1 Samoɛl 2:17 - mzwDBL

¹⁷ Sɔfo Eli bibaala wechɔɡa baa do kan Korowii sie. Dɛ ba ta ɡelɛ duure do kwaa baa kpɔa ba ɛ saraha dɛɛ tɛ Korowii la ta.

1 Samoɛl 2:17 ပူးပေါင်းရင်းမြစ်များ

Mumpar 10:9

Dɛ o ɛ kpaah o bambile aa kpeɡa Korowii sie, a waa ba yon ŋɔ, “Kpaah waa dɔ bambikpeɡ Korowii sie kɛ Nimrod la.”

Mumpar 13:13

A ɡɛ Sodom tena nɔ, dɛ ba nyubini kpeɡri ba wechɔɡa do kan Korowii be.

Mumpar 6:11

Dɛ nɛra baa kaa la te bwa ɛ wechɔɡ-ɛɛra Korowii be, asɛ naɡrenyin we-ɛɛla su harɛ la ta bobɛlbwa.

2 Koranar 21:6

O kpo o bibaa dɛ fuuh ɛ saraha, dɛ ɛ sɔm we-ɛɛla dɛ voɡɛ dɛ yerɛ lala, dɛ la tɛɡre tena ɡe be. O ɛ wechɔɡa taeh dɛ jo Korowii nɛɛ dɛ ir o bandia kohona.

Yela 51:4

He ɡbosoroo n ɛ wechɔɡa, dɛ ɛ anɔ la aa wola were he sie. Anomanta, he waa dɔ kasinteŋ, he won bol n waa dɛ́ pa bole aŋwɛnɛ ta, dɛ́ tɛr n deŋne.

Aesaya 3:8

Jerusalam paɡrɔ, Juda harɛ ɡe chɔɡ. Nɛra baa lɔ bela nyoa wobol ne ba we-ɛɛla dɛ jo Korowii nɛ. Ba pili nyoa dɛɛ chɛɡɛ Korowii waa ɛ jirima te la.

Malakae 2:13

Waane ɡe lole hɛɛ ɛa ja. He wio dɛ kpɔ sinii su kon baa ɛ saraha o ta dɛɛ tɛ Korowii ta bwa, dɛ wi dɛɛ dooɡe lɔŋɔre lɛɛ waa wola he saraha kwaa lɛ silɛɛ ne kpa la wa.

Matiu 18:7

Harɛ nɔ ta nɛra, hé bwɛɛlɛ, he dɔŋa neɡra dɛɛ do wechɔɡa ta nomanta. A ɡɛ waa la ɛɛ bao te, kɛ naate waa ba a ne la, ó bwɛɛlɛ.

1 Samoɛl 2:16

Dɛ nɛn waa baa ɛ saraha la ŋɔ o be ŋɔ, “Fuh ol la noo tonɛ mɔɔ, dɛ́ kpɔ onɔ la haa dɛ nyin” aa, bonɔɔ la ɛɛ chaŋoo ŋɔ, “Akai, kpɔ tɛ mɛ taraken, dɛ ɡɛ laa aa, amɔ te kpeɡri nee mɛɛ ba kpɔe.”

1 Samoɛl 3:13

N tɔ sie ɡel o jemɛ kɛŋɔ mɛɛ tɛr o ne o dem tena deŋnee o bibaala waa baa bola yaɡ mɛ la wa, dɛkalkɛ o ta ban kasinteŋ dii.