1 Samoɛl 17:8 - mzwDBL

⁸ Goliat iro che, dɛ nyɛɡ Israel laa tena nɛɛ ŋɔ, “Ɛrɛɛ hé ba che bonɔ dɛɛ nyin kɛ hé ba yo yaa nɔɔ? Filisti te laa men asɛ he ɡe ɛ Kooro Sɔɔl bonɔɔna aa? Hé le nɛmbeŋkpoŋ, ásɛ o ba puu mɛ yo.

1 Samoɛl 17:8 ပူးပေါင်းရင်းမြစ်များ

1 Samoɛl 8:17

He peera ɡe la, wɛɛ bɔne a bini bɔre fii, dɛ́ kpɔ bɔrbeŋkpoŋ, ásɛ dɛ kpɔ heyaa berɛ o yoma.

1 Webena 21:3

Anee Joab chaŋe kooro ŋɔ, “N naa kooro, Korowii haa dɛ tomɔ la ɡel laa tena la warɛ bele lafa dɛ́ ɡwaa, ásɛ he na. N naa, he bonɔɔna laa ba bwa naa, aa ɡel ya harɛ nɔ tena bwa di bolchɔɡe aa?”

2 Samoɛl 11:11

Belaa o chaŋe kooro ŋɔ, “Korowii Ne Nɛwɛnyina Fɔo Daka la ne Israel tena, dɛ Juda tena bwa soɡe tɛnte deene bini, asɛ n nomoa Joab ne n dɔɔ kooro laa tena ɡe do laa ta dɛ baŋre ba tɛnte dɛ so kpɔɡ bini. Ɛrɛɛ mɛɛ ba wona kaa n dem dɛ́ ka di kwaa nyɔ sen lɛ n sie, dɛ́ lawɛ n haah chɔ ɔ? N ŋwɛɛ Korowii kɛ he taa lole nɔ, maa won ɛ ɡɛ waa nɔ!”

1 Samoɛl 17:26

Anee Devid bɔɔ nɛra baa cheɡɛ o jwɛɛh la ŋɔ, “Dɛ nomɛl wono kpo Filisti baa nɔ dɛ le Israel tena sihiih nɔ ta naa, bɔkwaa wɛɛ ba dɔe yɔ? Umee Filisti te nɔ waa wola Korowii tomɛ, dɛ ɡe won dɛɛ muɡli Korowii waa lole saŋ bɛlbwa laa tena baah nɔɔ?”

1 Samoɛl 17:23

Waa la ba be o ne baa bol waa la, Filisti tena kpeɡnɛn waa le Gat baa yerɔ Goliat la suuhno ba sie, dɛ kpɔ nyɛɡa dɛɛ muɡli ba baah, asɛ Devid no.