1 Samoɛl 14:3 - mzwDBL

³ dɛ sɔfo Ahija do sɔfo batakaarebora efɔd dɛ ja ba nɛ. Baa bɛl waa ɛ Ikabod dɔɔ Ahitub biee on, Ahitub ɡe mɛɛ Fenehas. Ahitub nabaalee Sɔfo Eli, dɛ o lɔ Korowii sie dɛɛ tomɔ Silo. Dɛ nomɛlbwa aa jemɛ kɛŋɔ Jonatan le ba bini kaa.

1 Samoɛl 14:3 ပူးပေါင်းရင်းမြစ်များ

1 Samoɛl 22:20

Kɛ Abiata waa ɛ sɔfo Ahemɛlɛk bibaala la bini bɛl chwao dɛ ka ja Devid nɛ.

1 Samoɛl 4:21

O pa bie la sɔn Ikabod, dɛ baɡle kɛ Korowii jirima le Israel kaa, dɛkalkɛ ba kpɔ Korowii Ne Nɛwɛnyina Fɔo Daka la kaa, asɛ o helabaa ne o jaa bwa ɡe sewɛ.

1 Samoɛl 2:28

Israel deene fi dɛ anɛ bwa binii n le he naa Arɔn ne o bibaala cheɡ ŋɔ, bá ɛ n sɔfore, dɛ́ɛ la bela baa ɛ saraha dɛɛ tɛ men Korowii, dɛ́ ka fuh daawiile a sɔɔh aa soma dɛ́ɛ tom mɛ, dɛ́ do sɔfo batakaarebora efɔd ba n sie. N berɔ tɛ he naawa dea tena ŋwɛnɛ Israel tena kwaa baa kpɔa ba ɛ saraha dɛ fuh dɛɛ tɛ mɛ la, baa kpɔ a bini ane.

1 Samoɛl 1:3

Bena bɛlbwaa Ɛlkana yon le o bwɛɛ Rama kaa bwɛjen Silo, dɛ́ ka tomɛ Korowii Waa Ɛ Koranar Bwa Kooro dɛ kpoo kwaa ɛ saraha tɛo. Dɛ Eli ɛ sɔfo, dɛ dɔ bibaala banɛ bane ba ɡe aa ɛ sɔfore. Bɛl sɔne Hofni nɛɛte ɡe Fenehas.

1 Samoɛl 14:36

Anee Kooro Sɔɔl ŋɔ, “Hé ɡel ya ti Filisti tena la jwaana nɔ ne, dɛ́ ka tel bɔr chaahna saŋ, dɛ́ ka yoo ba dɛ́ pa ba laala. Ya kpoo ba bwa, dɛ bɛ ba bini beŋkpoŋ kwaraa ɡel.” Anee ba chaŋo ŋɔ, “Ɛ ɡɛ bɛlbwa aa too he tea.” Kɛ sɔfo Ahija ɡe ŋɔ, “Hé ɡel ya bɔɔ le Korowii be ó baɡle ɡɛ yaa ɛ mɔɔ.”

1 Samoɛl 2:18

Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.

1 Samoɛl 4:4

Anomanta, ba tomɛ baala ba la Silo, dɛ ka kpɔ Nemenɛ Korowii Ne Nɛwɛnyina Fɔo Daka le bela Korowii Waa Ɛ Koranar Bwa Kooro aa soɡe Kerobim la doa o kookara ta la ba. Eli bibaala banɛ, Hofni ne Fenehas, teŋɛ Daka la nɛɛ dɛ ba.