee chɔ kooro nae nɛra aa kpɔa dɛɛ la a ne dibɔra Sarɔn nyoa. Asɛ Adlai bibaa Safat ɡe chɔ kooro nae baa kpɔa dɛɛ la dibɔra fɛlembɔjena bini nyoa.

Matiu 15:8

‘Nɛra nɔ te, nyoa ɡbo nee baa duu mɛ, kɛ ba tea bini te ta toe.

Emɔs 8:5

dɛɛ bol ŋɔ, “Saŋ besoo Korobifala Tɔpejena dii ɛɛ ba a jaɡa bala ásɛ ya yoɡ mea ɔ? Saŋ besoo Ona Tɔpere ɡe ba kaa ásɛ ya ka yawɛ kwa ɔ? Ásɛ ya kpɔ kwaa aa wola chɛ kɛ ya kpɔ maɡɛ kwa, dɛ́ dawɛ a yoɡ, dɛ́ faah nɛra a maɡa ta,

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

2 Webena 26:10

O berɔ ɡel ba ma dejaŋa pua hɛŋle ɡbo harɛ ta, dɛ kwi bɔɔne aa won nee lɛɛ bwea lɔɡre, ne deŋɡarere harɛ aa chɔa kaa la ta, dɛkalkɛ o dɔ kondɛɛra kɛrɛdɛ. Dɛ o dɔ nɛra baa dɛ ɛ toma o kooni ne daa kooni aa lɔ deŋɡarere ne harɛpare andɛɛɡa ta, dɛkalkɛ dɛ o sie dɛ lɛ para ta.

1 Samoɛl 14:47

Kooro Sɔɔl aa baa di kora dɛɛ nyiŋi Israel tena nɛɛ la, o yo dɔma baa baro cheme la bwa. Moab ne Amɔn tena ne Edom ne Soba koranar, dɛ Filisti tena. Bobɛlbwa waa ka yo la, o dɛ pɔ ba nɛ.

1 Samoɛl 11:5

Buɡ la ta, dɛ Sɔɔl teŋɛ o nae baa kpɔa dɛɛ parɛ le koo ta dɛɛ ba. Waa no wii la, o bɔɔrɔ ŋɔ, “Bɔkwa waa chiɡa ɔ? Ɛrɛɛ bɛlbwa ɛɛ wi ɡɛ nɔɔ?” Asɛ ba bol waa Jabes baala la aa baa bol la ba be.

Mumpar 26:20

A kaa ba kɛ nɛra bane baa dɛ nyiŋi kondɛɛra nɛ dɛ le Gerar balɔ, ba ne Aesek bonɔɔna baa dɛ nyiŋi o ɡe kondɛɛra ta la ɛɛ yo. Asɛ bela tena la baɡle ŋɔ, “Ya konee kɔlɔŋ la.” Anomanta, Aesek pa kɔlɔŋ la sɔn Esɛk. O munii webeɡra. Dɛkalkɛŋɔ ba beɡre o wa.

1 Samoɛl 21:8

Devid bɔɔ sɔfo Ahemɛlɛk ŋɔ, “He dɔ lampea kɛɛ kere he be bonɔ naa? N ta kere kɛɛ dɔmkon bɛlbwa ne bonɔ balɛ, dɛ kooro toma la waa hiaoh kohona, asɛ mɛɛ too nomanta, n ta wone kpɔ komɛlbwa.”

1 Samoɛl 22:22

Anee Devid ŋɔ Abiata be ŋɔ, “Awola Doeɡ aa lɔ bela la, dɛ n jemɔ kɛrɛdɛ kɛŋɔ wɛɛ bol Kooro Sɔɔl bee. N nɛɛ a che ba kpoo he mɛɛ dem nɛra bwa la.

1 Webena 27:31

Jasis waa ɛ Haɡri te ɡe chɔ peera ne boohna nyoa. A ɡɛ nɛra nɔ bwa ɛ Kooro Devid nomonome dɛɛ nyiŋi o laala ta.

Lewi Dea Tena 22:10

Nomɛlbwa waa wola sɔfore dea leɛ la ta ŋwɛnɛ dɔe kɛ ó di saraha kwaa aa do ɡoroŋ nɔ. Hɔɔh waa baa choɡo, kɛɛ nɛn waa lɔ o be dɛɛ ɛ toma wɛɛ bɔɔ kem ɡe ta ŋwɛnɛ dɔe kɛŋɔ ó di.

Lewi Dea Tena 22:13

Kɛ sɔfo bɛlbwa bihaah o jaa aa sewa kɛɛ dɛ vɛoh dɛ o ta bii dɔe, asɛ dɛ berɛ ba so o mɛɛ be wɛɛ nyiŋu kɛ o bechale saŋ la, o dɔ ŋwɛnɛ kɛ ó di kondikwaa bɛlbwa aa ɛ o mɛɛ kwaa la. Kɛ nɛmpɛɛ waa wola ŋwɛnɛ dɔe la te ta chɛ kɛŋɔ ó dia.

Lewi Dea Tena 24:5

Kpɔ men aa kpera kɛrɛdɛ ɛ paanoo fi dɛ anɛ. Kuruware anɛɛ chɛ kɛ hé kpɔ ɛ paanoo la beŋkpoŋ bɛlbwa.

Lewi Dea Tena 24:8

Arɔn che Israel tena naa ta, dɛ́ kpɔ paanoo la baa bil Korowii sie Ona Tɔpere bɛlbwa ta. Ó teŋɛ dɛ́ kpɔa baa bil Korowii sie ɡɛ, á ɛ fɔo Korowii ne Israel tena aa fɔwa o do n ne ba baah ta saŋ bɛlbwa dɛɛ la.

1 Samoɛl 22:10

Ahemɛlɛk kaa bɔɔ le Korowii be tɛo, dɛ berɛ kpɔ kondikwaa ne Goliat waa ɛ Filisti te kere tɛo.”