1 Samoɛl 18:14 - mzwDBL

¹⁴ Korowii aa ja Devid nɛɛ nomanta, wobɛlbwa waa ɛ́ la, dɛ a maɡrɔ tɛo.

1 Samoɛl 18:14 ပူးပေါင်းရင်းမြစ်များ

Mumpar 39:23

Korowii aa dɛ nyin Josef waa dɛɛ nyin kɛ o wobɛlbwa do wer tɛo la nomanta, o ɡelɔ nomoa waa dɛ nyiŋi ba nɛɛ la laa o sie kpɔ waa Josef aa chɔ a nyoa la ta.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

1 Samoɛl 16:18

Belaa bonɔɔna la bɛl chaŋe ŋɔ, “N na Jese bibaa bɛl, o lɔ Bɛtlɛham dɛ jemɛ janjela lɔe. O ɛ banyoo, o bambile ɡe do kpeɡri, o jemɛ wobol dɛ do wer bonɔɔ ɡe. Asɛ Korowii ja o nɛ.”

Josua 6:27

Gɛɛ Korowii ja Josua nɛ dɛ ɡel o sɔn le harɛ la ta bwa.

We-ɛɛla 18:10

dɛkalkɛŋɔ n cheɡɛ he habɔɔ. N nɛra warɛ bwɛjen nɔ ta. Anomanta, mɛɛ che he mun taa, ásɛ nomɛlbwa bɛ won ɛɛ wobɛlbwa.”

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

1 Samoɛl 10:7

Gɛ waa nɔ bwa ɛo waa, Korowii ɛɛ ba ja he nɛɛ he ɛ waa waa dɛ nyin kɛ he ɛ.

1 Samoɛl 18:15

Kooro Sɔɔl aa naa kɛŋɔ o wobɛlbwa wer dɛɛ tɛo la, dɛ o dɛ ɔmɔ kɛrɛdɛ.

2 Koranar 18:7

Anomanta, Korowii ja o nɛ, asɛ wobɛlbwa waa ɛa la do wer. O ɛ Asiiria koojen dɔm, dɛ laa o te kpɔ o lɔɡa, dɛ ŋɔ waa on tomɛ kpa.

Yela 101:2

Mɛɛ dɛɛ nyiŋi n we-ɛɛla bini kɛrɛdɛɛ. Saŋ besoo he ba cha mɛ nɔ? Mɛɛ kpɔ bambidɛɛɡee so n dem,

Sitɔɔla 1:19

Korowii cha Juda dea tena ba pɔ deŋɡarere harɛ tena nɛ, kɛ ba ta wone doŋi bwɛɛre aa chɔ harɛ deŋɡarere aa wola toole a ta la te nɛ, dɛkalkɛŋɔ ba dɔ bune kwaa aa do kɛŋɔ torɔɡo ba vɔwɛ dɛɛ pɛl jaɡre la ane.

1 Samoɛl 3:19

Korowii ja Samoɛl nɛ o ba kpeɡ, dɛ ɡel o wobɛlbwa ɡe waa dɛ bol la ɛ kasinteŋ.

1 Samoɛl 19:8

Laa berɔ ba chole ja, asɛ Devid la dɛ ka yo Filisti tena la. O kpoo ba kɛrɛdɛ, ba kar bwa ɡe chwa kaa.

2 Samoɛl 5:10

Kooro Devid teŋɔ di kpeɡri kohona dɛkalkɛ dɛ Korowii waa ɛ Koronar Bwa Kooro ja o nɛ.

1 Webena 18:6

Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa, dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.

1 Webena 18:13

O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, dɛ ɡel o pɔ bobɛlbwa nɛra waa laŋa ka yo bwa nɛ.

2 Webena 17:3

Dɛ Korowii ja Kooro Jehosafat nɛ, dɛkalkɛ o teŋɛ waa o nabaa Kooro Devid fa aa ɛa la ta. O ta voɡ Baalre tomɛ.