1 Samoɛl 13:6 - mzwDBL

⁶ Israel laa tena la aa naa kɛŋɔ a kpeɡri tɛɛ ba name la, ba chwao ka sɔh bwebɔɔne ne sɔɔhne bini, ne bwea ne bɔɔne dɛ kɔlɔŋa bini dɛ́ lɛ ba nyuune.

1 Samoɛl 13:6 ပူးပေါင်းရင်းမြစ်များ

Sitɔɔla 6:2

Midian tena nyu bini aa baa do kpeɡri Israel tena nɛɛ kohona la, ba chwao kaa bwejena bɔɔne bini ne bela baa wola ban na, dɛ kpɔ bela berɛ deene dɛ so a bini.

Hibru 11:38

Dɛ nɛra baa dɔ harɛ nɔ ta ɡbo liire ta chɛɛ kɛ ba ne a ɡɛ Korowii nɛra baa ɛ nɛnjena nɔ pɛ so. Ba ta soŋnibɔr dɔe, dɛ do pua hɛŋle ɡbo harɛ ne bwea dor dɛɛ ɡaaɡe, dɛɛ so bwebɔɔne ne bɔpɛɛne bini.

Felepae 1:23

N chinchaŋo. N dɛ nyin kɛ n sewɛ dɛ́ ka so Yeesu Kristo be. A bɔ kohona kɛ maa soɡe bonɔ.

Aesaya 42:22

Kɛ nɛra nɔ, ba dɔma kah ba kwaa dɛ paa kaa, dɛ laɡ ba do bɔɔne bini dɛ tɔ ba do, dɛ do ba deene ɡe. Ba ɛ nɛra baa lɛ ba kwaa bwa ba be, nomɛlbwa aa wola toole dɛ́ lɛɛ ba.

2 Samoɛl 24:14

Anee Kooro Devid chaŋo ŋɔ, “N lɔ suna kohona dii ta. Maa nyin kɛ nɛwɛnyini te dɔɔ mɛ dɛ́ tɛr n deŋne, Korowii ɡbabirii dɛ́ tɛr n deŋne, dɛkalkɛ onee dɛɛ sune nɛn nɛɛ kohona.”

1 Samoɛl 24:3

Kooro Sɔɔl baa tel peera leɡa ane aa lɔ ŋwɛnɛ la nyoa bwebɔɔ bɛl bɔr, asɛ o jo o bini ka kwaa o te. Dɛ Devid ɡe ne o nɛra lɔ bwebɔɔ la jaɡa.

1 Samoɛl 23:19

Sif tena la Kooro Sɔɔl be Gebea dɛ ka ŋɔ, “Devid sɔh ya baah nɔ ta, Hɔrɛs deŋɡarere ta Hakila Bwejen waa lɔ Jasimɔn weekaŋle harɛbɔr doa.

1 Samoɛl 14:11

Anomanta, Jonatan ne o bonɔɔ la ɡelɔ Filisti tena la na ba. Asɛ Filisti tena la ŋɔ, “Hé na, Hibru tena la bane huuhno le bɔɔne baa chwaa ka sɔh a bini la bini dɛɛ ba.”

Sitɔɔla 20:41

Israel tena aa laa berɛ dɛ ba yo baa la, ɔmee lawɛ Bɛnjamen dea tena la kohona, ba ɡbabir jemɛ kɛŋɔ ba serewɔ tonɛ.

Sitɔɔla 10:9

Amɔn tena la ɡale Jɔɔdan Moo dɛ ka yo Juda ne Bɛnjamen dɛ Efrem deene tena, asɛ Israel tena do bonyɛɡa ta kɛrɛdɛ.

Josua 8:20

Bwɛjen Ai tena la kaa ke nyiŋi dɛ na kɛŋɔ chuu tɛrɔ le ba bwɛjen la ta dɛɛ kaa nyundua, dɛ lee ta kpaɔ. Ba ta bɔr dɔe ba chwa kpɔ. Dɛ Israel tena baa chwaa kaa pua hɛŋle ɡbo harɛ ta la kaa laa berɛ, dɛ kpɔ sie pa Ai tena baa dɛ ti ba la nɛ.

1 Samoɛl 7:7

Filisti tena la aa noa kɛŋɔ Israel tena cheme Mispa la, ba koranar banue la kpɔ ba laa tena dɛ́ ka yoo ba. Israel tena la no ba wa, asɛ ɔmee chole ba nɛ.

1 Samoɛl 13:15

Samoɛl le Gelɡal dɛ kaa Gebea waa lɔ Bɛnjamen harɛ ta, asɛ Kooro Sɔɔl kure baala baa ja o nɛɛ la. Baa ɛ nɛra lafraanumɛlee.

1 Samoɛl 14:22

Israel tena baa sɔh Efrem deŋɡarere ta aa noa kɛŋɔ Filisti tena la dɛ chwa la, ba kaa ja ba bala Israel tena la nɛɛ laa la ta, dɛ chwa ti ba dɛɛ yoo ba.

Jeremia 41:9

Kɔlɔŋ la Ismael aa pa Gedalia ne nɛra waa kpoo ba ka ta o bini la, o ɛ Kooro Asa kɔlɔŋ waa kwiu ɡɛ saŋ Israel Kooro Baasa aa baa yoo laa. Nɛra waa kpoo ba la su kɔlɔŋ la.

Ɛsekeɛl 33:27

Ŋɔ men Nemenɛ Korowii ŋɔ, ‘Ń ŋwɛɛrɔ kɛŋɔ n taa lole nɔ, baa kpoo nɛra baa kaa dɛ ta so bwɛjena aa paɡra la ta bwaa. Banɔ la baa chwaa ka so kpɔɡ bini la, kpɔɡ bini olchɔɡaa dɛ́ di ba ola, ásɛ weechɔɡa kpoo banɔ la ɡe baa chwaa ka so dekpeɡa ne bwebɔɔne bini.

1 Samoɛl 31:7

Israel tena baa lɔ Jesreel Fɛlembɔjen la baŋ bɛl, ne Jɔɔdan Moo wee leebɔr aa noa kɛŋɔ Israel laa tena la chwao, asɛ ba kpo Kooro Sɔɔl ne o bibaala ɡe la, ba chwao ɡel ba bwɛɛre. Asɛ Filisti tena la ba kpɔ dɛ so a ta.