1 Samoɛl 2:30 - mzwDBL

³⁰ Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.

1 Samoɛl 2:30 ပူးပေါင်းရင်းမြစ်များ

1 Koranar 11:11

Anomanta, Korowii ŋɔ o be ŋɔ, “Haa saahna chɔɡ n ne he fɔo yaa fɔwa dɛ ɛ deŋnekpeɡ waa maa doe a ta nomanta, mɛɛ laa kora laanee lɛ he be, dɛ́ kpɔ tɛ nomonome baa lɔ he lɔɡa la bini bɛl.

1 Koranar 2:27

Gɛɛ a do Kooro Solomɔn le Abiata sɔfore dii ta, dɛ ɡel waa Korowii aa bola Silo, a ɛ sɔfo Eli dem waa la ɛ kpela.

1 Webena 17:18

Bɔkwaa men Devid dɔ dɛ́ bol he be jaɔ? He ɡbabir jemɛ men maa ɛ he bonɔɔ wa.

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

2 Webena 26:18

Asɛ ba la o be ka bɔɔro ŋɔ, “N naa kooro, he ta ŋwɛnɛ dɔe kɛŋɔ he fuh daawiile a sɔɔh aa soma tɛ Korowii. Sɔfore baa ɛ Arɔn naanar baa sɔ ba doŋa ta, ba do ɡoroŋ Korowii be pera la, banee dɔ a ŋwɛnɛ kɛ bá ɛ ɡɛ toma nɔ. Le Korowii Dea bonɔ kaa, dɛkalkɛ he waa ta kasinteŋ dɔe o sie, waa andɛɛɡaa swee tɛɛ kpa.”

Yela 18:20

Korowii bɔ mɛ kem ɡɛ n wa aa toɡra, o swee andɛɛɡa tɛ mɛ, dɛkalkɛ wechɔɡa bɛlbwa toole n nɛ.

Yela 18:26

Nɛn o tea aa toa la, onee he dɔ tepoŋ tɛ, kɛ he dɔ wejema ɡwaa nɛn waa dɔ baradeɛre.

Yela 50:23

Nomɛlbwa kpɔ jam tɛ mɛ naa, dɛ sarahaa o ɛ tɛ mɛ la, onee dɛɛ duu mɛ. O kpɔɔ kwaa ŋwɛnɛ dɛɛ cheɡ, dɛ́ na ɡɛ men Korowii aa won nɛra lɛɛ.

Yela 73:20

Ba do kɛŋɔ nɛn yon chɔ dɛ́ dee, tɔɔ ne pera dɛ o soɔh la ken. N Naa Korowii, he ɡɔɔ he te naa, ba bwa dɛ́ peɡre.

Yela 91:14

Korowii ŋɔ, “Mɛɛ lɛ nɛra baa dɛ nyin mɛ laanee, dɛ́ kpɔ nɔn tɔ nɛra baa jem mɛ kɛ ba dɔɔree men la nɛ.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Kaala 28:43

Arɔn ne o bibaala chɛ kɛŋɔ báa do laala nɔ saŋ bɛlbwa baa jo n Dea Cheremibɔr bela, kɛɛ dɛ la kon baa dɛ ɛ saraha o ta dɛ́ ka tomɛ Boɡoroŋ bela, dɛ bɛ bolchɔɡe ba di dɛ́ serewe. Gɛ waa nɔɔ chɛ kɛ á chɔ le tɛ Arɔn ne o naanar saŋ bɛlbwa.”

Kaala 29:9

dɛ́ pi ba ɡbɛrɛre. Ásɛ dɛ kpɔ kirisore vɔwɛ Arɔn ne o bibaala la. Ba ne ba naanar ɛɛ ɛ sɔfore, dɛɛ tom mɛ saŋ bɛlbwa dɛɛ la. Gɛɛ hɛɛ ba ɛɛ dɛ́ le Arɔn ne o bibaala dɛ́ kpɔ ba toma do ba nɔn ta.

Sɛɡla 12:8

Wejeremee baa kpɛɛ, dɛɛ nyiŋi ɡɛna nyubaahna.

Sɛɡla 4:8

Duu wejema, ásɛ o ɛɛ nɛnjen, kpɔ he te pɛlo, ásɛ o tɛɛ jirima.

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Jeremia 29:32

Anomanta, mɛɛ tɛr Sɛmaya ne o naanar deŋnee. O nɛmbeŋkpoŋ kwara aa ka dɛ́ do nɛra nɔ bini. Waa kondɛɛɡa maa dɛ ba kpɔe tɛ n nɛra la nae ba, dɛkalkɛ o ɛ deŋnekpeɡ o ta n waa ta teŋɛ. Men Korowiirii bola.”

Jeremia 49:15

Mɛɛ ɡeloo he nɛra ɡwɛɡre harɛre nɛra bwa bini, ásɛ ba haeh, dɛɛ nyiŋi he nyubaah.

Ɛsekeɛl 34:10

Anomanta, men Nemenɛ Korowii, n ne he dɔɔ. Mɛɛ tɛr he deŋnee dɛ́ lɛa le he be, haa a teɡraa ɛ kpa. Mɛɛ lɛa le he be, maa ɡel he di a ta kpa.

Daneɛl 4:34

Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la. Wɛɛ di kora saŋ bɛlbwaa dɛɛ la, o kora ɛɛ cheo saŋ te bɛlbwa.

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Malakae 2:3

He we-ɛɛla nomanta, mɛɛ tɛr he naanar deŋnee, dɛ́ kpɔ kondɛɛra haa kpoora ɛ saraha dɛɛ tɛ mɛ tɔpejena ta la bena fɔɡle he sie, ásɛ ba kpɔ he ne loŋɡboŋbena la ɡɛ kaa.

Nɛra Kura 11:20

Hɛɛ chwea korobibir bwaa a ba lawɛ heya, dɛ́ pe heya, dɛkalkɛŋɔ he vɛh Korowii, onee ja he nɛɛ he soɡa bini. Kɛ he wi o siwi ta ŋɔ, ‘Bɔkwaa ɡela ya le Ijipt harɛ te nɔ?’ ”

Nɛra Kura 35:34

He bɛ doŋa kpɔ kah harɛ haa soɡe o ta la, Korowii lɔ he Israel tena baah ta.’ ”

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

Amanesoma Jɔn Aa Chwera Tɔn 5:23

Dɛ ŋɔ nómɛlbwa tɛ o Bie la jirima ɡɛ tenten baa dɛ tɛo jirima la. Anomanta, nomɛlbwa waa wola o Bie la jirima tɛ la, dɛ ɡɛɛ waa wola o Mɛɛ la waa tomɔ la jirima tɛ.

Amanesoma Jɔn Aa Chwera Tɔn 5:44

He dɛ nyin sɔn dɔŋa be, kɛ a ta wehiah ɛɛ tɛ heyaa kɛŋɔ hé nyin sɔn Korowii te be. He do ken aa, ɛrɛɛ hɛɛ ba wona dɛ yarada mɛ nɔ?

Amanesoma Jɔn Aa Chwera Tɔn 8:49

Anee o ŋɔ, “Kwa aa n nɛɛ ir, n Mɛɛ sɔnee mɛɛ kwaa, asɛ he te ɛɛ chɔɡ mɛ.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

Sitɔɔla 9:10

Belaa daa la bwa berɛ la fiɡ daa ɡe be ŋɔ, ‘Ba ɛ ya kooro.’