1 Samoɛl 14:6 - mzwDBL

⁶ Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”

1 Samoɛl 14:6 ပူးပေါင်းရင်းမြစ်များ

Matiu 19:26

Yeesu ha sie nyiŋ ba dɛ ŋɔ, “Nɛwɛnyini bee a do kpeɡri, kɛ Korowii be te, wobɛlbwa aa kpeɡe.”

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

Jeremia 9:26

Banee Ijipt ne Juda ne Edom ne Amɔn ne Moab tena, dɛ nɛra baa lɔ pua hɛŋle ɡbo harɛ ta, dɛ do bojaŋ harɛre ta la. Dɛkalkɛ a ɡɛ harɛre nɔ nɛra ne Israel tena ta n waa kpɔe do ba bambile bini.”

2 Samoɛl 16:12

Korowii ken ɛɛ na n suna maa dɛ di nɔɔ, dɛ́ kpɔ wedɛɛɡa ba chiɡ taahna aa dɛ ba n nɛɛ fini nɔ naa ta.”

Sefania 2:3

He nɛra haa pwɛr he te dɛ do harɛ nɔ ta, hé charɛ he liire dɛɛ no Korowii wa. Hé ɡel he waa toɡre, dɛ́ ba he te ne harɛ o sie, o ken ɛɛ lɛ heyaa, waa wola he deŋnee tɛr kpa, awola o bwaawee aa ir nɛra nɛɛ la.

Emɔs 5:15

Hé hah wechɔɡa, dɛ́ nyin wedɛɛɡa, hé ɡel kasinteŋ ɛɛ ɛ toma kɔɔto deene. Nemenɛ Korowii ken ɛɛ sune Josef dea nɛra baa kaa nɛɛ.”

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

2 Koranar 19:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa, anomanta, soŋe Korowii tɛ ya nɛra ya taa kaa nɔ.”

2 Samoɛl 1:20

He bɛ an bol bwɛjena Gat tena be, kɛɛ Askɛlɔn fɔɡbaahna. He bɛ ɡel Filisti haahna no ba sie lɛ, á ba ɛ kɛŋɔ nɛra baa wola Korowii tomɛ bihaahna sie ɛɛ lɛo.

1 Samoɛl 17:36

Gɛ Korowii aa ɡela he bonɔɔ won kpo nyujente ne sisire kwaraa la, ɡɛɛ mɛɛ ba Filisti te waa wola Korowii tomɛ nɔ ɡe ɛɛ, dɛkalkɛŋɔ o ɛ Korowii waa lole saŋ bɛlbwa la sisawa.

1 Samoɛl 17:26

Anee Devid bɔɔ nɛra baa cheɡɛ o jwɛɛh la ŋɔ, “Dɛ nomɛl wono kpo Filisti baa nɔ dɛ le Israel tena sihiih nɔ ta naa, bɔkwaa wɛɛ ba dɔe yɔ? Umee Filisti te nɔ waa wola Korowii tomɛ, dɛ ɡe won dɛɛ muɡli Korowii waa lole saŋ bɛlbwa laa tena baah nɔɔ?”

Sitɔɔla 15:18

Dɛ nyɔɡre dɛ kpoo kohona, anomanta, o wio no Korowii ŋɔ, “N Naa Korowii, henee tɛ men maa ɛ he bonɔɔ kpeɡri n won ɛ wejena nɔ dɔŋ dɛ pɔ n dɔma nɛ, asɛ nyɔɡre ɛɛ kpo mɛ. Ń sewɛ voɡtoroma nɔ nɔn ta naa?”

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

1 Samoɛl 14:5

Bwe la beŋkpoŋ cheɡɛ ŋwɛnɛ la weekaŋle nyunduabɔr o sie chaɡɛ Mikmas, asɛ nɛɛte la ɡe che weekaŋle harɛbɔr, o sie chaɡɛ Geba.

1 Samoɛl 14:7

O bonɔɔ la ŋɔ, “Ɛ ɡɛ bwa haa dɛ nyin he ɛ, n cheɡɛ he habɔɔ kiŋkiŋ ken.”

1 Samoɛl 17:46

Fini tɔpere nɔ, Korowii ɛɛ kpɔe do n nɔn taa, ásɛ n kpoe dɛ́ teŋe he nyu. Ásɛ jumbii ne kpɔɡ bini ola ba di he ne Filisti laa tena bwa ola, ásɛ harɛre nɛra bwa jemɛ kɛŋɔ Korowii Israel tena aa dɛ tomɔ la lole.

1 Samoɛl 17:47

Nɛra baa cheme bonɔ bwa ɛɛ jemɔɔ kɛŋɔ kere kɛɛ lampea ne laa Korowii ɛɛ lɛ nɛn, yoi la ɛ Korowii kon, wɛɛ kpɔ he bwaa do ya nɔn ta.”

1 Samoɛl 31:4

Asɛ Kooro Sɔɔl ŋɔ o bonɔɔ waa dɛ che o dɔmkwaa la be ŋɔ, “Pamɛ he kere la, dɛ́ ba tɔɡ mɛ kpo, ásɛ nɛra baa wola Korowii tomɛ nɔ bɛ men ba kpo dɛ́ chɛɡ mɛ ja.” Kɛ dɛ bonɔɔ la dɛ ɔmɛ kɛ ó ɛ ɡɛ, anomanta, Kooro Sɔɔl pamɛ o ɡbaɡba kere dɛ chole o ta.

Yela 135:6

Gɛ waa dɛ nyin laanee wɛɛ ɛ nyundua ne harɛ, mpo ne o vile bwa ta.

Jeremia 9:25

Saŋ bɛl dɛ ba ń tɛr nɛra baa teŋe ba pena ɡbo, men Korowii wa aa wola toole ba bambile bini la deŋne.

Nɛra Kura 10:32

Dɛ hɛɛ sɛoh ya ne he kaa laa, kondɛɛɡa Korowii aa ka tɛ yaa la, yaa tɛɛ anee.”

Nɛra Kura 31:4

Hé kpɔ baala kaɡboŋ le Israel deene la bɛlbwa ta, dɛ́ la laa la.”

Josua 14:12

Anomanta, n dɛ soŋe kɛ hé kpɔ deŋɡarere harɛ Korowii aa kpɔa baɡ mɛ nyoa awola tɔpere la tɛ mɛ fini. He ɡbabir noɔ kɛŋɔ Anak tena baa kpeɡa kohona lɔ harɛ la ta, asɛ ba bwɛjena do kan ba ma danjwɛkpeɡa bara. Kɛ dɛ Korowii cheɡɛ n mun ta naa, mɛɛ won doŋ ba le, ɡɛ waa bola la.”

2 Webena 14:10

Ate, Kooro Asa le, dɛ ka puu yo, bɛlbwa ne o laa tena cheɡɛ ba chebɔra Sɛfata Fɛlembɔjen bini, o bɛne Maresa.