1 Samoɛl 14:18 - mzwDBL

¹⁸ Kooro Sɔɔl ŋɔ sɔfo Ahija be ŋɔ, “Ka kpɔ Korowii Ne Nɛwɛnyina Fɔo Daka la ba.” Gɛ saŋ dɛ Israel tena bee o do.

1 Samoɛl 14:18 ပူးပေါင်းရင်းမြစ်များ

2 Samoɛl 11:11

Belaa o chaŋe kooro ŋɔ, “Korowii Ne Nɛwɛnyina Fɔo Daka la ne Israel tena, dɛ Juda tena bwa soɡe tɛnte deene bini, asɛ n nomoa Joab ne n dɔɔ kooro laa tena ɡe do laa ta dɛ baŋre ba tɛnte dɛ so kpɔɡ bini. Ɛrɛɛ mɛɛ ba wona kaa n dem dɛ́ ka di kwaa nyɔ sen lɛ n sie, dɛ́ lawɛ n haah chɔ ɔ? N ŋwɛɛ Korowii kɛ he taa lole nɔ, maa won ɛ ɡɛ waa nɔ!”

1 Samoɛl 7:1

Kiriat Jearim baala baa kpɔ Korowii Ne Nɛwɛnyina Fɔo Daka la, dɛ kaa o ne Abinadab dem deŋɡare bɛl doa. Ba sɔ o bibaa baa dɛ yerɔ Eliasa doŋa ta o do ɡoroŋ tɛ Korowii, dɛ ŋɔ wɛɛ nyiŋi Korowii Fɔo Daka la ta.

1 Samoɛl 5:2

Asɛ ba kpɔ ka cheɡ ba voɡ baa dɛ yerɔ Daɡɔn dea, o che voɡ la jwɛh.

Sitɔɔla 20:23

Israel tena la kaa wi no Korowii ka tel jɔmɔra, dɛ berɛ soŋo ŋɔ, “Yá ka pu ya bala Bɛnjamen dea tena la yo ja aa?” Anee Korowii chaŋe ŋɔ, “Hé kaa ka yoo ba.”

Sitɔɔla 20:18

Israel tena la Bɛtel dɛ ka bɔɔ le Korowii be ŋɔ, “Ya bini bamewaa dɛɛ ba sie tɔe ka yo Bɛnjamen dea tena nɔɔ?” Belaa Korowii chaŋ ba ŋɔ, “Juda dea tenaa dɛ́ tɔ sie ka yo.”

Nɛra Kura 27:21

Josua chɛ kɛŋɔ ó kpɔ o te dawɛ sɔfo Eliasa nɛ, dɛ́ che kwaa baa dɛ yera Urim ne Tumim ta, dɛ́ jemɛ waa men Korowii aa dɛ nyin kɛ wɛɛ ɛ. A ɡɛ taa sɔfo Eliasa ne Israel tena nɔ ɛɛ ba cheɡa, dɛ́ na ɡɛ baa dɛɛ ɛ.”

1 Samoɛl 14:17

Anee o ŋɔ laa tena o ne baa lɔ bela la be ŋɔ, “Hé bwa ba boa nyoa dɛ́ na he bini banɔ la baa wola toole. Baa chema la, dɛ Jonatan ne o bonɔɔ waa dɛ che o dɔmkwaa laanee wola toole ba bini.”

1 Samoɛl 14:36

Anee Kooro Sɔɔl ŋɔ, “Hé ɡel ya ti Filisti tena la jwaana nɔ ne, dɛ́ ka tel bɔr chaahna saŋ, dɛ́ ka yoo ba dɛ́ pa ba laala. Ya kpoo ba bwa, dɛ bɛ ba bini beŋkpoŋ kwaraa ɡel.” Anee ba chaŋo ŋɔ, “Ɛ ɡɛ bɛlbwa aa too he tea.” Kɛ sɔfo Ahija ɡe ŋɔ, “Hé ɡel ya bɔɔ le Korowii be ó baɡle ɡɛ yaa ɛ mɔɔ.”

1 Samoɛl 23:9

Devid aa naa kɛŋɔ Kooro Sɔɔl dɛ vɔrɔwe o kpoe waa la, o ŋɔ sɔfo Abiata be ŋɔ, “Kpɔ sɔfo batakaarebora efɔd la ba tɛ mɛ, ásɛ ya bɔɔ le Korowii be ɡɛ yaa ɛ.”