1 Samoɛl 15:2 - mzwDBL

² Nemenɛ Korowii ŋɔ, ‘Mɛɛ tɛr Amalɛk tena deŋnee, dɛkalkɛŋɔ ba naawa teŋe Israel tena ŋwɛnɛ, ɡɛ saŋ baa le Ijipt dɛɛ ba la.

1 Samoɛl 15:2 ပူးပေါင်းရင်းမြစ်များ

Nɛra Kura 24:20

Balam na Amalɛk tena wa chaahna ta dɛ bol ŋɔ, “Amalɛk tenaa fa kpeɡa harɛre bwa bini, kɛ a habɔɔ wɛɛ ba paɡroo kwara.”

Hosia 7:2

Baa lii kɛŋɔ n jemɛ ba wechɔɡa baa dɛ ɛ la bwa. Ba wechɔɡa ɡwaa ba nɛ, a bwa chɔ n sie.

Emɔs 8:7

Korowii Israel tena aa dɛ tomɔ la ŋwɛɛrɔ ŋɔ, “Maa ba waa baa ɛa bɛlbwaa soh bwa.

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Mumpar 36:12

Esɔ bibaa Elifas berɔ dɔ sɛno bɛl baa yerɔ Timna, asɛ dɛ lolɛ Amalɛk. Banɔ bwa ɛ Esɔ haah Ada naanar.

Yela 83:7

ne Gebal ne Amɔn ne Amalɛk, ne Filisti dɛ Taaya tena.