Hé nyin nyosonteŋna banɛ ba so, ásɛ ba ne o sie chaɡɛ dɔŋa. Ásɛ ba haŋɛ o nyoa nɛra la baah ta kɛŋɔ o taah Korowii ne kooro, dɛ́ lawɔ le bwɛjen la ta dɛ́ ka foɡro bwea kpo.”
Nyosonteŋna banɛ la baa so ba ne o sie chaɡɛ dɔŋa, ba haŋɛ o nyoa nɛra la bwa baah ta kɛŋɔ o taah Korowii ne kooro la. Anomanta, ba lawɔ le bwɛjen la ta dɛ ka foɡro bwea kpo.
Sɔfore ɡba ta bɔɔrɛ ŋɔ, ‘Leperaa Korowii dɔɔ?’ Nɛra baa dɛ baɡle me Mmarare ɡba ta men jemɛ. Nomonome la bwa ɛ deŋnekpeɡ dɛ vɛɛh mɛ. N keamere bol waa voɡ Baal sɔn ta, dɛ kaa teŋɛ voɡa aa wola tɔnɔ bɛlbwa dɔe nɛ.
Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.
Sɔfore ɡe vɛh me Mmarare ta teŋa. Baa waa aa do ɡoroŋ, ne anɔ la aa wola ɡoroŋ bini peɡri. Baa waa aa wera, ne anɔ la aa wola were ɡe baɡle, dɛ ɡel n Ona Tɔpera ɡe dii, a che a ta Israel tena vɛɛh mɛ.
Baa dɛ lɛ ba sie la, nɛnchɔɡa bane baa lɔ bwɛɛ la ta baa bar dem la cheme, dɛɛ lɔ dem la doonyoa ɡbera la, dɛɛ kɔɡre dem te la ŋɔ, “Le baa la waa ba he dem bonɔ la ne tɛ yaa yá lawɔ ka chɔ kɛ baa ne haah.”
Kɛ nɛnchɔɡa bane ɡe ŋɔ, “Ɛrɛɛ nɛn waa do ken ɡe ɛɛ ba wona lɛ yaa ɔ?” Ba haoh dɛɛ nyiŋi o nyubaah, ba ta on koŋkɛɛla bɛlbwa ba tɛɛ. Sɔɔl ɡe ta ba waa la kpɔe ɛ wobɛlbwa.
Kpɔ ɡɛ waa nɔ liire, dɛ́ na ɡɛ haa dɛ ba wona ɛ, dɛkalkɛŋɔ wenaale dɛ ba n nomoa Nabal ne o dem tena bwa nɛ. O bambile kpeɡri kɛŋɔ nɛn bol waa ó no a mun.”
