1 Samoɛl 17:52 - mzwDBL

⁵² Name, Israel ne Juda tena laa tena moo teŋɛ Filisti tena nɛ ka tel Gat ne Ekron doonyoo. Filisti tena la sewɔ chɔ perɛ le bwɛjen Saaraim ŋwɛnɛ ta dɛ kaa Gat ne Ekron.

1 Samoɛl 17:52 ပူးပေါင်းရင်းမြစ်များ

Josua 15:11

Jwɛh la nyoa berɔ ka fɛrɛ Ekron deŋɡare weekaŋle nyunduabɔr, dɛ berɛ chaɡɛ kaa Sekerɔn Bwejen dɛ ka ɡarɛ Baala Bwejen, dɛ kpoŋe kaa bwɛjen Jabneel. O nyoa kaa jaɡɛ Mɛdetereenea Mpo la nyoa.

2 Samoɛl 23:10

kɛ o cheɡɔ kiŋkiŋ, dɛ kpoo Filisti tena la ka tel kɛŋɔ o nɔn aa baa koh, dɛ sɔɔh waa wola won lawɛ kere kpa. Korowii ɡelɔ o pɔ ba nɛɛ kɛrɛdɛ awola. Laa tena la berɔ kaa bela Eliasa aa cheɡa, dɛ ka pa nɛra baa kpoo ba la dɔmkwa.

Sitɔɔla 7:23

Gedeɔn ɡelɔ ba yerɛ Naftale ne Aasa dɛ banɔ la baa le Manasɛ deene ta bwa, asɛ ba ti Midian tena la.

1 Samoɛl 17:53

Israel tena la aa ti Filisti tena la dɛ berɛ ba la, ba la bela baa baŋre ba tɛnte deene dɛ so la, dɛ ka pa ba laala.

1 Samoɛl 5:8

Anomanta, ba yerɛ Filisti koranar baa dɛ nyiŋi ba harɛre ta bwa cheme dɛ bɔɔ ba ŋɔ, “Ɛrɛɛ chɛ kɛ yá ɛ Korowii Israel tena aa dɛ tomɔ Ne Nɛwɛnyina Fɔo Daka nɔɔ?” Anee ba chaŋe ŋɔ, “Hé kpɔ kaa bwɛjen Gat ka cheɡ.” Gɛɛ a do ba kpɔ Korowii Israel tena aa dɛ tomɔ Fɔo Daka la le bela kaa.

1 Samoɛl 5:10

Ate, ba berɛ kpɔ Korowii Ne Nɛwɛnyina Fɔo Daka la kaa Ekron, dɛ o ɡe ɛ Filisti tena bwɛjena la bini bɛl. Bwɛjen la bini nɛra aa naa la, ba wio ŋɔ, “Ba kpɔ Israel tena Korowii baa dɛ tomɔ Ne Nɛwɛnyina Fɔo Daka la ba jo ya baah, dɛ́ ba kpoo yaa.”

1 Koranar 20:21

Israel Kooro Ahab teŋɔ dɛ ka lawɛ Siiria tena baa soɡe jaɡre ta ne torɔɡore baa vɔwa pɛl jaɡre dɛ kpoo ba kohona.