1 Samoɛl 2:20 - mzwDBL

²⁰ Sɔfo Eli yon swee andɛɛɡa tɛ Ɛlkana ne o haah ŋɔ, “Korowii ɡel he ne haah nɔ dɔ bii, bá ba chiɡ onɔ haa soŋo o waa dɛ kpɔ ba tɛo nɔ naa ta.” Ásɛ o ne haah la bwa yon berɛ kaa ba bwɛ.

1 Samoɛl 2:20 ပူးပေါင်းရင်းမြစ်များ

Mumpar 14:19

dɛ soŋe andɛɛɡa tɛo ŋɔ, “Nemenɛ Korowii waa dɔ komɛlbwa kpeɡri dɛ ta nyundua ne harɛ la kwaa he kwaa tɛɛ.

Malakae 2:15

Korowii ta ɡelɛ haah ne baa ɛ beŋkpoŋ bwadabii ne doma ta naa? Bɔkwa waa o ɛa ɡɛ nɔɔ? O dɛ nyin kɛŋɔ he bii baa teŋɛ o waa la ta. Anomanta, bɛlbwa nyiŋi kɛrɛdɛ dɛ bɛ ɡel nyobaɡa aa lɔ o ne o bonɔɔne saŋ haah baah la chɔɡ.

Amanesoma Luk Aa Chwera Tɔn 2:34

Simeon soŋe andɛɛɡa tɛ Yeesu nya ne o mɛɛ, dɛ ŋɔ o nya be ŋɔ, “Hé no waa nɔ! Bie nɔ cheɡɔ tɛ Israel tena bane kwaara ne bane chɔɡa. Wɛɛ berɔɔ che tɛ Korowii, ásɛ nɛra bol waa yaɡɔ,

Rut Tɔn 2:12

Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”

Rut Tɔn 4:11

Belaa nomonome la ne nɛra baa lɔ doonyoa bela la sɛh ŋɔ, “Ɔɔh, ya bwa ɛ danseɛ tena. Korowiirii dɛ́ ɡel he haah nɔ waa dɛ ba he be bala nɔ do kɛŋɔ Rakɛl ne Lea baa lolɛ bii kohona, dɛ vɔrɔwe Israel la. Korowii ɡel he dɔ chebɔr Efrat baa bera dɛɛ yerɔ Bɛtlɛham la,

1 Samoɛl 1:11

Belaa Hana baɡɛ Korowii nyoa ŋɔ, “Nemenɛ Korowii, na n sum, bɛ n waa soh. No he tolo wa, dɛ́ tɛ mɛ bibaa, ásɛ n leo cheɡ tɛɛ o soɡa bini bwa, baa o nyumpon beŋkpoŋ kwaraa fonɛ bwa.”