1 Samoɛl 12:18 - mzwDBL

¹⁸ Anee Samoɛl soŋe Korowii awola, asɛ bwaala nɛ dɛ kɔr kohona. Asɛ ɔmee kohona lawɛ nɛra la bwa Korowii ne Samoɛl wa.

1 Samoɛl 12:18 ပူးပေါင်းရင်းမြစ်များ

Kaala 14:31

Israel tena aa na Korowii kpeɡri kohona waa kpɔa chɔɡ Ijipt tena la, ba ɔmɔ asɛ dɛ yarada Korowii ne o bonɔɔ Mosis.

Ɛsra 10:9

Tɔpera atoro la ne tela la, dɛ baala baa soɡe Juda harɛ ne Bɛnjamen dea harɛ bwa cheme Jerusalam. Asɛ korobie anuanaarɛ tɔpera fifraanɛ ta la, ba ka so Korowii Dea dembaah bela. Dɛ bwaala dɛ nɛ kohona, asɛ ba so o bini dɛɛ chel, dɛkalkɛŋɔ dɛ ba chema la waa hiaoh kohona.

Job Tɔn 37:13

O won baama kpɔe ba tɛr nɛra deŋne, kɛɛ dɛ́ ba sɔɔh harɛ, dɛ́ baɡle o nyina.

Yela 99:6

Dɛ Mosis ne Arɔn fa ɛ o sɔfore, asɛ Samoɛl che o sɔn ta dɛɛ soŋo. Ba soŋe Korowii, asɛ o no ba be.

Josua 4:14

Awola Korowii ɛ waa Israel tena bwa siwi ta ba na kɛ Josua ɛ nɛnjen. Ba kpɔ duure tɛo o soɡa bini bwa, ɡɛ tenten baa duu Mosis la.

Josua 10:12

Awola tɔpere Korowii aa kpɔ Amɔre tena do Israel tena nɔn ta la, Josua soŋe Korowii kohona Israel tena la bwa siwi ta ŋɔ, “N Naa Korowii, ɡel wee che bobeŋkpoŋ Gebeɔn harɛ ta, ɡel korobie ɡe che bobeŋkpoŋ Aejalɔn fɛlembɔjen ta kiŋkiŋ ken!”

1 Koranar 18:42

Kooro Ahab aa kaa kwaa dii la, Elaeja berɔ teeh kaa Kaamɛl Bwejen doa dɛ ka boŋɛ dɛ kpɔ o nyu do o naa baah.