1 Samoɛl 13:14 - mzwDBL

¹⁴ Taraken he kora aa lee do kpa. Korowii ɛɛ le nɛnfale o bambile aa lawaa, ásɛ o tɔ o nɛra sie. Dɛkalkɛ he ta o waa ta teŋɛ.”

1 Samoɛl 13:14 ပူးပေါင်းရင်းမြစ်များ

We-ɛɛla 13:22

Korowii leo kora la ta, dɛ kpɔ Devid so. Korowii bol Devid waa ŋɔ, ‘Jese bie Devid waa too n tea, dɛkalkɛ onee n na kɛŋɔ wɛɛ ɛ n tetoowaa bwa maa dɛ nyin kɛ o ɛ.’

1 Samoɛl 15:28

Anee Samoɛl ŋɔ o be ŋɔ, “Korowii chɔɡ Israel kora la kɛŋɔ batakaare nɔ dɛ le he nɔn ta fini, dɛ kpɔ tɛ he dɔŋ o wa aa wera ɡwaale.

Yela 78:70

O le o bonɔɔ Devid ɡɛ saŋ waa dɛ nyiŋi peera nɛɛ kpɔɡ bini,

1 Samoɛl 16:1

Awola bɛl, Korowii ŋɔ Samoɛl be ŋɔ, “Saŋ besoo hɛɛ nyin he wi Sɔɔl ka tel, dɛ́ le vɛɛh maa vɛoh kɛ Israel kooro nɔɔ? Do noo pebal nyeɡle ta, ásɛ dɛ chiɡ ŋwɛnɛ ta ń tomɛ Jese be Bɛtlɛham. N le o bibaala la bini bɛl dɛ cheɡo kooro tɛ Israel tena.”

We-ɛɛla 7:46

Dɛ Korowii dɛ nyin Devid wa. Dɛ Devid dɛ nyin o ma dea ásɛ o ɛ Korowii o naa Jekɔb fa aa dɛ tomɛ la dea. Belaa o soŋe Korowii ŋɔ ó tɛo ŋwɛnɛ ásɛ o ma a ɡɛ dea la.

1 Samoɛl 16:12

Anomanta, o ɡelɔ ba ka yerɔ ba. O mao dɛ do wer bonɔɔ, o siwinyiŋi ɡe do wer kɛrɛdɛ. Anee Korowii ŋɔ, “Ir dɛ́ fuɡe noo do o nyu ta, onee ɛ nɛn maa leo.”

2 Koranar 20:5

ó berɛ dɛ́ ka ŋɔ Kooro Hɛsɛkea waa dɛ tɔ o nɛra sie be ŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ chaeh, asɛ tɔpetooro wee la he ir, dɛ́ la men Korowii Dea.

2 Samoɛl 5:2

Kooro Sɔɔl fa aa ɛ ya kooro la, dɛ henee tɔ ya Israel tena sie dɛɛ la ya ne laa. Asɛ Korowii ŋɔ he be ŋɔ, ‘Henee dɛ́ nyiŋi n nɛra Israel tena nɛɛ kɛŋɔ peteɡre ken, dɛ́ ɛ ba kooro.’ ”

1 Samoɛl 9:16

“Kere saŋ nɔ bɔr, mɛɛ tomɛ baa bɛlee le Bɛnjamen dea harɛ taa he be. O balaa, fuɡe noo do o nyu ta, dɛ́ ɛo n nɛra Israel tena sitɔɔ. Onee dɛ́ ba lɛɛ baa le Filisti tena nɔn ta. N na wenaale baa lɔ a ta, ba wii ɡe tel n be.”

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.

Hibru 2:10

Korowiirii ta komɛlbwa, asɛ a che o kpeɡri ta komɛlbwa ɡe do le. Waa ɡela Yeesu na wahala la, maɡraa a maɡre kɛrɛdɛ. Waa dɛ nyin o lɛ nɛndamanta dɛ ɡel ba ɛ o bii, dɛ do o be dɛ dɔ jirima la waa o ɡel Yeesu waa ɛ ba Sitɔɔ la ɡbaɡba kpɔ a ɡɛ ŋwɛnɛ la ta, dɛ na wahala dɛ won ɛ ba Sitɔdɛɛɡe kaih ka tonɛ dɛ lɛɛ ba la.

1 Samoɛl 15:23

Dɛ he ɛ Korowii deŋnekpeɡ aa, a do kɛŋɔ haa dɛ tomɛ voɡa ken, bambikpeɡ ɡe do kɛŋɔ voɡa toma. Haa vɛh Korowii waa la nomanta, o ɡe vɛɛh kooro.”

1 Samoɛl 15:26

Asɛ Samoɛl ŋɔ o be ŋɔ, “N ne haa berɛ kaa. He vɛh waa Korowii aa bola he be, asɛ o vɛɛh kɛŋɔ he ɛ kooro Israel tena nɛ.”

1 Samoɛl 24:20

N jemɔ kɛrɛdɛ kɛŋɔ henee dɛ́ di kora Israel harɛ, dɛ harɛ la ɛɛ cheo kɛrɛdɛ naa, he bee aa ba lee.

1 Samoɛl 25:30

Dɛ Korowii ɛ wedɛɛɡe bɛlbwa waa baɡɛ nyoa la dɛ cheɡe kora ta Israel harɛ ta naa,

2 Samoɛl 6:21

Belaa Kooro Devid chaŋe ŋɔ, “Korowii siee mɛɛ sa. Onee cheɡ mɛ kora Israel harɛ ta, he mɛɛ kɛɛ he dem te bɛlbwa laa. Mɛɛ teŋɔɔ dɛɛ lɛ n sie Korowii wa, dɛɛ duuru.

1 Webena 10:13

Kooro Sɔɔl kasinteŋ bɛ dɔe dɛ tɛ Korowii waa o sewɛ. O ta Korowii waa ta teŋɛ, hale dɛ ka bɔɔ dɛɛ le nɛn waa dɛ yerɛ lala be, ó baɡlo waa waa ɛ,

Aesaya 39:5

Aesaya ŋɔ Kooro Hɛsɛkea be ŋɔ, “Koranar Bwa Kooro ŋɔ,

Sɛɡla 27:24

dɛkalkɛŋɔ suuɡa dɔe aa ɡɛ ka, ɡɛɛ kooɡbɛrɛ aa wola le chɔe dɛɛ tɛ naanar saŋ bɛlbwa.