1 Samoɛl 2:15 - mzwDBL

¹⁵ Mɔɔ baa fuh ol la noo la, sɔfo la bonɔɔ yon ba naate waa ba dɛ ɛ saraha la be ŋɔ, “Tɛ mɛ ol n ka wɔɔ tɛ sɔfo, waa ondaale nyin, atane onlwɛɛ.”

1 Samoɛl 2:15 ပူးပေါင်းရင်းမြစ်များ

Lewi Dea Tena 3:16

Sɔfo la fuah saraha kon la ta bela, kɛŋɔ mea saraha baa fuah dɛɛ tɛ men Korowii a sɔɔh ɛɛ do n som kohona la. Ol la noorare bwa ɛ n kwa, bá fuah.

Felepae 3:19

Ŋwɛnɛ ɡɛ nɛra nɔ aa kpɔ o ta la dɛ kaa ba ne seo ta. Ba kpɔ tea ne bwadabii waa ɡwaa Korowii. Waa aa ɛ sihihwaa la, a nee baa ta nyoa. Ba liire bwa lɔ harɛ nɔ ta kwaa ta.

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

Tɔn Jud Aa Chwera 1:12

He yon cheme dɛ pɛ dɛɛ di kondikwaa aa dɛ baɡle beŋkpoŋri ɛɛ haa dɔa he Dɔɔ tom nɔ ta la, a ɡɛ nɛra la lɔ he baah kɛŋɔ doŋa dɛɛ chɔɡ he wer. Ba ta sihiih dɔe. Ba ɡbo waa baa dawɛ, baa nɛra waa dawɛ. Ba waa ta hwɛɡa dɔe kɛŋɔ baama peu aa dɛ kaa a ne aa wola bwaala nee ne ba la. Ba do kɛŋɔ daa aa wola won a nɔna saŋ nɔnɛ, asɛ ba chuɡra ta a den serewe kwaraa la.

Kaala 12:9

He bɛ ola la an lwɛɛ kɛɛ an daala chwe. Hé wɔɔ ane a nyuune ne nakpale ne a tea bini kwaa te bwa.

1 Samoɛl 2:14

Wɛɛ taɡɔɔ su ola la bini, asɛ bɛlbwa waa le o ne la ɛ sɔfo la kon. Dɛ ɡɛɛ ba kpɔ dɛɛ ɛ Israel tena baa ba Silo bela baa ɛ saraha bwa.

1 Samoɛl 2:16

Dɛ nɛn waa baa ɛ saraha la ŋɔ o be ŋɔ, “Fuh ol la noo tonɛ mɔɔ, dɛ́ kpɔ onɔ la haa dɛ nyin” aa, bonɔɔ la ɛɛ chaŋoo ŋɔ, “Akai, kpɔ tɛ mɛ taraken, dɛ ɡɛ laa aa, amɔ te kpeɡri nee mɛɛ ba kpɔe.”