1 Samoɛl 2:7 - mzwDBL

⁷ Henee ɡela nɛra ɛɛ nya, dɛ́ berɛ ɛ bane kondɔɔhna, dɛ́ lɔ nɛra harɛ dɛ́ berɛ ɡɔɔ bane ɡe.

1 Samoɛl 2:7 ပူးပေါင်းရင်းမြစ်များ

2 Koranar 9:6

Asɛ Jehu ir o ne o jo dea, Korowii keame la ka fuɡe noo la do o nyu ta dɛ ŋɔ, “Korowii Israel tena aa dɛ tomɔ la ŋɔ, ‘Men Korowiirii fuɡe noo do he nyu ta, dɛɛ cheɡe kora ta n nɛra Israel tena nɛ.

1 Webena 29:12

Kondɔɔh ne jirima bwa le he be, dɛɛ di kpeɡri komɛlbwa nɛ. He bee kpeɡri ne bokpeɡa le, he ɡɔɔ nɛra dɛɛ tɛɛ ba kpeɡri.

2 Webena 32:27

Kooro Hɛsɛkea dɔ kondɔɔh ne jirima taeh, asɛ dɛ ma deene dɛɛ cheɡ suuɡapoŋa ne suuɡaswɛm, ne bwedɛɛɡa a yoɡ aa kpeɡa ne konsɔɔhsoma, ne kwaa baa kpɔa dɛɛ tɔ ba te ɡbemɡbe laa ta, dɛ kondɛɛɡa bwa soo siwi a bini.

2 Webena 32:29

A habɔɔ la, Korowii ɡelɔ o dɔ suuɡa kɛrɛdɛ, dɛ dɔ nae ne peera taeh, asɛ dɛ vɔrɔwe bwɛɛre ɡe.

Job Tɔn 1:21

dɛ ŋɔ, “Ba lol mɛ mumɡbal, mumɡbal nee n berɛ dɛɛ ba kaala. Korowiirii dɛɛ tɛ, onee dɛɛ lɛ. Hé ɡel ya kpɛɛ o sɔn.”

Job Tɔn 40:12

nyiŋi, dɛ́ ba mbarafo te bɛlbwa ne harɛ, chɔɡ wechɔɡ-ɛɛra bobɛlbwa baa lole.

Job Tɔn 5:11

Korowii dɛ tɛ nɛŋɡwɛɡra chebɔr, banɔ la baa dɛ wi ɡe dɔ silɛɛ.

Yela 102:10

he bandia kohona nomanta, he laɡ mɛ dɛ ɡɔɔ mɛ viɡri.

Yela 75:7

Korowiirii bol nɛra waa dɛɛ pa bole. Onee dɛɛ pa boldɛɛɡe, dɛɛ pa bolchɔɡe ɡe.

Yela 75:8

Korowii kpoŋe numol, o bandia aa do kɛŋɔ danana nee suu. O fuɡa kɛŋɔ seŋkpeɡa tɛ nyubinikpeɡ tena bwa ba nyɔ, ba nyɔ a bwa a tonɛ kwaraa.

Sɛɡla 22:2

Suuɡate ne nyaa bwa ɛ beŋkpoŋ Korowii be. Onee ta ba bwa.

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Jeremia 49:15

Mɛɛ ɡeloo he nɛra ɡwɛɡre harɛre nɛra bwa bini, ásɛ ba haeh, dɛɛ nyiŋi he nyubaah.

Ɛsekeɛl 17:24

Daa aa lɔ harɛ la ta bwa ɛɛ jemɔɔ kɛŋɔ men Korowii, n ɡelɔ daa waa do jaŋne mule, dɛ ɡel daa waa mula do jaŋne. N ɡelɔ da-lwɛɛ hol, asɛ daa waa hola moɡɛ papooni dɛ do wer. Men Korowiirii bola, mɛɛ ɛo.”

Jems 4:10

Hé pwɛr he te tɛ Korowii. Wɛɛ ɡɔɔ heyaa.