1 Samoɛl 17:20 - mzwDBL

²⁰ Tɔ aa pera chɔmbibi la, Devid ɡel peera la tɛ peteɡre bɛl, dɛ kpɔ o bone chiɡ ŋwɛnɛ ta kaa, ɡɛ o mɛɛ aa ŋɔa la. Waa tel bela baa soɡa la, dɛ laa tena la ɡe deno le dɛɛ kaa bela baa dɛ la ka yo laa la, dɛɛ dooɡe laa lɔŋɔre.

1 Samoɛl 17:20 ပူးပေါင်းရင်းမြစ်များ

Amanesoma Luk Aa Chwera Tɔn 19:43

Tɔpere bɛl ɛɛ bao ásɛ he dɔma ba ma danjwɛɛ bar he bwɛɛ nɔ, dɛ́ tɔ heyaa do haa wola won le.

1 Samoɛl 26:5

Ate, Devid kpɔ o te warane, dɛ kaa bela Kooro Sɔɔl ne Nɛr bibaa Abna waa ɛ Kooro Sɔɔl laa tena nomoa aa chɔa. Dɛ Kooro Sɔɔl chɔ tɛnte dea bini bela baa baŋre ba tɛnte deene la baah ta, asɛ laa tena chɔ ane bini, dɛ baro.

1 Samoɛl 26:7

Anomanta, Devid ne Abisae la Kooro Sɔɔl ne o laa tena be jwaana, dɛ Kooro Sɔɔl chɔ dom bela baa soɡa la baah ta, asɛ lampea pa o nyu bɔr pera. Asɛ Abna ne laa tena la ɡe chɔ baro.

1 Samoɛl 17:28

Devid dɔɔ nomoa Eliab aa noa kɛŋɔ Devid ne baala la dɛ bol waa la, o baah di o nɛ, dɛ bɔɔro ŋɔ, “Bɔkwaa hɛɛ nyin bonɔ nɔ? Umee he kpɔ peera la kabora ja pua hɛŋle ɡbo harɛ ta bela wɛɛ nyiŋi a ta nɔ? N jemɛ ɡɛ haa dɛ ɡɔɔ he te, ne ɡɛ he bambile aa kpeɡa, he balɔ dɛ́ ba nyiŋi laa nɔ.”

1 Samoɛl 17:19

Ba ne Kooro Sɔɔl ne laa tena la bwa lɔ Ɛla Fɛlembɔjen la bini, ba ne Filisti tena ɛɛ yo.”

1 Samoɛl 17:21

Israel laa tena la kaa che, asɛ Filisti laa tena ɡe ka che ba bɔr, ba bwa sie chaɡɛ dɔŋa.

Josua 3:1

Ate, tɔ aa pera chɔmbibi la, Josua ne Israel tena la le Sitim dɛ ka so Jɔɔdan Moo nyoa tama mɔɔ dɛ ɛɡɛ le o baŋ.

1 Samoɛl 15:12

Tɔ aa pera chɔmbibi la, Samoɛl iro la ka ɡaaɡe Kooro Sɔɔl bɔr, asɛ ba ŋɔ o be ŋɔ, “Ó kaa Kaamɛl. Asɛ o ma kon cheɡ bela o sɔn ta, dɛ kpɔ dɛɛ lii laa waa yoa dɛ pɔ nɛra nɛɛ la wa, dɛ berɛ kaa Gelɡal.”