1 Samoɛl 17:4 - mzwDBL

⁴ Dɛ Filisti tena banyoo bɛl sɔne Goliat, o le Gat. O jaŋne ɡwaa naɡale anuanaarɛ, o le bela Filisti tena aa baŋre ba tɛnte deene la bini ba che.

1 Samoɛl 17:4 ပူးပေါင်းရင်းမြစ်များ

1 Webena 11:23

O berɔ kpo Ijipt te bɛl ɡe, dɛ o kpeɡo kɛrɛdɛ, o jaŋne ɛɛ ɛ naɡale anuanɛ ne tamaa. A lole kɛŋɔ dɛ Ijipt te la kpoŋe lampeajen, kɛ Bɛnaya kpɔ o ɡuli la o be sibeɡra ne, dɛ ka to o lampea le o nɔn ta, dɛ kpɔ kpoo.

Emɔs 2:9

Israel tena siwi taa n chɔɡ Amɔre tena kwaraa, dɛ ba kpekpeɡo ba bwara do kpeɡri, kɛŋɔ peleme daa ne dajena ken, asɛ n chɔɡ a nɔna ne a lune.

Mmarare 3:11

Dɛ Kooro Ɔɡ ɡboo fa baa ka Refa tena baa kpeɡa la bini. Bunii ba kpɔ ɛ o mpa, dɛ o jaŋne ɛ naɡale fi dɛ atoro ne tama, o paɡri ɡe ɛ naɡale anumɛl. Mpa la ta lɔ Amɔn tena bwɛɛ Raba la ta, dɛ ba le fini.”

Josua 11:22

A ɡɛ Anak tena nɔ bɛlbwa ta Israel harɛ ta kae. Nemenɛ bwɛjena ane baa dɛ yera Gasa ne Gat dɛ Asdɔdee tamaa bane ka.

1 Samoɛl 17:23

Waa la ba be o ne baa bol waa la, Filisti tena kpeɡnɛn waa le Gat baa yerɔ Goliat la suuhno ba sie, dɛ kpɔ nyɛɡa dɛɛ muɡli ba baah, asɛ Devid no.

1 Samoɛl 17:3

Filisti tena la cheɡɛ deŋɡare bɛl ta baŋ bɛl, asɛ Israel tena ɡe che bɛl ta, fɛlembɔjen la chɔ ba baah ta.

1 Samoɛl 17:5

Ayaawaa ba kpɔ ɛ o ɡbɛrɛ, o laa batakaare ɡe ɛ ayaawa, a tɔɡre lɔ suuɡapoŋa kaɡboŋa anue.

1 Samoɛl 27:4

Baa bol Kooro Sɔɔl be kɛ Devid chwao ka so Gat la, o ta o bɔr ɡaaɡɛ kpa.