1 Samoɛl 2:32 - mzwDBL

³² Hɛɛ di suna bela maa lole laanee, ásɛ n swee andɛɛɡa tɛ Israel tena baa kaa la. Kɛ he lolanar bini te, bɛlbwa aa kpeɡ dɛ́ ba hwɛɛh bwa.

1 Samoɛl 2:32 ပူးပေါင်းရင်းမြစ်များ

Sekaria 8:4

Koranar Bwa Kooro ŋɔ, “Banjeni ne hanjeni ta ɛɛ kpoŋe daŋɡbalee, dɛ́ so Jerusalam fɔɡbaahna.

1 Samoɛl 4:11

Filisti tena kpɔ Korowii Ne Nɛwɛnyina Fɔo Daka la, dɛ kpo sɔfo Eli bibaala Hofni ne Fenehas ɡe.

1 Samoɛl 4:22

O ŋɔ, “Korowii jirima toole Israel tena nɛɛ kpa, Daka la Filisti tena aa kpɔa kaa la wa.”

1 Samoɛl 4:4

Anomanta, ba tomɛ baala ba la Silo, dɛ ka kpɔ Nemenɛ Korowii Ne Nɛwɛnyina Fɔo Daka le bela Korowii Waa Ɛ Koranar Bwa Kooro aa soɡe Kerobim la doa o kookara ta la ba. Eli bibaala banɛ, Hofni ne Fenehas, teŋɛ Daka la nɛɛ dɛ ba.

1 Samoɛl 2:33

He naanar bini beŋkpoŋii mɛɛ ba ɡela o ɛ n sɔfo. Kɛ mɛɛ ɡeloo ó nyoŋe, o bambile chɔɡ, ásɛ he naanar baa kaa bwa piɡri serewe laa ta ba bonɔɔne saŋ.