1 Samoɛl 18:5 - mzwDBL

⁵ Kooro Sɔɔl tomɛ Devid ŋɔ ó ka ɛ wobɛlbwa naa, o dɛ ɛa kɛrɛdɛ. Anomanta, o ɛo o laa nomonjena la bini bɛl. Gɛ waa nɔ lɛ Kooro Sɔɔl nomonome ne o nɛra bwa sie.

1 Samoɛl 18:5 ပူးပေါင်းရင်းမြစ်များ

1 Samoɛl 18:30

Filisti laa nomonome teŋɔ kpɔ ba laa tena dɛɛ la laa, kɛ saŋ bɛlbwa ba ne Devid aa yo la, o dɛ pɔ ba nɛ. Devid lɛ sɔn kohona, dɛkalkɛ Kooro Sɔɔl laa nomonome bwa bini la, dɛ onee yo laa dɛ kpoo nɛra kohona.

Kolosi 4:5

Hɛ́ɛ nyiŋi kɛrɛdɛ, dɛ́ jemɛ ɡɛ aa chɛ kɛŋɔ hɛ́ɛ ɛ nɛra baa wola asɔre tena ɛɛ la, ásɛ dɛ he dɔ ŋwɛnɛ bɛlbwa naa, hé che o ta dɛ́ won dɔɔ ba tɛ Korowii.

Ɛfesos 5:17

Hé ɡel he nfɛrɛ nyae la, dɛ́ jemɛ waa Korowii aa dɛ nyin la kɛrɛdɛ.

We-ɛɛla 7:10

anomanta, wobɛlbwa ta on ɛɛ o wahala waa naa la bwa ta. A balɔ kɛŋɔ Josef la Ijipt harɛ kooro be, Korowii tɛo jirima ne liire, asɛ o waa too kooro la tea kohona. Anomanta, o ɛ Josef o harɛ la bwa ne o dem tena bwa nomoa.

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Yela 1:3

Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

1 Samoɛl 13:2

Kooro Sɔɔl le baala kaɡboŋa batoro le Israel harɛ, ba bini kaɡboŋa banɛ do o be Mikmas ne Bɛtel waa chɔ deŋɡarere doa, asɛ kaɡboŋ ɡe do Jonatan be Gebea waa lɔ Bɛnjamen dea harɛ ta. Dɛ ɡel ba kabora kaa ba deremi.

Mumpar 39:23

Korowii aa dɛ nyin Josef waa dɛɛ nyin kɛ o wobɛlbwa do wer tɛo la nomanta, o ɡelɔ nomoa waa dɛ nyiŋi ba nɛɛ la laa o sie kpɔ waa Josef aa chɔ a nyoa la ta.

1 Samoɛl 14:52

Kooro Sɔɔl soɡa bini bwa, o ne Filisti tena yo laa taeh. Anomanta, o na banyoo bɛlbwa naa, ɡɛɛ o lawɔ ba ja o laa tena nɛ.

1 Samoɛl 18:4

Jonatan foo o batakaare waa doa, ne o laa batakaare tɛ Devid, hale o kere ne o to, dɛ o kiriso.

1 Samoɛl 18:6

Devid aa kpo Goliat asɛ laa tena la berɛ dɛɛ kaa dem la, haahna le Israel bwɛɛre bwa ta ba cheme Kooro Sɔɔl. Ba yiiɡi loŋa, dɛ lɔ janjela silɛɛ ne dɛɛ sa.

1 Samoɛl 18:16

Kɛ dɛ Israel ne Juda tena bwa dɛ nyin Devid wa, waa tɔ ba sie dɛ kpɔ ba dɛɛ la laa a maɡre dɛɛ tɛɛ ba la wa.

2 Samoɛl 5:2

Kooro Sɔɔl fa aa ɛ ya kooro la, dɛ henee tɔ ya Israel tena sie dɛɛ la ya ne laa. Asɛ Korowii ŋɔ he be ŋɔ, ‘Henee dɛ́ nyiŋi n nɛra Israel tena nɛɛ kɛŋɔ peteɡre ken, dɛ́ ɛ ba kooro.’ ”

Yela 101:2

Mɛɛ dɛɛ nyiŋi n we-ɛɛla bini kɛrɛdɛɛ. Saŋ besoo he ba cha mɛ nɔ? Mɛɛ kpɔ bambidɛɛɡee so n dem,

Sitɔɔla 1:19

Korowii cha Juda dea tena ba pɔ deŋɡarere harɛ tena nɛ, kɛ ba ta wone doŋi bwɛɛre aa chɔ harɛ deŋɡarere aa wola toole a ta la te nɛ, dɛkalkɛŋɔ ba dɔ bune kwaa aa do kɛŋɔ torɔɡo ba vɔwɛ dɛɛ pɛl jaɡre la ane.

1 Samoɛl 3:19

Korowii ja Samoɛl nɛ o ba kpeɡ, dɛ ɡel o wobɛlbwa ɡe waa dɛ bol la ɛ kasinteŋ.

2 Samoɛl 5:10

Kooro Devid teŋɔ di kpeɡri kohona dɛkalkɛ dɛ Korowii waa ɛ Koronar Bwa Kooro ja o nɛ.

2 Webena 17:3

Dɛ Korowii ja Kooro Jehosafat nɛ, dɛkalkɛ o teŋɛ waa o nabaa Kooro Devid fa aa ɛa la ta. O ta voɡ Baalre tomɛ.