1 Samoɛl 2:27 - mzwDBL

²⁷ Awola Korowii keame bɛl Korowii aa pili waane bini baɡlo ba sɔfo Eli be dɛ ba ŋɔ, “Waa Korowii aa dɛ bol laanee nɔ, ‘N fa ta n te kpɔe baɡle he naawa kɛrɛdɛ Ijipt harɛ ta ɡɛ saŋ baa lɔ Ijipt kooro lɔɡa la aa?

1 Samoɛl 2:27 ပူးပေါင်းရင်းမြစ်များ

1 Koranar 13:1

Awola bɛl, Korowii ɡelɔ o keame bɛl le Juda harɛ dɛ kaa Bɛtel. Dɛ Kooro Jɛroboam lɔ kon baa ɛ saraha o ta la bɔr dɛɛ ba saraha ɛɛ.

Sitɔɔla 13:6

Asɛ haah la la o jaa be ka ŋɔ, “Korowii nɛn bɛl ba n be. O le Korowii nyundua torome, o ɔma kɛrɛdɛ. N ta on bɔɔrɛ bela waa lea, o ta men o sɔn ɡe baɡlɛ.

Mmarare 33:1

Gɛ Mosis waa ɛ Korowii nɛn aa swee andɛɛɡa tɛ Israel tena mɔɔ dɛ sewɛ laanee nɔ.

Kaala 4:27

Anee Korowii ŋɔ Arɔn be ŋɔ, “Ir la pua hɛŋle ɡbo harɛ ta, dɛ́ ka cheme Mosis.” Asɛ o ir dɛ la ka chemo Korowii bwe waa do ɡoroŋ ta dɛ jaamo.

2 Pita 1:21

Akai! Baa chwera la, ba ɡbaɡba liire ne laa ba chwera. Korowii Domadɛɛɡee ir Korowii nɛra nɛ, asɛ baa bol waa aa dɛ ba bala kerekere Korowii aa kpɔa do ba nyoa.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

1 Samoɛl 9:4

Baa lea la, ba kpɔ Efrem deŋɡarere harɛ ta, dɛ ka le Salisa harɛ ta, kɛ ba ta an nae. Ba ɡaaɡɔ ka le Saalim harɛ ta ɡe, ba ta an nae, dɛ berɛ le bela ka kpɔ Bɛnjamen dea harɛ ta, kɛ ba ta keeɡo beŋkpoŋ kwaraa nae.

Sitɔɔla 6:8

Korowii Israel tena aa dɛ tomɛ ɡelɔ o keame bɛl ba ba be ŋɔ, “Men lɛ heyaa le Ijipt harɛ ta somanjiri dii ta.

Kaala 12:43

Belaa Korowii ŋɔ Mosis ne Arɔn be ŋɔ, “Ŋwɛnɛre haa kpɔ a ta di Galekaa kondikwa laanee nɔ. A ta chɛ kɛŋɔ hɔɔh dia.

Kaala 12:1

Korowii bol waa baɡle Mosis ne Arɔn Ijipt harɛ ta ja,

1 Samoɛl 3:12

Awola tɔpere la, mɛɛ tɛr Eli ne o dem tena deŋnee ɡɛ aa chɛa, maa wola beŋkpoŋ kwaraa ta.

1 Koranar 2:27

Gɛɛ a do Kooro Solomɔn le Abiata sɔfore dii ta, dɛ ɡel waa Korowii aa bola Silo, a ɛ sɔfo Eli dem waa la ɛ kpela.

1 Samoɛl 9:6

Anee bonɔɔ la chaŋe ŋɔ, “Na, Korowii nɛn bɛl lɔ bwɛɛ nɔ ta. O wobɛlbwa waa bol dɛ ɛ kasinteŋ, baa duuru kohona ɡe. Gel ya la o be, o ken ɛɛ won baɡle yaa bela yaa kpɔ dɛ́ na keeɡore nɔ.”