1 Samoɛl 14:1 - mzwDBL

¹ Awola bɛl, Jonatan waa ɛ Kooro Sɔɔl bibaa la ŋɔ o bechala waa dɛ che o dɔmkwaa be ŋɔ, “Ba yá kaa baŋ le bela Filisti tena aa soɡa la.” Kɛ o ta o mɛɛ te be bolɛ.

1 Samoɛl 14:1 ပူးပေါင်းရင်းမြစ်များ

Maeka 7:5

Dɛɛ berɛ he dɔŋ yaradae ka tonɛ, bɛ he dam ɡba nɛɛ hwɛɡɛ. Hale he haah he ne waa pɛa dɛɛ chɔ kalaŋ ta, dɛɛ nyiŋi he nyoa wobol ta kɛrɛdɛ.

Sitɔɔla 14:6

Korowii Doma den ba so Samsen nɛɛ kerabeŋkpoŋ dɛ tɛo kpeɡri, asɛ o lawɛ nyujente la dɛ kpɔ nɔn toɡru kɛŋɔ bombie ken. O ta o nya ne o mɛɛ be ɡɛ waa ɛa la bolɛ.

Sitɔɔla 14:9

O kwɛɛ tohnoo la do o nɔɔra ta dɛ di dɛɛ kaa. Waa la o nya ne o mɛɛ be la, o tɛɛ ba ane ba di, kɛ o ta ba be bolɛ ŋɔ nyujente lale la taa o le a ne.

Sitɔɔla 6:27

Anomanta, Gedeɔn kpɔ o bonɔɔna la bini fi dɛ ɛ ɡɛ Korowii aa bol o be la. Kɛ waa dɛ ɔmɛ o dem nɛra ne bwɛɛ la baala la nomanta, o ta an webaŋa ɛɛ dɛ ɛa jwaana.

1 Samoɛl 13:2

Kooro Sɔɔl le baala kaɡboŋa batoro le Israel harɛ, ba bini kaɡboŋa banɛ do o be Mikmas ne Bɛtel waa chɔ deŋɡarere doa, asɛ kaɡboŋ ɡe do Jonatan be Gebea waa lɔ Bɛnjamen dea harɛ ta. Dɛ ɡel ba kabora kaa ba deremi.

1 Samoɛl 13:22

Anomanta, dɛ laa baa chole aa, Israel te bɛlbwa aa kere kɛɛ lampea kpoŋe ka ja Kooro Sɔɔl ne o bibaa Jonatan nɛ.

1 Samoɛl 13:23

Filisti tena le laa tena la bini bane, ba ka che ŋwɛnɛ waa chɔa kaa Mikmas dɛɛ daah bela.

1 Samoɛl 14:2

Dɛ Kooro Sɔɔl baŋre o tɛnte dea daa bɛl o nɔna aa do ɡuleɡule baa yerɔ pɔmeɡranet mun, bobɛl baa dɛ yerɔ Meɡrɔn, o ne Gebea aa jaŋɛ. Dɛ laa tena dɛ ɛ lafraanumɛl ja o nɛ,

1 Samoɛl 25:19

Ate, o ŋɔ o bonɔɔna la be ŋɔ, “Hé tɔ sie, n ɡe teŋɔ dɛɛ ba.” Kɛ o ta o jaa Nabal be bolɛ a wa.