1 Samoɛl 17:51 - mzwDBL

⁵¹ Ate, Devid chwa kaa Goliat be, dɛ ka laa o kere pamɛ le o tɔɔ ta, dɛ teŋe o nyu. Filisti laa tena aa naa kɛŋɔ ba banyoo sewɔ la, ba berɔ, dɛ chwa kaa.

1 Samoɛl 17:51 ပူးပေါင်းရင်းမြစ်များ

Hibru 11:34

Ba wono che nijena baah ta dɛ sɔɔh a nyoa, a ta wone fuuh ba, dɛ won lɛ ba te nɛra baa kpoŋe tokobie dɛɛ nyin ba kpoora nɔn ta. Ba wono dɔ bokpeɡa ɡɛ saŋ baa ɡwɛɡra, dɛ won yo laa kɛrɛdɛ, dɛ won pɔ harɛre ane tena nɛɛ laa ta ba chwaaɡe.

1 Samoɛl 21:9

Sɔfo la chaŋo ŋɔ, “Goliat waa ɛ Filisti te he kpoo Ɛla Fɛlembɔjen bini la kere lɔ n be bonɔ. Ba kpɔ yal fɔrɔwo o tel sɔfo batakaarebora efɔd la habɔɔ. He dɛ nyin aa, he ka kpɔ. Kere bɛlbwa toole bonɔ ka ja o nɛɛ kpa.” Ate Devid ŋɔ, “Keredɛɛɡe toole bobɛlbwa, kpɔ tɛ mɛ.”

2 Samoɛl 23:21

O berɔ kpo Ijipt te bɛl ɡe dɛ o kpeɡo kɛrɛdɛ. A lole kɛŋɔ dɛ Ijipt te la kpoŋe lampea, kɛ Bɛnaya kpɔ o ɡuli la o be sibeɡra ne, dɛ ka to o lampea le o nɔn ta dɛ kpɔ kpoo.

Hibru 2:14

Nɛra Yeesu aa dɛ yer ba bechale la, baa ɛ nɛwɛnyina dɛ dɔ bwadabii ne chal nomanta la, o ɡbabir baa berɛ nɛwɛnyini dɛ do kɛ ban, dɛ dɔ bwadabii ne chal. O ɛ ɡɛ, ásɛ dɛ won che o seo waa dɛ ba sewa ta dɛ chɔɡ naate seo aa tɛo kpeɡri nɛra nɛɛ la. Onee Bɔnsam.

Ɛsta 7:10

Gɛɛ a do ba saɡɛ Heeman daa waa paa dɛɛ ba Mɔdekae o ta saɡa la, asɛ kooro baah sɔɔh tama.

1 Samoɛl 17:50

Gɛɛ a do, Devid kpo Goliat vamtor bwe ne, dɛ kere ne laa.

1 Samoɛl 21:10

Awola tɔpere la, Devid chwao le Kooro Sɔɔl be dɛ kaa bwɛjen Gat Kooro Akis be.

1 Samoɛl 31:9

Ba teŋe Kooro Sɔɔl nyu dɛ pa o dɔmkwa, asɛ dɛ do toroma Filisti harɛ la ta bwa ŋɔ bá ka bol amanesoma nɔ ba voɡa deene ne nɛra bwa be.

2 Samoɛl 4:7

Gɛ saŋ baa lɔ dea la bini la, dɛ Esbɔsɛt chɔ mpa ta. Baa tɔɡɔ o sewɛ tonɛ la, ba teŋe o nyu. Ba kpɔɔ valɛ awola jwaana la bwa Jɔɔdan Fɛlembɔjen bini dɛ kaa.