1 Samoɛl 15:9 - mzwDBL

⁹ Kooro Sɔɔl ne o laa tena la ɡel Kooro Aɡaɡ ne o peera ne nae ne nabali aa wera kohona, ne pebali ne nae bii dɛ koŋkwaa aa wera la te bwa. Kwaa aa wera dɛ dɔ tɔnɔ la te, ba ɡela, kɛ anɔ la aa wola were la, ba chɔɡa.

1 Samoɛl 15:9 ပူးပေါင်းရင်းမြစ်များ

2 Samoɛl 6:13

Baala baa cheɡɛ Daka la aa ta naɡale anumɛl la, Kooro ɡelɔ ba che asɛ o kpo nabal dɛ nao bie waa do noo kohona, dɛ ɛ saraha tɛ Korowii.

1 Koranar 20:34

Kooro Bɛn Hadad ŋɔ Kooro Ahab be ŋɔ, “Mɛɛ berɛ bwɛjena n mɛɛ aa lɛa le he mɛɛ be laanee tɛɛ, ásɛ he ɛ he ɡbaɡba bonadibɔra Damaskɔs, ɡɛ n mɛɛ aa ɛa Samaria la.” Asɛ Kooro Ahab ŋɔ, “Dɛ he ɡelɔ ya fɔwɛ ɡɛ fɔo aa, mɛɛ kpɔe ta he kaa.” Anomanta, o ne o fɔwɛ fɔo asɛ o tao ŋwɛnɛ o kaa.

Matiu 26:9

O fe yoɡ nosɔɔhsoma nɔ naa, o fe aa suuɡaa dɔ a warɛ ó kpɔ tɛ nyaaraa?”

Josua 6:18

Hé laa nɔn kpɔ kwaa haa lea cheɡ tɛ Korowii la ta, ásɛ a bɛ heyaa bichɔɡe ba lolɛ. Dɛ ɡɛ laa aa, chɔɡa tentenee he nyin baa dawɛ he Israel tena nɛɛ bela haa baŋre he tɛnte deene la.

Josua 7:21

Laa la ta la, n na batakaaredɛɛɡe bɛl Babelɔn tena aa sɔɔh, suuɡapoŋa lafraanɛ ne suuɡaswɛm bwe o tɔɡre aa ɛ suuɡapoŋa fifraanue del, asɛ n pɛla lawa kohona n kpɔ. N kpɔ suuɡaswɛm la ne batakaare la ka huɡe harɛ n tɛnte dea bini, asɛ suuɡapoŋa la do mun ta.”

1 Samoɛl 15:10

Anee Korowii ŋɔ Samoɛl be ŋɔ,

1 Samoɛl 15:15

Anee Kooro Sɔɔl chaŋe ŋɔ, “Laa tena laanee le ane Amalɛk tena be ba. Ba ɡel peera aa wera kohona ne nae, dɛ́ ba kpoora ɛ saraha tɛ Korowii haa dɛ tomɔ la. Kɛ kwaa aa wola were la te, ba kpoo a bwa sekwaraa.”

1 Samoɛl 15:19

Ɛrɛɛ haa wola Korowii waa noɔ? Ɛrɛɛ he la ka kam kwaa baa paa laa ta dɛ ɛ wechɔɡa Korowii sie ken?”

1 Samoɛl 15:3

Hé kaa taraken dɛ́ ka yo Amalɛk tena la, dɛ́ chɔɡ kwaa baa dɔa bwa kwaraa. He bɛ ba sum na, hé kpoo baala ne haahna, ne bechale ne bechasɔɔhne, ne nae ne peera dɛ ba nyoɡmare ne keeɡore bwa.’ ”

1 Samoɛl 28:18

Haa wola waa Korowii aa doe a ta teŋɛ, he ta Amalɛk tena yoi dɛ kpoo ba kɛrɛdɛ la, a waa Korowii kpɔ waa nɔ ba ta he nɛɛ taraken la.