1 Samoɛl 16:12 - mzwDBL

¹² Anomanta, o ɡelɔ ba ka yerɔ ba. O mao dɛ do wer bonɔɔ, o siwinyiŋi ɡe do wer kɛrɛdɛ. Anee Korowii ŋɔ, “Ir dɛ́ fuɡe noo do o nyu ta, onee ɛ nɛn maa leo.”

1 Samoɛl 16:12 ပူးပေါင်းရင်းမြစ်များ

Wiile 4:7

Jerusalam sitɔɔla waa fa do chasee kɛŋɔ yabi aa toa ken. Ba fa dɔ bwadabii dɛ dɔ bokpeɡa, dɛ je ɡe kohona.

Yelsom 5:10

N sɛnodɛɛɡe la wer bonɔɔ kɛrɛdɛ, o bwara ɡe do kpeɡri, o dɔŋ toole baala kaɡboŋa fi bini.

We-ɛɛla 7:20

A ɡɛ saŋ nɔɔ ba lolɛ Mosis. Dɛ o wer bonɔɔ kɛrɛdɛ. O nya nyiŋi o nɛɛ korobie atoro mɔɔ dɛ kpɔɔ ka ta.

We-ɛɛla 4:27

Kpela ɡe, Hɛrɔd, ne Pɔnteɔs Paelet ne nɛra baa wola Juu tena ɛɛ, ne Israel tena bwa cheme bwɛjen nɔ ta. Ba yo Yeesu, he ɡbaɡba bonɔɔ waa wola wechɔɡe bɛlbwa dɔe la. Onee he ɛ he Kristo la.

1 Samoɛl 17:42

Waa na Devid la, o nyiŋu vah, dɛ na kɛ o jeɡa o siwi ta dɛ do wer bonɔɔ.

1 Samoɛl 9:17

Samoɛl siwi aa dena dawɛ Sɔɔl nɛɛ la, Korowii ŋɔ o be ŋɔ, “Baa la maa bol o waa he be laanee la, onee dɛ́ ba nyiŋi n nɛra nɛ.”

Mumpar 39:6

Pɔtefa kpɔ komɛlbwa do o nɔn ta dɛ laa liire kpɔ a ta. Kwaa waa dɛ lii a waa kondikwa waa di ɡbo. Dɛ Josef mao kɛrɛdɛ dɛ do wer bonɔɔ ɡe.

Hibru 11:23

Mosis nya ne o mɛɛ aa lolɔ la, ba kpɔɔ sɔh korobie atoro, dɛkalkɛŋɔ ba nao kɛŋɔ o wer bonɔɔ o bwara do kpeɡri. Ba ta Ijipt kooro mmara waa doa la ɔmɛ. Baa dɛ yarada Korowii waa ba won ɛ ɡɛ.

Yela 2:6

“N cheɡ n kooro n deŋɡare waa do ɡoroŋ Saayɔn ta.”

Yela 2:2

Ba koranar kpɔ ba te, dɛ ir che dɛɛ vɔrɔwe Korowii ne o kooro waa leo la vɔrɔwa.

Kaala 2:2

asɛ o haah la kpoŋe tea dɛ lolɛ bibaa. Haah la aa naa kɛ bie la wer kohona la, o kpɔɔ sɔh korobie atoro.

1 Samoɛl 17:55

Gɛ saŋ Kooro Sɔɔl aa nyiŋi Devid o le dɛɛ la ka yo Goliat la, o bɔɔ Abna waa ɛ laa sitɔɔ la ŋɔ, “Ume bie bonɔɔ nɔɔ?” Ate, Abna chaŋe ŋɔ, “N dɔɔ, maa o wobɛlbwa jemɛ.”

2 Samoɛl 7:8

N bonɔɔ Devid, peeraa he teɡɛ dɛɛ la ane dibɔr n ka lawɛ dɛ ba cheɡe kora ta n nɛra Israel tena nɛ.

2 Samoɛl 23:1

Jese bibaa Kooro Devid ɛ nomɛl Nemenɛ Korowii aa ɛo nɛnjen. Korowii Jekɔb aa tomɔ laanee leo cheɡ tɛ o te, asɛ o ɛ yelɡoɡoo Israel harɛ ta. Waa Kooro Devid aa ka mun bol laanee nɔ,

1 Koranar 1:34

Hé tel Gehɔn bela aa, hé ɡel sɔfo Sadɔk ne Korowii keame Netan fuɡe noo do Solomɔn nyu ta, dɛ́ cheɡo Israel harɛ bwa kooro. Hé ɡel nomɛl hoh bɛla ásɛ hɛɛ moo ŋɔ, ‘Korowii tɛ Kooro Solomɔn mkpajaŋ!’

Yela 78:70

O le o bonɔɔ Devid ɡɛ saŋ waa dɛ nyiŋi peera nɛɛ kpɔɡ bini,

Sekaria 4:14

Ate o ŋɔ, “Kpala anɛ nɔɔ cheɡa tɛ baala banɛ, Korowii waa ɛ harɛ nɔ bwa Dɔɔ aa lee ba, dɛ fuɡe noo do ba nyuune ta baa tomɔ la.”

1 Samoɛl 16:18

Belaa bonɔɔna la bɛl chaŋe ŋɔ, “N na Jese bibaa bɛl, o lɔ Bɛtlɛham dɛ jemɛ janjela lɔe. O ɛ banyoo, o bambile ɡe do kpeɡri, o jemɛ wobol dɛ do wer bonɔɔ ɡe. Asɛ Korowii ja o nɛ.”