1 Samoɛl 16:1 - mzwDBL

¹ Awola bɛl, Korowii ŋɔ Samoɛl be ŋɔ, “Saŋ besoo hɛɛ nyin he wi Sɔɔl ka tel, dɛ́ le vɛɛh maa vɛoh kɛ Israel kooro nɔɔ? Do noo pebal nyeɡle ta, ásɛ dɛ chiɡ ŋwɛnɛ ta ń tomɛ Jese be Bɛtlɛham. N le o bibaala la bini bɛl dɛ cheɡo kooro tɛ Israel tena.”

1 Samoɛl 16:1 ပူးပေါင်းရင်းမြစ်များ

1 Koranar 8:16

‘Le awola tɔpere maa kpɔ n nɛra Israel tena le Ijipt harɛ ta la, n ta ŋɔe bá do Dea n sɔn ta Israel harɛ bwɛjen bɛlbwa ta dɛɛ tom mɛ bela. Kɛ n le hen Kooro Devid ŋɔ hɛɛ nyiŋi n nɛra Israel tena nɛ.’ ”

2 Koranar 9:1

Awola bɛl, Korowii keame Elaesa yerɛ Korowii keamere bane baa pɛa dɛɛ valɛ la bɛl dɛ ŋɔ o be ŋɔ, “Gbaa he batakaare kaa nyundua dɛ́ vɔwɛ kiriso, dɛ́ kpɔ noo nɔ aa lɔ loŋ nɔ bini nɔ la Ramɔt waa lɔ Gelead harɛ ta.

2 Koranar 9:3

dɛ́ fuɡe noo la do o nyu ta dɛ́ ŋɔ, ‘On Korowiirii fuɡe noo dɛɛ do he nyu ta, dɛɛ cheɡe kora Israel harɛ ta.’ ” Ásɛ he ya ɡbera, dɛ chwa le warane, dɛɛ berɛ cheɡa.

2 Koranar 9:6

Asɛ Jehu ir o ne o jo dea, Korowii keame la ka fuɡe noo la do o nyu ta dɛ ŋɔ, “Korowii Israel tena aa dɛ tomɔ la ŋɔ, ‘Men Korowiirii fuɡe noo do he nyu ta, dɛɛ cheɡe kora ta n nɛra Israel tena nɛ.

1 Webena 11:3

Anomanta, Israel nomonome la bwa ba Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ ta, ɡɛ Korowii aa cheɡɛ Samoɛl nɛɛ dɛ bol la.

1 Webena 28:4

Kɛ ane a bwa, Korowii Israel tena aa dɛ tomɔ le n ne n naanar kɛ, yá ɛ Israel harɛ koranar saŋ bɛlbwa dɛɛ la. O le nomoa le Juda dea tena bini, dɛ le nomoa le n mɛɛ wa luɡe waa le Juda. N mɛɛ bibaala bwa bini ɡe menee o bambile lawɛ, dɛ cheɡ mɛ kora Israel harɛ bwa.

Aesaya 11:1

Kooro bɛl ɛɛ le Jese bie Devid luɡe taa dɛ́ ba, kɛŋɔ daa yon pamɛ le o muŋkpul ta, dɛ dɔ kpala dɛ nɔnɛ la.

Aesaya 11:10

Awola tɔpere la, Jese naa waa dɛ ba bala la ɛɛ cheo tɛ harɛre nɛra bwa kɛŋɔ fraŋkaa, ba bwa ɛɛ ba cheme o siee bela waa lole la, dɛ́ kpɔ jirima tɛo.

Aesaya 55:4

Menee ɛo harɛre nɛra sitɔɔ ne nomoa, ásɛ a che o nɛɛ ń baɡle n kpeɡri.

Jeremia 11:14

Jeremia, bɛ nɛra nɔ naa ta che soŋe le n be tɛɛ ba, dɛkalkɛ ba wio yer mɛ ba sibeɡre wee ta naa, maa ba bee no.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 6:30

Baa dɛɛ yerɛ n nɛra sɔnee ŋɔ suuɡapoŋa aa wola tɔnɔ dɔe, dɛkalkɛŋɔ n vɛɛh ba. Men Korowiirii bola.”

Jeremia 7:16

Belaa Korowii ŋɔ, “Jeremia, bɛ wobɛlbwa soŋe tɛ nɛra nɔ, dɛɛ berɛ ba naa ta cheɡa soŋe ba wechɔɡa n be tɛɛ ba. Dɛkalkɛ maa he bee no.

Sekaria 4:14

Ate o ŋɔ, “Kpala anɛ nɔɔ cheɡa tɛ baala banɛ, Korowii waa ɛ harɛ nɔ bwa Dɔɔ aa lee ba, dɛ fuɡe noo do ba nyuune ta baa tomɔ la.”

Tɔn Pɔɔl Aa Chwerɛ Rom Tena 15:12

Asɛ Aesaya ɡe bol ja, dɛ ŋɔ, “Jese naa bɛl ɛɛ bao. On dɛ́ ir dɛ́ di kora nɛra baa wola Israel tena ɛɛ nɛ. O nɛɛ baa ba hwɛɡa dɔe.”

Hibru 11:32

Too, ń baɡle ane ja aa? Maa bɔree dɔ baɡle Gedeɔn, ne Barak, ne Samsen, ne Jɛfta, ne Devid, ne Samoɛl, dɛ Korowii keamere la bwa wa.

1 Jɔn 5:16

Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.

1 Samoɛl 10:1

Belaa Samoɛl kpɔ ɔleve noo loŋbir dɛ fuɡe do Sɔɔl nyu ta, dɛ ɡbaaro pɛl bambile dɛ ŋɔ, “Korowii lee he ɛ o nɛra Israel tena sitɔɔ. Hɛɛ nyiŋi ba nɛɛ, dɛ́ lɛɛ ba le ba dɔma baa bar ba cheme nɔn ta. Anee dɛ́ baɡle kɛŋɔ Korowii lee he ɛ o nɛra Israel sitɔɔ.

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.

1 Samoɛl 15:23

Dɛ he ɛ Korowii deŋnekpeɡ aa, a do kɛŋɔ haa dɛ tomɛ voɡa ken, bambikpeɡ ɡe do kɛŋɔ voɡa toma. Haa vɛh Korowii waa la nomanta, o ɡe vɛɛh kooro.”

1 Samoɛl 15:26

Asɛ Samoɛl ŋɔ o be ŋɔ, “N ne haa berɛ kaa. He vɛh waa Korowii aa bola he be, asɛ o vɛɛh kɛŋɔ he ɛ kooro Israel tena nɛ.”

1 Samoɛl 15:35

Samoɛl ta Kooro Sɔɔl nae kpa, dɛ ka tel o serewe wee. Dɛ o wio dɛɛ tɛo te. A we Korowii nɛɛ kɛ waa cheɡo kora Israel.

1 Samoɛl 16:15

Kooro Sɔɔl bonɔɔna la ŋɔ o be ŋɔ, “Na ɡɛ kwaa aa ir he nɛɛ dɛɛ doe bonyɛɡa ta ɡɛ.

1 Samoɛl 16:23

Le bela dɛɛ kaa la, saŋ bɛlbwa kwa aa ba ir Sɔɔl nɛɛ la, ɡɛɛ Devid yon kpɔ o janjela lɔ, asɛ a le o nɛɛ o bwara sɔɔhno.

1 Samoɛl 17:12

Devid mɛɛ sɔne Jese. O le Efrat waa lɔ Bɛtlɛham, Juda harɛ ta. Jese bibaala lɔ banuatoro. Gɛ saŋ Kooro Sɔɔl aa di kora Israel la, dɛ o hwɛɛhrɔ kɛrɛdɛ.

1 Samoɛl 9:16

“Kere saŋ nɔ bɔr, mɛɛ tomɛ baa bɛlee le Bɛnjamen dea harɛ taa he be. O balaa, fuɡe noo do o nyu ta, dɛ́ ɛo n nɛra Israel tena sitɔɔ. Onee dɛ́ ba lɛɛ baa le Filisti tena nɔn ta. N na wenaale baa lɔ a ta, ba wii ɡe tel n be.”