1 Samoɛl 2:8 - mzwDBL

⁸ He lawɛ nɛra baa nyaa le ba nyaa bini, dɛ lɛɛ ba dɛɛ le ba sum ta. He ɡelɔ nɛŋɡwɛɡra ne koranar pɛ dɛɛ so, dɛ ɡel baa dɔ jirima. Hen Korowii dɔ kwaa aa lawɛ harɛ nɔ kpoŋe kpeɡri, a taa he ma harɛ nɔ chɔŋɛ.

1 Samoɛl 2:8 ပူးပေါင်းရင်းမြစ်များ

Mumpar 41:14

Belaa kooro tomɛ ŋɔ bá ka kpɔ Josef ba. Ba kaa lawɔ le dea warane, dɛ fonɛ o nyu ne o tampona, dɛ kpɔ laalafala doo, dɛ ba o ne kooro sie.

Mumpar 41:40

Mɛɛ kpɔe he chɔ n harɛ nɔ bwa nyoa, ásɛ nomɛlbwa ɛɛ teŋɛ he waa ta. Kora nɔ ɡbo taa n ɡwaale.”

2 Samoɛl 7:8

N bonɔɔ Devid, peeraa he teɡɛ dɛɛ la ane dibɔr n ka lawɛ dɛ ba cheɡe kora ta n nɛra Israel tena nɛ.

1 Koranar 16:2

“He fa toole wobɛlbwa bini, n lawɛ ba ŋɔ he baa nyiŋi n nɛra Israel tena nɛ, kɛ he kpɔ Kooro Jɛroboam ŋwɛnɛre la ta dɛ ɡel n nɛra Israel tena ɛ wechɔɡa dɛ jo n nɛ, dɛ ɛ wechɔɡa dɛɛ muɡli n baah.

2 Koranar 9:6

Asɛ Jehu ir o ne o jo dea, Korowii keame la ka fuɡe noo la do o nyu ta dɛ ŋɔ, “Korowii Israel tena aa dɛ tomɔ la ŋɔ, ‘Men Korowiirii fuɡe noo do he nyu ta, dɛɛ cheɡe kora ta n nɛra Israel tena nɛ.

Job Tɔn 1:21

dɛ ŋɔ, “Ba lol mɛ mumɡbal, mumɡbal nee n berɛ dɛɛ ba kaala. Korowiirii dɛɛ tɛ, onee dɛɛ lɛ. Hé ɡel ya kpɛɛ o sɔn.”

Job Tɔn 2:8

Asɛ Job ka so tɔɔ ta a baɡle kɛ o loo kuu, dɛ kpɔ kaŋli dɛɛ paa ŋwɛra la.

Yela 102:25

Wobɛlbwa mumpar la, henee ta harɛ, kwaa aa lɔ nyundua ɡe, he nɔn tomaa a bwa.

Yela 104:5

He kpɔ harɛ chɔŋɛ kwaa ta a lawɔ kpoŋe, o che kiŋkiŋ waa wola yiiɡi bwa.

Yela 107:41

Kɛ o lawɛ nɛŋɡwɛɡra le ba wenaale ta, dɛ ɡel ba bii warɛ kɛŋɔ peera ken.

Yela 24:2

Onee pa harɛ mun o chɔŋɛ nee sie, dɛ ɡel kwaa aa lawɔ kpoŋe che viljena ta.

Yela 75:3

Dɛ harɛ jiɡro Korowii kontaala bwa ɛɛ chel aa, mɛɛ ɡeloo kwaa aa lawɔ kpoŋe la che kiŋkiŋ.

Yela 75:4

N dɛ ŋɔ mbarafo tena be ŋɔ, ‘Hé ɡel mbarafo ɛɛ’, dɛ ŋɔ nyubinikpeɡ tena ɡe be ŋɔ, ‘Hé ɡel mbarafo wobol bola.

Yela 75:7

Korowiirii bol nɛra waa dɛɛ pa bole. Onee dɛɛ pa boldɛɛɡe, dɛɛ pa bolchɔɡe ɡe.

Wejereme 4:14

A ɡɛ bonɔɔ la, ba ken lawɔ do dea mɔɔ o ba di kora, kɛɛ ba lolɔ nyaa bini o do o harɛ ta.

Aesaya 22:23

Mɛɛ ɡeloo o che kiŋkiŋ, kɛŋɔ baa kpaa tɛnte baŋra daa do harɛ o che kiŋkiŋ la, ásɛ o nomonome dii dɔ jirima o dem.

Daneɛl 2:48

Kooro la ɛ Daneɛl nɛnjen, dɛ kɛo konjena taeh, dɛ kpɔ Babelɔn harɛ ta kpeɡri bwa do o nɔn ta. O ɛo Babelɔn harɛ ta wejerema bwa nomoa.

Daneɛl 4:17

Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”

Daneɛl 6:3

Daneɛl baɡlɔ kɛ o won toma ɛɛ dɛɛ ɡwaa o bala la, ne nɛra baa lee ba baa nyiŋi harɛ la bamperi ta la, asɛ o toma su kooro la siwi. A ɡɛ nomanta, kooro la liiro kɛŋɔ ó den kpɔ harɛ la waa bwa do o nɔn ta wɛɛ nyiŋi o ta.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

Wepila 1:6

O ɡelɔ ya bwa ɛ o Kora ta nɛra, dɛ ɛ sɔfore dɛɛ tomɛ o Mɛɛ Korowii. Anomanta, hé tɛo sɔn. Onee dɔ kpeɡri saŋ bɛlbwa dɛɛ la. Aamen.

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

Wepila 5:10

dɛ ɡel ba ɛ N Naa Korowii Kora nɛra, ne o sɔfore dɛɛ tomɔ, dɛ́ ba di kora harɛ nɔ bwa ta.”

1 Samoɛl 15:17

Samoɛl ŋɔ, “A lole kɛ he dɛ lii he te nɛnjeɡa, he laa bera ba ɛ Israel deene bwa nyu te nɔ naa? Korowii fuɡe noo do he nyu ta, dɛ cheɡe kora ta Israel.