1 Samoɛl 2:9 - mzwDBL

⁹ He dɛ tɔ he nɛra ba wa aa toɡra ɡbemɡbe, kɛ nyubinikpeɡ tena te, he dɛ kpoo ba. Nɛn aa won che o bokpeɡa ta ɛ wobɛlbwa.

1 Samoɛl 2:9 ပူးပေါင်းရင်းမြစ်များ

Job Tɔn 18:18

Korowii ɛɛ ɡeloo ba dɔma doŋ baa le harɛ nɔ ta, dɛ́ le bochaah ta kaa biro ta.

Job Tɔn 40:13

Huɡe ba bwa pɛ, kwaa ba sie sɔh lalbɔɔ bini.

Job Tɔn 5:16

Anomanta, banɔ la aa hiah ba dɔ hwɛɡa, nɛnchɔɡa ta waa dɔe dɛ́ bol kpa.

Job Tɔn 5:24

Hɛɛ nao kɛŋɔ he dem sɔɔhnɔ kɛrɛdɛ, he kure he kondɔɔh, dɛ́ na kɛŋɔ bɛlbwa ta nyoɡrɛ.

Yela 1:6

Korowii dɛ nyiŋi nɛra ba wa aa toɡra nɛ, kɛ nɛnchɔɡa ŋwɛnɛre te, a dɛ kaa ba ne seo ta.

Yela 105:37

Belaa Korowii tɔ Israel tena sie le Ijipt harɛ ta, ba cheɡɛ suuɡapoŋa ne suuɡaswɛm ba bwara do kpeɡri.

Yela 121:3

Waa ɡel he lɔ naa dɛ́ chole. Korowii waa kpɔ nɔn tɔ he nɛɛ la aa dom chɔ.

Yela 121:5

Wɛɛ kpɔ nɔnee tɔ he nɛ, o lɔ he jwɛɛh dɛ́ lawɛ heyaa kpoŋe, dɛɛ nyiŋi he nɛ.

Yela 121:8

Wɛɛ kpɔ nɔnee tɔ he nɛɛ he buse bala ne he buse lee bini, le fini ne saŋ bɛlbwa dɛɛ la.

Yela 145:20

Nɛra baa dɛ nyin he waa la, he kpɔ nɔn dɛɛ tɔ ba nɛ, kɛ nɛnchɔɡa te, hɛɛ chɔɡ baa.

Yela 31:17

N Naa Korowii, bɛ ɡel sihiih kpo mɛ, henee n wi dɛɛ no. Gel sihiih kpo nyubinikpeɡ tena, ba serewe ka chɔ lalabwɛ jeiih ken.

Yela 37:28

Waa aa wera dɛ toɡre laanee Korowii ɛɛ nyin, waa nɛra ba wa aa dɔ kasinteŋ laanee ɡel. Korowii ɛɛ kpɔ nɔnee tɔ ba nɛ, saŋ bɛlbwa dɛɛ la, kɛ nyubinikpeɡ tena naanar te, wɛɛ doŋ baa le harɛ la ta.

Yela 94:18

Asɛ n ŋɔ, “N keero dɛɛ ba chola,” kɛ Korowii nyina aa wola jaɡa dɔe la laɡ mɛ kpoŋe.

Yela 97:10

Nɛra baa hah wechɔɡa la, Korowii dɛ nyin ba wa. O kpɔ nɔn dɛɛ tɔ o nɛra ba wa aa dɔ kasinteŋ tɛo nɛ, dɛ lɛɛ ba dɛɛ le nyubinikpeɡ tena nɔn ta.

Sɛɡla 16:9

Nɛn nyubini liire nee wɛɛ maɡle wa, kɛ Korowiirii dɛɛ baɡle waa waa ɛ.

Sɛɡla 2:8

Korowii kpɔ nɔn dɛɛ tɔ nɛra baa dɛ ɛ ba bala kɛrɛdɛ nɛ, dɛɛ nyiŋi banɔ la baa ta ba te tɛo nɛ.

Sɛɡla 3:26

Korowii ɛɛ kpɔ nɔnee tɔ he nɛ, waa ɡel he jo waa ta.

Wejereme 5:17

O soɡa bini bwa do kɛŋɔ nɛn waa soɡe biro ta ken, o liire chɔɡ, dɛɛ na wenaale kohona o baah di.

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Aesaya 27:3

“Men Korowiirii dɛɛ nyiŋi o ta, menee dɛɛ do nee o ta tɔpere bɛlbwa, chɔɔ ne jwaana bwaa mɛɛ daahno, ásɛ nomɛlbwa bɛ on ba chɔɡ.

Aesaya 47:5

Korowii ŋɔ, “Babelɔn haa do kɛŋɔ bitolo, so harɛ biro ta jeiih ken. Baa hen harɛ nɔ ta bwa bwɛɛre haŋkooroo yerɛ kpa!

Jeremia 8:14

Korowii nɛra la ŋɔ, “Ɛrɛɛ ya bwa ta so nɔɔ? Yá boa ya nyoa. Hé ɡel ya chwa kaa bwɛjena baa ma danjwɛkpeɡa bara bini, dɛ́ den ka serewe bela. Korowii ŋɔ yá na waa dɛ́ serewe, dɛ do tɛɡchɔɡa nee ta tɛ yaa ŋɔ yá nyɔ, wechɔɡa yaa ɛa dɛ jo o nɛɛ la wa.

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Neehum 1:8

Kɛ Niniwe te, wɛɛ chɔɡoo kɛŋɔ nee waa sua dɛɛ chɔɡ kwa, ásɛ dɛ doŋi o dɔma ta biro ta.

Sefania 1:15

A ɡɛ tɔpere la, Korowii bwaawee ɛɛ ir nɛra nɛɛ taeh, suna ne wenaale tɔperee, wahala nae ne chɔɡa ɡbosoroo, ásɛ baama tɔ, bɔr ɛ jumaa ken. Bɔr dɛ ba bira kohona a ɡɛ tɔpere,

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Nɛra Kura 6:24

“Kórowii kwaa he kwa, dɛ́ kpɔ nɔn tɔ he nɛ.

Matiu 8:12

Ásɛ nɛra Korowii Kora la fe aa chɛ ba la, bá kpɔ ba ta biro ta, belaa wii ne weweele do.”

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

Mmarare 33:3

Kpelaa, Korowii dɛ nyin o nɛra, dɛ kpɔ nɔn dɛɛ tɔ banɔ la baa lɔ o be pera nɛ. Ba bwa ɛɛ ɡuŋi he siee dɛɛ no he wa.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

2 Pita 2:17

He dɛ hwɛɡɛ ba nɛ aa, he hwɛɡa ta pɛɛ. Ba do kɛ nenabɔɔ nee aa wola toole o ta, dɛ do kɛ baama peu aa ir a ne aa kaa ken. Biro kpirikpirii Korowii kwaa cheɡ ba.

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.

Tɔn Jud Aa Chwera 1:13

Ba do kɛ mpo nehɛma a nyoa aa kpeɡa kohona ken. Gɛ a yon dɛɛ vuuɡi, a fufuɡ doŋa ɛɛ le baŋ la, ɡɛɛ baa vuuɡi wa, ásɛ ba sihihwa ɛɛ le baŋ. Ba do kɛ weweela aa wola chebɔr beŋkpoŋ dɔe, baa wola hwɛɡa kpɔe dɛɛ do a nɛɛ dɛɛ valɛ jwaana la. Biro kpirikpirii Korowii kwaa ba cheɡ bá ka do bela saŋ bɛlbwa.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.

1 Samoɛl 25:26

Taraken, Korowii aa lɛɛ le nɛra kpoora dɛ tɔ wel ta nɔ, n ŋwɛɛ Korowii waa lole saŋ bɛlbwa asɛ he ɡe so le nɔ, ó ɡel he dɔma baa dɛ nyini dɛ́ kpo la do kɛŋɔ Nabal ken.