1 Samoɛl 20:8 - mzwDBL

⁸ He te sune men maa ɛ he bonɔɔ nɔ nɛ, ásɛ dɛ teŋɛ fɔo n ne haa fɔwa Korowii sie la ta. Dɛ n di bolchɔɡe aa, he ɡbabir den kpo mɛ. Ɛrɛɛ chɛ kɛŋɔ he kpɔ mɛ tɛ he mɛɛ ɔ?”

1 Samoɛl 20:8 ပူးပေါင်းရင်းမြစ်များ

Mumpar 24:49

Taraken dɛ hɛɛ won cha n dɔɔ, ásɛ o yarada waa yarada heyaa la bɛ pɛɛ ɛ aa, hé di mɛ kasinteŋ. Ásɛ n jemɛ ɡɛ maa ɛ.”

Mumpar 47:29

O seo tɔpere aa dɛ tel la, o yerɛ Josef dɛ ŋɔ o be ŋɔ, “Kpɔ nɔn do n hwie baah dɛ́ ŋwɛɛ kɛŋɔ nyina haa dɛ nyin mɛ ne kasinteŋ haa dɔa kohona tɛ mɛ nomanta, n sewaa, haa men Ijipt harɛ taa huɡe.

2 Samoɛl 14:32

Anee Absalɔm chaŋo ŋɔ, “N tomɔ ŋɔ bá ka ŋɔ he be ŋɔ he ba ásɛ n tomɛ kooro be, dɛ́ fee ka bɔɔro ŋɔ, ‘Bɔkwa waa n le Gesur ba bonɔ nɔ? A wer kɛ n fe ta aa soɡe bela!’ N dɛ nyin kɛŋɔ n la kooro sie, dɛ bolchɔɡe bɛlbwa kwaraa n di aa, he ɡel o kpo mɛ.”

1 Webena 12:17

Asɛ Kooro Devid ir ka chem ba dɛ ŋɔ, “Dɛ deŋnesɔɔhna nee hɛɛ ba n be dɛ́ ba cha mɛ naa, n sɛoh kɛŋɔ ya nyoa pɛ. Kɛ dɛ he balɔ, dɛ́ ba lee mɛ tɛ n dɔma maa wola wechɔɡe bɛlbwa lii nɔ tenaa, Korowii ya naawa aa tomɔ laanee dɛ́ tɛr he deŋne.”

Yela 116:11

N liire aa chɔɡa la, n ŋɔ, “Nomɛlbwa waa ta kasinteŋ dɔe!”

Sɛɡla 3:3

Bɛ ɡel Korowii nyina ne nɛnnyin dɛ kasinteŋ paŋɛ. Kpɔa ɛ kɛŋɔ baŋa kon, ɡel a ɛ he bambile wa.

We-ɛɛla 25:11

Dɛ n fe jo ya kii bɛl nɛɛ asɛ a ɛ kɛ a chɛ kɛ bá kpo mɛ naa, n fe aa won ŋɔ mɛɛ chwa sewee. Kɛ dɛ ba waa baa kpɔa dɛ daɡ mɛ nɔ ta kasinteŋ ɛɛ te naa, nomɛlbwa aa won kpɔ mɛ do ba nɔn ta. N dɛ nyin kɛ he la n ne Rom Koojen Siisa sie, ásɛ o ka bol n waa nɔ dɛ́ pa bole.”

Josua 2:14

Anee nɛra la baɡɔ nyoa ŋɔ, “Dɛ ya ta waa yaa bola la ta teŋaa, Korowii kpoo yaa. Dɛ he ta yaa leɛ tɛ tenaa, ya ɡee nyiŋuu dɛ bɛ ɡel bá kpo he ne he nɛn bɛlbwa awola Korowii aa kpɔ he harɛ nɔ do ya nɔn ta la.”

Josua 22:22

“Ya dɛ soŋe Nemenɛ Korowii waa do kpeɡri, ásɛ o ɛ ya danseɛ, ásɛ Israel tena jemɛ kɛŋɔ saraha kon yaa mao tɛ ya te nɔ ɛ deŋnekpeɡ, kɛɛ dɛ vɛɛh ya vɛoh waa, ó bɛ yaa ɡel fini.

Rut Tɔn 1:8

Ŋwɛnɛ ta la, Naomi ŋɔ ba be ŋɔ, “Hé berɛ kaa he nyawa be. Korowiirii dɛ́ cha heya, ɡɛ haa cha n ne n jaa ne n bii la.

1 Samoɛl 18:1

Devid ne Kooro Sɔɔl baa bol waa tonɛ, asɛ Jonatan sie lɛ Devid nɛ, asɛ o ne o kpɔ darame wɛɛ nyinu kɛ o ɡbaɡba ken.

1 Samoɛl 18:3

Jonatan ne Devid vɔwɛ darame fɔo, dɛkalkɛŋɔ dɛ o dɛ nyin o waa kɛ o ɡbaɡba.

1 Samoɛl 20:16

Bɛ ɡel fɔo n ne haa fɔwa la chɔɡ. A ba ɡɛ naa Korowii ɛɛ tɛr he deŋnee.”

1 Samoɛl 20:9

Jonatan ŋɔ, “Akai, dɛ n noɔ tamaa bɛlbwa kɛŋɔ n mɛɛ siwi beɡrɔ wɛɛ nyini dɛ́ kpo aa, n fe ta he be bolaa?”

1 Samoɛl 23:18

Belaa ba nɛra banɛ la fɔwɛ fɔo Korowii sie, Jonatan berɛ kaa dem, asɛ Devid te so Hɔrɛs bela.