1 Samoɛl 2:18 - mzwDBL

¹⁸ Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.

1 Samoɛl 2:18 ပူးပေါင်းရင်းမြစ်များ

2 Samoɛl 6:14

Dɛ Kooro Devid do sɔfo batakaarebora efɔd baa kpɔ yapondɛɛɡe nyarɔ, dɛɛ sa silɛɛ bwa ne Korowii sie o bokpeɡa bwa ne,

1 Webena 15:27

Dɛ Kooro Devid do batakaarejaŋ baa kpɔ yapondɛɛɡe nyarɔ, ɡɛɛ Lewi dea tena baa cheɡɛ Daka la ne yelɡoola la, ne Kenania waa chɔ yelɡoola nyoa la ɡe do ane. Dɛ Kooro Devid berɔ do sɔfo batakaarebora efɔd baa kpɔ yapondɛɛɡe nyarɔ.

Kaala 28:4

Laala haa nyarɛ laanee, kon waa dawɛ o bambile ta ne batakaarebora, ne batakaarejaŋ ne onɔ la baa sɔɔh ó do mun ta, ne yal baa kpɔ vɔwɛ nyu dɛ kiriso waa kpɔ dɛɛ vɔwɛ chara. Gɛ laala aa do ɡoroŋ nɔɔ baa ba nyara tɛ he dɔɔ Arɔn ne o bibaala, ásɛ ba ɛ toma dɛɛ tɛ mɛ kɛ sɔfore.

Lewi Dea Tena 8:7

Dɛ kpɔ batakaare baa dɛ doo mun ta ne onjaŋ la do Arɔn, dɛ kpɔ o kiriso vɔwɛ o chara. Dɛ berɛ kpɔ batakaarebora efɔd la doo, dɛ lawɛ kon baa nyarɔ kwaa do o ta kɛrɛdɛ, dɛ do batakaarebora efɔd la nyoo la vɔwɛ Arɔn chara a che kɛrɛdɛ.

1 Samoɛl 14:3

dɛ sɔfo Ahija do sɔfo batakaarebora efɔd dɛ ja ba nɛ. Baa bɛl waa ɛ Ikabod dɔɔ Ahitub biee on, Ahitub ɡe mɛɛ Fenehas. Ahitub nabaalee Sɔfo Eli, dɛ o lɔ Korowii sie dɛɛ tomɔ Silo. Dɛ nomɛlbwa aa jemɛ kɛŋɔ Jonatan le ba bini kaa.

1 Samoɛl 2:11

Belaa Ɛlkana ne Hana berɛ kaa Rama bela baa soɡa. Kɛ Samoɛl te soɡe Silo bela sɔfo Eli be, dɛɛ ɛ Korowii toma.

1 Samoɛl 2:28

Israel deene fi dɛ anɛ bwa binii n le he naa Arɔn ne o bibaala cheɡ ŋɔ, bá ɛ n sɔfore, dɛ́ɛ la bela baa ɛ saraha dɛɛ tɛ men Korowii, dɛ́ ka fuh daawiile a sɔɔh aa soma dɛ́ɛ tom mɛ, dɛ́ do sɔfo batakaarebora efɔd ba n sie. N berɔ tɛ he naawa dea tena ŋwɛnɛ Israel tena kwaa baa kpɔa ba ɛ saraha dɛ fuh dɛɛ tɛ mɛ la, baa kpɔ a bini ane.

1 Samoɛl 22:18

Ate, kooro berɛ ŋɔ Doeɡ waa le Edom la be ŋɔ, “Berɛ he te, dɛ́ kpoo sɔfore nɔ.” Anomanta, o berɛ o te dɛ kpoo ba. O kpoo sɔfore fifraanuatoro dɛ banue baa do sɔfo batakaarebori efɔd baa kpɔ yapondɛɛɡa ɛa.

1 Samoɛl 3:1

Samoɛl lɔ sɔfo Eli sie dɛɛ ɛ Korowii toma. Gɛ saŋ dɛ Korowii waa waa cheɡɛ nɛra nɛɛ dɛɛ bol la ta warɛ. Dɛ waa nae chaahna ta ɡe aa kanɛ.