1 Samoɛl 2:22 - mzwDBL

²² Sɔfo Eli baa hwɛɛh name, dɛ no waa o bibaala la aa kpɔa dɛɛ ɛ Israel tena bwa, ne ɡɛ baa lawɛ haahna baa dɛ ɛ toma Korowii Dea Cheremibɔr doonyoa bela dɛɛ chɔ.

1 Samoɛl 2:22 ပူးပေါင်းရင်းမြစ်များ

Kaala 38:8

O kpɔ ayaawa kwaa loɡbajen, asɛ kon waa chɔŋɛ o ta ɡe ɛ ayaawa. Toli bane baa lɔ Korowii Dea Cheremibɔr doonyoa dɛɛ ɛ toma la kpɔ ba ayaawa diɡi ba, bá kpɔ ɛa.

Ɛsekeɛl 22:26

Sɔfore ɡe vɛh me Mmarare ta teŋa. Baa waa aa do ɡoroŋ, ne anɔ la aa wola ɡoroŋ bini peɡri. Baa waa aa wera, ne anɔ la aa wola were ɡe baɡle, dɛ ɡel n Ona Tɔpera ɡe dii, a che a ta Israel tena vɛɛh mɛ.

1 Samoɛl 8:1

Samoɛl baa hwɛɛh, asɛ o le o bibaala banɛ ŋɔ bá chiɡ o naa ta, dɛ́ ɛ Israel tena sitɔɔla, dɛɛ bol ba ne ba bala waa dɛɛ pa bole.

Mumpar 37:2

Kenii o bii ne o naanar waa do, Jekɔb bie Josef aa di bene fi dɛ anuanɛ la, dɛ o ne o dɔɔranar dɛ nyiŋi kondɛɛra ta. O mɛɛ haahna banɛ baa dɛ yer ba Bilha ne Silpa la biirii ban. Josef yon ba taa dichɔɡa o dɔɔranar aa dɛ di o mɛɛ be.

1 Samoɛl 2:23

Anee Eli bɔɔ ba ŋɔ, “Ɛrɛɛ hɛɛ ɛ ɡɛ nɔɔ? N no dichɔɡa haa dɛ di, dɛ le nɛra la bwa be.

1 Samoɛl 3:13

N tɔ sie ɡel o jemɛ kɛŋɔ mɛɛ tɛr o ne o dem tena deŋnee o bibaala waa baa bola yaɡ mɛ la wa, dɛkalkɛ o ta ban kasinteŋ dii.

Mumpar 35:22

Waa kaa so harɛ la ta la, Rubin kaa lawɛ tolo baa dɛ yerɔ Bilha baa lawa tɛ o mɛɛ o ɛ o sɛno la chɔ, asɛ Jekɔb no. Bii fi dɛ banɛɛ Jekɔb lolɛ.