1 Samoɛl 18:12 - mzwDBL

¹² Dɛ Kooro Sɔɔl dɛ ɔmɛ Devid dɛkalkɛŋɔ Korowii ɡelo dɛ ka ja Devid nɛ.

1 Samoɛl 18:12 ပူးပေါင်းရင်းမြစ်များ

1 Samoɛl 18:29

dɛ name kwaraa Kooro Sɔɔl ɛɛ ɔmɔ kohona. O kpɔ Devid ɛ o dɔm o soɡa bini bwa.

1 Samoɛl 18:15

Kooro Sɔɔl aa naa kɛŋɔ o wobɛlbwa wer dɛɛ tɛo la, dɛ o dɛ ɔmɔ kɛrɛdɛ.

1 Samoɛl 28:15

Samoɛl ŋɔ Kooro Sɔɔl be ŋɔ, “Ɛrɛɛ he ta ɡelɛ n chɔ jeih asɛ he yer mɛ le baŋ nɔɔ?” Anee Kooro Sɔɔl ŋɔ, “N bambile chɔɡɔ kohona. Filisti tena dɛ yoo mɛ, asɛ Korowii berɛ habɔɔ kpo mɛ. Waa Korowii keamere kɛɛ deera ta cheɡɛ dɛɛ chaŋ mɛ kpa. A waa mɛɛ yerɛ he baɡ mɛ ɡɛ maa ɛ.”

1 Samoɛl 16:18

Belaa bonɔɔna la bɛl chaŋe ŋɔ, “N na Jese bibaa bɛl, o lɔ Bɛtlɛham dɛ jemɛ janjela lɔe. O ɛ banyoo, o bambile ɡe do kpeɡri, o jemɛ wobol dɛ do wer bonɔɔ ɡe. Asɛ Korowii ja o nɛ.”

We-ɛɛla 24:25

Pɔɔl aa ba dɛ bol ŋɔ a chɛ kɛ nomɛlbwa ɡel o waa do kaih, dɛ ŋɔ a chɛ kɛ nomɛlbwa ɛɛ nyiŋi o te kɛrɛdɛ wechɔɡa ɛɛ ta, dɛ ŋɔ Korowii ɛɛ ba bol nɛra bwa waa dɛ́ pa bole la, Fɛlekse berɔ ɔmɛ dɛ ŋɔ o be ŋɔ, “Gel mɔɔ. Dɛɛ la. N baa dɔ bɔr ja aa, mɛɛ yerɛɛ.”

We-ɛɛla 7:9

Dɛ Jekɔb bii la aa ba nime Josef la waa nyin, dɛ kpɔ bɔweela yoɡu tɛ Ijipt tena, asɛ ba ka kpɔɔ ɛ ba yom. Dɛ Korowii teŋɛ Josef nɛ,

Amanesoma Luk Aa Chwera Tɔn 8:37

Yeesu aa ɛ ɡɛ la, nɛra baa le baah bela la soŋo ŋɔ ó le ba harɛ ta dɛ kaa, dɛkalkɛ dɛ ɔmee tenten chole ba nɛ, asɛ o jo ɡbera la bini dɛ kaa.

Amanesoma Mak Aa Chwera Tɔn 6:20

Kooro la ɔmɛ Jɔn, dɛkalkɛ Jɔn ɛ nɛndɛɛɡe o waa toɡre, anomanta, o nyiŋu kɛrɛdɛ. Jɔn aa dɛ bol waa la, kooro la bwara yɔrɔ, kɛ ane a bwa, o no waa la silɛɛ ne.

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Hosia 9:12

Ba loɡlɔ kwaraa naa, mɛɛ ɡeloo ba di biseo, beŋkpoŋ kwaraa aa wola ka. Dɛ n laa n te kpɔ ba nɛ aa, bá bwɛɛlɛ.

Yela 53:5

Belaa ba do ɔmee su ba bwa, kɛ dɛ a ta chɛ kɛŋɔ bá fe ɔmɛ. Korowii lɔ nɛra baa yo heyaa la hoɡa peɡre, he ɡelɔ sihiih kpo ba, dɛkalkɛ Korowii vɛɛh ba.

Yela 51:11

Bɛ men doŋi le he sie, kɛɛ dɛ́ laa he Doma kpɔ n nɛ.

1 Samoɛl 22:13

Anee Kooro Sɔɔl ŋɔ o be ŋɔ, “Ɛrɛɛ he ne Jese bibaa sɔh dɛɛ vɔrɔwe n vɔrɔwa, he tɛo kondikwa ne kere dɛ berɛ bɔɔ le Korowii be tɛo nɔɔ? A ɡelɔ o ɛɛ mɛ deŋnekpeɡ dɛɛ nyin mɛ dɛ́ kpo fini tɔpere.”

1 Samoɛl 18:20

Dɛ Kooro Sɔɔl bihaah bɛl ɡe baa dɛ yerɔ Mikal dɛ nyin Devid. Baa bol Kooro Sɔɔl be a waa la, o sie lɛo.

1 Samoɛl 16:4

Samoɛl ɛ ɡɛ Korowii aa baɡlo la bwa. Waa tel bwɛjen Bɛtlɛham la, bwɛɛ la nomonome ɔmɔ, dɛ kpɔ bochechela ka chemo dɛɛ bɔɔro ŋɔ, “Deŋnesɔɔhna nee he ba tenaa?”

1 Samoɛl 20:13

Dɛ n mɛɛ dɛ nyini dɛ́ kpoe naa, n ŋwɛɛrɔ kɛ dɛ n ta he be bolɛ dɛ ɡel he dɔ bɔr chwa aa, Kórowii tɛr n deŋne kohona. Korowiirii dɛ́ ja he nɛɛ ɡɛ waa ja he mɛɛ nɛɛ la.

Sitɔɔla 1:19

Korowii cha Juda dea tena ba pɔ deŋɡarere harɛ tena nɛ, kɛ ba ta wone doŋi bwɛɛre aa chɔ harɛ deŋɡarere aa wola toole a ta la te nɛ, dɛkalkɛŋɔ ba dɔ bune kwaa aa do kɛŋɔ torɔɡo ba vɔwɛ dɛɛ pɛl jaɡre la ane.

Sitɔɔla 16:20

Delaela yerɔ ŋɔ, “Samsen, Filisti tena la pui!” O ir dom ta dɛ lii kɛŋɔ, “Mɛɛ le busee ɡɛ n fa aa dɛ ɛ la, dɛ́ kpɔ n bokpeɡa lɛ n te.” Dɛ o ta jemɛ kɛ Korowii laa nɔn kpɔ o nɛ.

1 Samoɛl 3:19

Korowii ja Samoɛl nɛ o ba kpeɡ, dɛ ɡel o wobɛlbwa ɡe waa dɛ bol la ɛ kasinteŋ.

2 Samoɛl 5:10

Kooro Devid teŋɔ di kpeɡri kohona dɛkalkɛ dɛ Korowii waa ɛ Koronar Bwa Kooro ja o nɛ.

2 Webena 17:3

Dɛ Korowii ja Kooro Jehosafat nɛ, dɛkalkɛ o teŋɛ waa o nabaa Kooro Devid fa aa ɛa la ta. O ta voɡ Baalre tomɛ.