1 Samoɛl 16:14 - mzwDBL

¹⁴ Dɛ Korowii Doma la le Kooro Sɔɔl nɛ, asɛ o ɡel kwaa ir o nɛɛ dɛ ɡel o bwara ɛɛ nyɛɡ.

1 Samoɛl 16:14 ပူးပေါင်းရင်းမြစ်များ

Yela 51:11

Bɛ men doŋi le he sie, kɛɛ dɛ́ laa he Doma kpɔ n nɛ.

1 Samoɛl 18:12

Dɛ Kooro Sɔɔl dɛ ɔmɛ Devid dɛkalkɛŋɔ Korowii ɡelo dɛ ka ja Devid nɛ.

1 Samoɛl 28:15

Samoɛl ŋɔ Kooro Sɔɔl be ŋɔ, “Ɛrɛɛ he ta ɡelɛ n chɔ jeih asɛ he yer mɛ le baŋ nɔɔ?” Anee Kooro Sɔɔl ŋɔ, “N bambile chɔɡɔ kohona. Filisti tena dɛ yoo mɛ, asɛ Korowii berɛ habɔɔ kpo mɛ. Waa Korowii keamere kɛɛ deera ta cheɡɛ dɛɛ chaŋ mɛ kpa. A waa mɛɛ yerɛ he baɡ mɛ ɡɛ maa ɛ.”

Sitɔɔla 16:20

Delaela yerɔ ŋɔ, “Samsen, Filisti tena la pui!” O ir dom ta dɛ lii kɛŋɔ, “Mɛɛ le busee ɡɛ n fa aa dɛ ɛ la, dɛ́ kpɔ n bokpeɡa lɛ n te.” Dɛ o ta jemɛ kɛ Korowii laa nɔn kpɔ o nɛ.

Sitɔɔla 9:23

Korowii kpɔ waa ba ta Abemɛlɛk ne Sɛkem tena baah ta, asɛ ba leo tɛ.

1 Samoɛl 18:10

Tɔ aa pera la, Korowii ɡelɔ kwaa ir Kooro Sɔɔl nɛɛ kpeɡri nɛ, o do dem dɛɛ bol waa kɛŋɔ choɡla te ken. Dɛ Devid ɡe soɡo dɛɛ lɔ o janjela kɛ wubwa la, anɔ te la dɛ Kooro Sɔɔl kpoŋe lampea.

Hosia 9:12

Ba loɡlɔ kwaraa naa, mɛɛ ɡeloo ba di biseo, beŋkpoŋ kwaraa aa wola ka. Dɛ n laa n te kpɔ ba nɛ aa, bá bwɛɛlɛ.

1 Koranar 22:22

Asɛ Korowii chaŋe ŋɔ, ‘Ŋwɛnɛ besoo taa hɛɛ ba kpɔe neɡro wɔ?’ Asɛ doma la ŋɔ, ‘Mɛɛ ɡeloo Korowii keamere baa dɛ tomɛ Kooro Ahab neɡro.’ Asɛ Korowii ŋɔ, ‘Kaa dɛ́ ka ɛ ɡɛ.’ ”

1 Samoɛl 11:6

Sɔɔl aa no waa nɔ la, Korowii Doma baa so o nɛɛ kpeɡri nɛ, asɛ o baah di kohona.

Sitɔɔla 16:29

Anomanta, o suuhno bɛne baah ta pilare anɛ aa lawɛ dea la kpoŋe la. O kpɔ nɔndiɡ lawɛ bɛl asɛ dɛ kpɔ nɔŋɡal lawɛ nɛɛte, dɛ kpɔ o bokpeɡa bwa ta a ta

1 Samoɛl 16:15

Kooro Sɔɔl bonɔɔna la ŋɔ o be ŋɔ, “Na ɡɛ kwaa aa ir he nɛɛ dɛɛ doe bonyɛɡa ta ɡɛ.

1 Samoɛl 16:16

Ya naa kooro, tomɛ bonɔɔna bá ka nyin nɛn waa jemɛ janjela lɔe. O baa lɔ, ásɛ dɛ kwaa ir he nɛɛ aa, he bwara ɛɛ sɔɔhnee.”

1 Samoɛl 16:23

Le bela dɛɛ kaa la, saŋ bɛlbwa kwa aa ba ir Sɔɔl nɛɛ la, ɡɛɛ Devid yon kpɔ o janjela lɔ, asɛ a le o nɛɛ o bwara sɔɔhno.

2 Samoɛl 7:15

Maa n nyinaa laa kpɔ o nɛ, kɛŋɔ maa le Kooro Sɔɔl ne dɛ ɡel he ba chiɡ o naa ta di kora la.

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.