1 Samoɛl 18:10 - mzwDBL

¹⁰ Tɔ aa pera la, Korowii ɡelɔ kwaa ir Kooro Sɔɔl nɛɛ kpeɡri nɛ, o do dem dɛɛ bol waa kɛŋɔ choɡla te ken. Dɛ Devid ɡe soɡo dɛɛ lɔ o janjela kɛ wubwa la, anɔ te la dɛ Kooro Sɔɔl kpoŋe lampea.

1 Samoɛl 18:10 ပူးပေါင်းရင်းမြစ်များ

2 Tesalonika 2:11

Anomanta, o ɡelɔ nyosone o nyoa aa kpeɡa ɛɛ ba ba be dɛ ba tɔɔɡe ba sie, asɛ baa yarada waa aa ɛ nyosone,

1 Koranar 18:29

Ba teŋɔ soŋe ka tel kɛŋɔ webaŋa aa baa ɡarɛ, kɛ o ta ban chaŋɛ, ba ta wobɛlbwa ɡe noɛ.

1 Samoɛl 19:9

Kɛ Korowii ɡelɔ kwaa ir Kooro Sɔɔl nɛɛ kpeɡri nɛ, dɛ o soɡe o dem dɛ kpoŋe lampea. Dɛ Devid ɡe dɛ lɔ o janjela,

We-ɛɛla 16:16

Awola bɛl, ya dɛ la Korowii soŋebɔr moo nyoa bela dɛ ka na bitolo bɛl. Dɛ nɛra bane yomii, asɛ kwaa ɡe ɛɛ ir o nɛ, asɛ o yon dɛɛ voɡɛ. Dɛ o voɡa la ɡelɔ nɛra baa dɔɔ la ɛɛ dɔ suuɡa taeh.

1 Samoɛl 16:23

Le bela dɛɛ kaa la, saŋ bɛlbwa kwa aa ba ir Sɔɔl nɛɛ la, ɡɛɛ Devid yon kpɔ o janjela lɔ, asɛ a le o nɛɛ o bwara sɔɔhno.

Jeremia 28:11

asɛ dɛ che nɛra la bwa sie dɛ ŋɔ, “Korowii bolɔ ŋɔ, ɡɛɛ wɛɛ ba o kuuɡi Babelɔn kooro kpeɡri waa do kɛŋɔ daa ba yon kpɔ dawɛ nae nɛɛ aa parɛ, Babelɔn kooro kpɔ dawɛ harɛre nɛra baŋa ta la. Bene anɛ ne tela dɛ ɡɛ waa nɔ ɛo.” Ate, Jeremia le bela dɛ kaa.

1 Koranar 22:12

Dɛ ɡɛ tentenee keamere la bwa bol Korowii waa dɛɛ ŋɔ, “Ka yo Ramɔt Gelead tena, hɛɛ pɔ ba nɛɛ. Korowii ɛɛ ɡeloo he pɔ ba nɛ.”

1 Samoɛl 26:19

N naa kooro, no men maa ɛ he bonɔɔ waa maa dɛ bol. Dɛ Korowiirii ɡela he fome siwi pa n nɛ aa, mɛɛ kpɔ saraha kwaa tɛo. Kɛ dɛ nɛwɛnyinii dɛɛ ɛ aa, Korowii nyotaahna laɡ ba. Dɛkalkɛ, ba doŋ mɛ le Korowii be o harɛ ta, n ka do harɛfale baa dɛ tomɛ voɡa ɡbo o ta.

1 Samoɛl 18:9

Le awola dɛɛ kaa la, Kooro Sɔɔl pa mun fome siwi pa Devid nɛ dɛɛ weo bwara.

1 Samoɛl 19:7

Anomanta, Jonatan yerɛ Devid dɛ bol waa la bwa o be. O lawɔ ba Kooro Sɔɔl be asɛ o ne o so kɛ wubwa la.

Sitɔɔla 16:20

Delaela yerɔ ŋɔ, “Samsen, Filisti tena la pui!” O ir dom ta dɛ lii kɛŋɔ, “Mɛɛ le busee ɡɛ n fa aa dɛ ɛ la, dɛ́ kpɔ n bokpeɡa lɛ n te.” Dɛ o ta jemɛ kɛ Korowii laa nɔn kpɔ o nɛ.

1 Samoɛl 19:10

asɛ Kooro Sɔɔl fe ɛɛ nyin o yaɡɔ marɛ danjwɛɛ ta, asɛ o ke o te lampea la ka yaɡɛ danjwɛɛ la ta. Awola jwaana la, Devid chwao le dem bela.