1 Samoɛl 12:5 - mzwDBL

⁵ Anee Samoɛl ŋɔ, “Korowii ne kooro waa leo laanee ɛ he danseɛ fini kɛŋɔ he ta wechɔɡe bɛlbwa n nɛɛ nae.” Asɛ ba chaŋe ŋɔ, “Ɔɔh, Korowiirii ya danseɛ.”

1 Samoɛl 12:5 ပူးပေါင်းရင်းမြစ်များ

Kaala 22:4

Dɛ kon waa ŋwɛa la ɛ kondɛɛre o ta sewɛ mɔɔ naa, nabal kɛɛ keeɡo kɛɛ dɛ pee kwaraa yoo, a chɛ kɛ ó bɔ bele anɛ.

We-ɛɛla 24:20

Gɛ laa ɡe aa, hé ɡel nɛra nɔ baa lɔ bonɔ nɔ baɡle, dɛ ɡɛ saŋ baa laɡ mɛ ka cheme Juu tena nomonome sie la, dɛ ba na n wechɔɡe bɛl aa?

We-ɛɛla 23:9

Ba nyɛɡa la nyoa baa do kpeɡri, asɛ Farisii tena Tɔnjerema la ir che dɛ ŋɔ, “Ya ta wechɔɡa bɛlbwa baa nɔ nɛɛ nae. Bɛl lole komɛl kɛɛ nyundua torome bɛlee bol waa o be!”

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

1 Kɔrent 4:4

N ta wechɔɡa bɛlbwa nae n waa bini te, kɛ a ta baɡlɛ kɛ mɛɛ di bolee. N Dɔɔ Yeesu Kristoo dɛɛ ba n waa bola dɛ́ pa bole.

We-ɛɛla 24:16

N jemɔ kɛŋɔ Korowii ɛɛ ba bol nɛwɛnyina bwa waa dɛ́ pa bole. Anomanta, n dɛ ɛ n wobɛlbwa naa, n dɛ ɛa kɛrɛdɛ dɛ bɛ bolchɔɡe di Korowii ne nɛwɛnyina bwa be.

Amanesoma Jɔn Aa Chwera Tɔn 18:38

Anee Paelet ŋɔ, “Bɔkwa ɡee kasinteŋ nɔɔ?” Waa bol ɡɛ la, o berɔ le dɛ ka ŋɔ Juu tena la be ŋɔ, “N ta waa maa che a ta pao bolchɔɡe nae,

Yela 17:3

He jemɛ n bambile bini wa, he ba n be jwaana, dɛ nyiŋi n waa bini, dɛ pese mɛ kɛrɛdɛ, he ta wechɔɡa nae n nɛ, n ɛ n liire kɛ, wechɔɡa aa n nyoa le.

Job Tɔn 42:7

Korowii aa bol ɡɛ waa nɔ baɡle Job tonɛ la, o ŋɔ Elifas, Teman te la be ŋɔ, “N baah di he ne he daamanar banɛ la nɛ, dɛkalkɛ he ta n bwara wedɛɛɡe bolɛ kɛ n bonɔɔ Job.

1 Samoɛl 26:9

Kɛ Devid ŋɔ, “Bɛ on kpo! Nomɛlbwa waa kpo nɛn Korowii aa fuɡe noo do o nyu ta dɛ cheɡo kora ta la ɛɛ di bolchɔɡee.”

1 Samoɛl 12:4

Ba ɡe chaŋe ŋɔ, “He ta yaa faahrɛ kɛɛ dɛ fiiɡi bɛlbwa, he ta komɛlbwa ɡe lɛɛ le nomɛlbwa be.”

Mumpar 31:50

Dɛ berɛ ŋɔ, “Dɛ he ka dɛ fiiɡi n bihaahna nɔ kɛɛ dɛ ka mo haahna ja ba nɛ aa, a lole kɛŋɔ maa belaa do te, kɛ Korowii te ɛɛ nao.

Job Tɔn 16:19

Taraken, n dɔ nomɛl nyundua waa dɛ ba n naa ta cheɡa, dɛ́ bol n waa tɛ mɛ.